ក្រុម Inter KCP នៅតែរក្សាតំណែងជើងឯក Tiger Street Football Festival 2019 នៃមណ្ឌលខេត្តកំពង់ចាម

អត្ថបទពាណិជ្ជកម្ម

ក្រុម Inter KCP នៅតែរក្សាតំណែងជើងឯក Tiger Street Football Festival 2019 នៃមណ្ឌលខេត្តកំពង់ចាម

18, Feb 2019 , 4:19 pm

រូបភាព

ដោយ:

ខេត្តកំពង់ចាម៖ សម្រាប់ការប្រកួតវគ្គជម្រុះ នៅមណ្ឌលខេត្តកំពង់ចាម ដែលជាមណ្ឌលទី៧ នៃព្រឹត្តិការណ៍ការប្រកួត ក្របខណ្ឌពានរង្វាន់ Tiger Street Football Festival 2019 ក្រុមការងារ បន្តរកឃើញជើងខ្លាំងចំនួន៧ក្រុម ដែលមានសិទ្ធិឡើងទៅវគ្គផ្តាច់ព្រ័ត្រទូទាំងប្រទេស នៅរាជធានីភ្នំពេញ ថ្ងៃទី១៦ និងទី១៧ មីនា ២០១៩ ខាងមុខនេះ។

ចំណែកក្រុម Inter KCP ដែលជាជើងឯក៤ជំនាន់ប្រចាំំមណ្ឌលខេត្តកំពង់ចាម នៅតែរក្សាតំណែងរបស់ខ្លួនដដែល ក្រោយយកឈ្នះក្រុម ដីឡូត៍ អាន វេងស្រ៊ុន ក្នុងលទ្ធផល ២ ទល់ ០ នៅវគ្គផ្តាច់ព្រ័ត្រ នាល្ងាចថ្ងៃទី១៧ ខែកុម្ភៈ ឆ្នាំ២០១៩នេះ នៅទីលានកោះពេជ្រ ជិតមាត់ទន្លេ ខេត្តកំពង់ចាម។ ដោយឡែកចំណាត់ថ្នាក់លេខ៣ បានលើក្រុម កុកសរ ឈ្នះលើក្រុម Black Eagle FC ដោយលទ្ធផល៤ទល់២ និង៣ក្រុមទៀតរួមមាន ក្រុម King Lion ក្រុម MY 05 និងក្រុម The Wolf ។

សម្រាប់រង្វាន់ក្រុមជើងឯកប្រចាំ មណ្ឌលកំពង់ចាម គឺក្រុម Inter KCP ទទួលបានប្រាក់រង្វាន់១,៥០០ដុល្លារ ។ ក្រុមជើងឯករងបានទៅលើក្រុម ដីឡូត៍ អាន វេងស្រ៊ុន ប្រាក់រង្វាន់១,០០០ដុល្លារ។ ក្រុមចំណាត់ថ្នាក់លេខ៣បានទៅលើក្រុមកុកសរបានប្រាក់រង្វាន់៥០០ដុល្លារ និងក្រុមចំណាត់ថ្នាក់លេខ៤បានទៅលើក្រុម Black Eagle FC ប្រាក់រង្វាន់២០០ ដុល្លារ ។

សម្រាប់ខេត្តកំពង់ចាមដែលជាមណ្ឌលទី៧នេះ គណៈកម្មាធិការរៀបចំការប្រកួត យកតែ៧ក្រុមតែប៉ុណ្ណោះ ដើម្បីឲ្យទៅចូលរួមការប្រកួតវគ្គផ្តាច់ព្រ័ត្រទូទាំងប្រទេស នៅរាជធានីភ្នំពេញ ថ្ងៃទី១៦ និងទី១៧ មីនា ២០១៩ ខាងមុខនេះ ជាពិសេសមានឱកាសជួបផ្ទាល់ ជាមួយកំពូលតារាបាល់ទាត់ពិភពលោក គឺលោក Ronaldinho។

បន្ទាប់ពីការប្រកួតដណ្តើមជើកឯក Tiger Street Football Festival 2019 នេះបញ្ចប់ ក៏មានការប្រគំតន្ត្រី ពេលរាត្រីតារាចម្រៀងដ៏ល្បីប្រចាំកម្ពុជាជាច្រើន រូបដូចជា កញ្ញា ឱក សុគន្ធកញ្ញា, លោក ណុប បាយ៉ារិទ្ធ, កញ្ញា ទេព បូព្រឹក្ស, លោក ដួង វិរះសិដ្ឋ, កញ្ញា ម៉ង់ ចាន់កញ្ញា និងឌីជេ Maily បានធ្វើឲ្យកក្រើកឆាកតន្ត្រី Tiger Street Football Festival 2019 នៅបរិវេណកោះពេជ្រជាប់មាត់ ទន្លេខេត្តកំពង់ចាម។ តារាចម្រៀងទាំងអស់ បានលើកយកសុទ្ធសឹងជាបទញ៉ាក់កន្ត្រាក់អារម្មណ៍ ជាហេតុធ្វើឲ្យអ្នកគាំទ្រនៅខេត្តកំពង់ចាម រាំកម្សាន្ត តាមចង្វាក់ភ្លេងយ៉ាងសប្បាយរីករាយគ្រប់គ្នាពេញមុខឆាកតន្ត្រី។ លើសពីនេះទៅទៀតអ្នកគាំទ្រទាំងអស់ ក៏ទទួលបានតម្លៃពិសេសសម្រាប់ការលក់ជូន ក្នុងឱកាសប្រមូសិន ដើម្បីទទួលទានរសជាតិស្រាបៀរថៃហ្គ័រ នារាត្រីនោះផងដែរ។

ស្រាបៀរថៃហ្គ័រជាស្រាបៀរ ដែលមានគុណភាពខ្ពស់លំដាប់ថ្នាក់អន្តរជាតិ មានដើមកំណើតតាំងពីឆ្នាំ១៩៣២ នៅប្រទេសសិង្ហបុរី និងមានលក់នៅច្រើនជាង៧០ ប្រទេស នៅទូទាំងពិភពលោក ហើយស្រាបៀរថៃហ្គ័រឈ្នះ ពានរង្វាន់លំដាប់ថ្នាក់អន្តរជាតិច្រើនជាង៤០ មេដាយផ្នែករសជាតិ និងគុណភាព។