ជាតិ
បទយកការណ៍ / បទសម្ភាសន៍
ប្រធានផ្សារដើមគ៖«ទៅពេលខាងមុខ មិនមែនសមត្ថភាពល្មមៗអាចគ្រប់គ្រងអង្គភាពមួយបាននោះទេ»
× ភ្នំពេញ៖ នៅឆ្នាំ២០០៤ លោក ឈួន ឆាយារិទ្ធិ បានផ្លាស់ប្ដូរការងារពីគ្រូបង្រៀន មកជាប្រធានគណៈកម្មការផ្សារដេប៉ូ ហើយដល់ឆ្នាំ២០១៧ លោកត្រូវបានប្ដូរមកគ្រប់គ្រងផ្សារដើមគរវិញម្ដងរហូតមកដល់សព្វថ្ងៃនេះ។ លោក ឆាយារិទ្ធិ មានសញ្ញាបត្រគរុកោសល្យ បរិញ្ញាបត្រព័ត៌មានវិទ្យា (IT) និងបរិញ្ញាបត្រច្បាប់ មុនលោកបញ្ចប់អនុបណ្ឌិតច្បាប់នៅឆ្នាំ២០០៦ ។ មានបទពិសោធន៍១៥ឆ្នាំ លោក ឈួន ឆាយារិទ្ធិ លើកឡើងថា ការដែលលោកបានរៀនសូត្រខ្ពស់ និងមានបទពិសោធន៍មួយចំនួននេះហើយ ដែលធ្វើឲ្យលោកអាចគ្រប់គ្រងផ្សារបានល្អ។ លោកប្រាប់ថា ជាអ្នកគ្រប់គ្រងផ្សារសំខាន់បំផុតគឺយល់ពីអារម្មណ៍ យល់ពីការចង់បានរបស់អាជីវករ និងដោះស្រាយទាន់ពេលវេលា។
សូមស្ដាប់កិច្ចសម្ភាសរវាងលោក ញ៉ុង ហេង នៃសារព័ត៌មានថ្មីៗ និងលោក ឈួន ឆាយារិទ្ធិ ប្រធានគ្រប់គ្រងផ្សារដើមគ ដូចតទៅនេះ៖
«អ្វីដែលខ្ញុំសប្បាយចិត្តបំផុត គឺបងប្អូនអាជីវករផ្សារមិនដែលបានធ្វើកូដកម្ម ធ្វើបាតុកម្មនោះទេ អ្វីដែលជាផលលំបាករបស់អាជីករ ខ្ញុំបានដោះស្រាយជូនអាជីវករភ្លាមៗនៅនឹងកន្លែង»។ នេះជាប្រសាសន៍របស់លោក ឈួន ឆាយារិទ្ធិ ។ លោកបន្ថែមថា មកដល់បច្ចប្បន្ននេះ ក៏ដូចជាទៅអនាគត មិនថាអ្នកគ្រប់គ្រងអង្គភាពផ្សារ ឬអង្គភាពផ្សេងៗទៀត គឺទាមទារអ្នកមានការរៀនសូត្រយល់ដឹងបានខ្ពស់ មានបទពិសោធន៍ សមត្ថភាព ទើបអាចសម្របសម្រួលកិច្ចការអង្គភាពរបស់ខ្លួនបានរលូន។
អ្នកមានបទពិសោធន៍គ្រប់គ្រងផ្សារអស់រយៈពេល ១៥ឆ្នាំរូបនេះ ឲ្យដឹងថា ខ្លួនមានគោលបំណងធ្វើកិច្ចការអាជ្ញាធរដែនដី បើត្រូវបានផ្ដល់ឱកាសទៅពេលខាងមុខ។ ជាមួយគ្នានេះ លោកជំរុញឲ្យយុវជនជំនាន់ក្រោយត្រូវតែប្រឹងប្រែងពង្រឹងសមត្ថភាពរបស់ខ្លួន ទើបអាចរុញច្រានការអភិវឌ្ឍប្រទេសរបស់ខ្លួនទៅមុខបាន៕
Tag:
ឈួន ឆាយារិទ្ធិ
ផ្សារដើមគរ
អង្គភាព
© រក្សាសិទ្ធិដោយ thmeythmey.com