អត្ថបទពាណិជ្ជកម្ម
ស្ថានទូតអង់គ្លេសនឹងធ្វើយុទ្ធនាការ Education is GREAT និងបង្ហាញវត្តមានសាកលវិទ្យាល័យអង់គ្លេសជាច្រើនដល់និស្សិតកម្ពុជា
×![]()
ដោយ: ថ្មីៗ
រាជធានីភ្នំពេញ ថ្ងៃទី១៨ ខែកុម្ភៈ ឆ្នាំ២០១៩៖ ស្ថានទូតចក្រភពអង់គ្លេសប្រចាំកម្ពុជា នឹងរៀបចំព្រឹត្តិការណ៍ជាច្រើននៅសប្តាហ៍នេះ ដែលជាផ្នែកមួយនៃយុទ្ធនាការរបស់ខ្លួនឈ្មោះថា Education is GREAT ក្នុងបំណងផ្សព្វផ្សាយវិស័យអប់រំរបស់ចក្រភពអង់គ្លេសទៅកាន់កម្ពុជា។ យុទ្ធនាការនេះ ចាប់ដំណើរការនាសប្តាហ៍នេះ តាមរយៈកម្មវិធីតាំងបង្ហាញ ពីការអប់រំកម្រិតខ្ពស់មួយ ឈ្មោះថា ពិព័រណ៍ការសិក្សាចក្រភពអង់គ្លេស២០១៩។
ពិព័រណ៍ការសិក្សាចក្រភពអង់គ្លេស២០១៩នេះ នឹងមានការចូលរួមពីមន្ត្រីផ្នែកជ្រើសរើសសិស្ស-និស្សិត មកពីសាកលវិទ្យាល័យ២០កន្លែងក្នុងប្រទេសអង់គ្លេស។ ពួកគាត់នឹងផ្ដល់ជូនព័ត៌មានផ្សេងៗ ពាក់ព័ន្ធនឹងគ្រឹះស្ថានអប់រំរបស់ខ្លួន ក៏ដូចជាកម្មវិធីសិក្សាជាច្រើនផងដែរ។ លើសពីនេះ ពួកគាត់ក៏នឹងស្វាគមន៍រាល់សំណួររបស់សិស្ស និងអាណាព្យាបាលផងដែរ។
កម្មវិធីតាំងបង្ហាញនេះ នឹងចុះធ្វើទស្សនកិច្ចនៅតាមសាលារៀនមួយចំនួនក្នុងរាជធានីភ្នំពេញ មុននឹងឈានដល់ការរៀបចំពិព័រណ៍ការសិក្សានៅចក្រភពអង់គ្លេស២០១៩ ក្នុងបរិវេណ Daylight Plaza នាផ្សារទំនើបអ៊ីអន១ ។ ពិព័រណ៍នេះ នឹងប្រព្រឹត្តទៅនៅថ្ងៃទី២០ ខែកុម្ភៈ ចាប់ពីម៉ោង៥:៣០ល្ងាច រហូតដល់ម៉ោង៨:៣០នាទីយប់ ហើយសាធារណជនអាចចូលទស្សនាដោយសេរីផងដែរ។ អតីតនិស្សិតអាហាររូបករណ៍ Chevening ក៏នឹងចូលរួមក្នុងកម្មវិធីនាពេលល្ងាចនោះផងដែរ ដើម្បីជួបពិភាក្សាគ្នា ជាមួយអ្នកដែលមានចំណាប់អារម្មណ៍ដាក់ពាក្យចូលរួមប្រលងអាហាររូបករណ៍ Chevening របស់រដ្ឋាភិបាលអង់គ្លេស។
លោកស្រី ធីណា រែតសរ (Tina Redshaw) ឯកអគ្គរាជទូតអង់គ្លេសប្រចាំកម្ពុជា បានគូសបញញជាក់ថា ការទៅសិក្សានៅប្រទេសអង់គ្លេស គឺស្មើនឹងការទទួលបានការសិក្សាលំដាប់ពិភពលោក នៅគ្រឹះស្ថានអប់រំដ៏មានឈ្មោះបោះសំលេង។ តាមឯកអគ្គរាជទូតអង់គ្លេសប្រចាំកម្ពុជា ក្នុងចំណោមសាកលវិទ្យាល័យកំពូលទាំង១០ ក្នុងពិភពលោកមានសាកលវិទ្យាល័យកំពូលដល់ទៅ ៣ឯណោះ ដែលមានទីតាំងនៅប្រទេសអង់គ្លេស។ លោកស្រី ធីណា រែតសរ បន្តទៀតថា អង់គ្លេសជាប់ចំណាត់ថ្នាក់លេខពីរក្នុងពិភពលោក លើផ្នែកវិទ្យាសាស្ត្រ និងស្រាវជ្រាវ ហើយ៥៤ភាគរយ នៃលទ្ធផលការងារដែលកើតចេញពីវិស័យទាំងពីរនេះ គឺសុទ្ធតែនាំមុខគេក្នុងពិភពលោក ហើយការសិក្សានៅប្រទេសអង់គ្លេស ក៏ជួយពង្រីកឱកាសទទួលបានការងាររបស់អ្នកទាំងអស់គ្នាផងដែរ។
លោកស្រី ធីណា រែតសរ បញ្ជាក់បន្ត៖«លទ្ធផលស្ថិតិលំដាប់ពិភពលោកជាច្រើនបានបង្ហាញឱ្យឃើញជាបន្តបន្ទាប់ថា សញ្ញាបត្រពីប្រទេសអង់គ្លេស សុទ្ធតែទទួលបានការវាយតម្លៃខ្ពស់នៅទូទាំងពិភពលោកទាំងមូលតែម្ដង។ អង់គ្លេស ស្ថិតក្នុងចំណោមប្រទេសកំពូលទាំង៥ លើពិភពលោក លើផ្នែកសហការរវាងក្រុមហ៊ុន និងសាកលវិទ្យាល័យ។ កត្តានេះជួយផ្ដល់ឱកាសកាន់តែខ្ពស់ សម្រាប់ឱ្យនិស្សិតដែលបញ្ចប់ការសិក្សា អាចទទួលបានការងារធ្វើ និងឱកាសហាត់ការងារ និងជាហេតុនាំឱ្យនិស្សិតនោះ មានប្រៀបជាងនិស្សិតដទៃ នៅក្នុងទីផ្សារការងារ»។
ស្ថានទូតអង់គ្លេស ក៏នឹងចូលរួមទិវាវិស្វកម្ម និងវិទ្យាសាស្ត្រកម្ពុជាឆ្នាំ២០១៩នេះដែរ (CSEF2019) ចាប់ពីថ្ងៃទី២១ ដល់ ២៣ ខែកុម្ភៈ នៅពហុកីឡដ្ឋានជាតិអូឡាំពិក។ ស្ថានទូតអង់គ្លេស គាំទ្រយ៉ាងខ្លាំងក្លាដល់ការអប់រំមុខវិជ្ជាស្ទែមនៅកម្ពុជា។ នាឆ្នាំនេះ ស្តង់របស់ស្ថានទូតអង់គ្លេស នឹងមានតាំងបង្ហាញស្ថាប័នមួយចំនួន ដែលកំពុងអនុវត្តគម្រោងបណ្ដុះបណ្ដាលជំនាញវិជ្ជាជីវៈនៅប្រទេសកម្ពុជា។
អមជាមួយនឹងការផ្សព្វផ្សាយថា ចក្រភពអង់គ្លេស គឺជាកន្លែងសិក្សាដ៏ពិសេសអស្ចារ្យសម្រាប់សិស្សនិស្សិតនេះ យុទ្ធនាការ Education is GREAT ក៏នឹងផ្តល់ជូនសិស្សនិស្សិត និងអាណាព្យាបាលរបស់ពួកគាត់ នូវព័ត៌មានដ៏មានតម្លៃ អំពីការដាក់ពាក្យចូលរៀន និងការសុំទិដ្ឋាការសំខាន់ៗ ការស្នើសុំប្រាក់កម្ចីសម្រាប់បង់ថ្លៃសិក្សារបស់ពួកគាត់ និងឱកាសទទួលបានការងារធ្វើនៅប្រទេសអង់គ្លេសដោយផ្ទាល់តែម្ដងសម្រាប់និស្សិតទាំងឡាយដែលរៀនចប់។
សម្រាប់ព័ត៌មានបន្ថែម សូមចូលទៅកាន់ទំព័រហ្វេសប៊ុករបស់ស្ថានទូតអង់គ្លេស តាមរយៈអាសយដ្ឋាន៖ www.facebook.com/BritishEmbassyCambodia៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com
