ជាតិ
២៥ខេត្ត/រាជធានី
Mercedes-Benz នឹងបង្ហាញកំណប់៖ ផ្នូរអាយុ៥០០ឆ្នាំ, ល្អាងប្រចៀវ, ទឹកជ្រោះ, សត្វស្លាបតាមព្រែកសមុទ្រ... ក្នុងខេត្តកោះកុង
× ភ្នំពេញ៖ «ជីផាត» ជាតំបន់ទេសចរណ៍ធម្មជាតិដ៏ល្អមួយដែលស្ថិតនៅក្នុងខេត្តកោះកុង។ សហគមន៍អេកូទេសចរណ៍ជីផាត ជាទីកម្សាន្តបែបធម្មជាតិស្ថិតនៅទិសនិរតីនៃប្រទេសកម្ពុជា បណ្តុំដោយសម្រស់ទឹកជ្រោះ, ជិះទូកគយគន់ថ្ងៃលិច, អំពិលអំពែក និងសត្វស្លាបតាមដងព្រែកសមុទ្រ, ល្អាងប្រចៀវ, ទីឈ្វេងយល់ពាងបុរាណ និងផ្នូរបុរាណដែលមានអាយុកាលជាង៥០០ឆ្នាំ។ល។ ទាំងនេះ គឺជាគោលដៅនៃបេសកកម្មលើកទី៤ ដែលក្រុមការងារត្រៀមទៅផ្តិតយកទស្សនីយភាពនៃសក្តានុពលអេកូទេសចរណ៍ជីផាតដ៏ល្អឯក នេះ ផ្សព្វផ្សាយជូនប្រិយមិត្តដែលតាមដានកម្មវិធី «Mercedes-Benz និងកំណប់អាថ៌កំបាំង» នៅថ្ងៃទី១៨-២០ ខែកុម្ភៈ ឆ្នាំ២០១៩ ខាងមុខនេះ។
បន្ទាប់ពីជោគជ័យបេសកកម្មលើកទី១, ទី២ និងទី៣នៃកម្មវិធី «Mercedes-Benz និង កំណប់អាថ៌កំបាំង» ដោយក្រុមការងារបានស្វែងរក និងគាស់កកាយកំណប់ទេសចរណ៍នៅតំបន់អេកូទេសចរណ៍អូរសោម ក្នុងខេត្តពោធិ៍សាត់, ការឡើងភ្នំឱរ៉ាល់ដែលមានកម្ពស់ ១៨១៣ម៉ែត្រ ស្ថិតនៅខេត្តកំពង់ស្ពឺ និង តំបន់ទេសចរណ៍សក្តានុពលបែបធម្មជាតិ, សមាគមអភិរក្សដំរីខ្មែរអៃរាវត្តា និងទេសចរណ៍ប្រពៃណី-វប្បធម៌ជនជាតិដើមភាគតិច នៅខេត្តរតនគិរី។ ក្រុមការងារនឹងបន្តដំណើរបេសកកម្មលើកទី៤ របស់ខ្លួនឆ្ពោះទៅ «សហគមន៍អេកូទេសចរណ៍ជីផាត» ស្ថិតនៅខេត្តកោះកុងនាទិសនិរតីនៃប្រទេសកម្ពុជា នៅថ្ងៃទី១៨-២០ ខែកុម្ភៈ ឆ្នាំ២០១៩ ខាងមុខនេះ។
សម្រាប់បេសកកម្មលើកទី៤ នេះ កម្មវិធី «Mercedes-Benz និងកំណប់អាថ៌កំបាំង» នឹងធ្វើដំណើរឆ្ពោះទៅ«សហគមន៍អេកូទេសចរណ៍ជីផាត» នៃខេត្តកោះកុង ដោយក្រុមការងារគ្រោងទៅមើលសត្វស្លាប, ថ្ងៃលិច និងអំពិលអំពែកតាមដងព្រែកសមុទ្រ រួមទាំងល្អាងប្រចៀវ, ទឹកធ្លាក់អូរទឹកវេទ, ពាងបុរាណ, ផ្នូរបុរាណ និងកន្លែងទេសចរណ៍ផ្សេងៗទៀតនៃសហគមន៍ជីផាត។
«ជីផាតអេកូទេសចរណ៍ល្អឯក» ដែលស្ថិតនៅឃុំជីផាត ស្រុកថ្មបាំង ខេត្តកោះកុង។ ក្រុមការងារនៃកម្មវិធី «Mercedes-Benz និងកំណប់អាថ៌កំបាំង» នឹងផ្តិតយកទស្សនីយភាពនៃសក្តានុពលអេកូទេសចរណ៍ជីផាតដ៏ល្អឯក នេះ ផ្សព្វផ្សាយជូនប្រិយមិត្តដែលតាមដានកម្មវិធី «Mercedes-Benz និងកំណប់អាថ៌កំបាំង» នៅថ្ងៃទី១៨-២០ ខែកុម្ភៈ ឆ្នាំ២០១៩ ខាងមុខនេះ។
សូមបញ្ជាក់ថា កម្មវិធី «Mercedes-Benz និងកំណប់អាថ៌កំបាំង» ផ្តួចផ្តើមឡើងដោយក្រុមហ៊ុន Star Auto Cambodia សហការជាមួយសារព័ត៌មានអេឡិចត្រូនិក ThmeyThmey.com និង Fresh News និងគាំទ្រដោយក្រសួងទេចរណ៍ ដើម្បីចូលរួមលើកកម្ពស់វិស័យទេសចរណ៍នៅទូទាំងកម្ពុជា ស្វែងរក និងគាស់កកាយតំបន់ទេសចរណ៍ ដែលគេមិនសូវស្គាល់តំបន់ទេសចរណ៍សក្តានុពល ដែលត្រូវគេមើលរំលង, ពង្រីកសក្តានុពលតំបន់ទេសចរណ៍ដែលមានស្រាប់ឲ្យកាន់តែមានសកម្មភាពរស់រវើក និងផ្សព្វផ្សាយតំបន់ទេសចរណ៍ទាំងនោះឲ្យកាត់តែល្បីល្បាញមួយកម្រិតទៀត៕
© រក្សាសិទ្ធិដោយ thmeythmey.com