អត្ថបទពាណិជ្ជកម្ម
កម្មវិធីកក់សំបុត្រឡានក្រុងនិងទូកបង្កើតក្នុងស្រុក ងាយស្រួលប្រើជាងមុន និងស្អាតជាងមុន
× ភ្នំពេញ ៖ នៅថ្ងៃទី២០ ខែកុម្ភៈនេះ ក្រុមហ៊ុនលក់សំបុត្រឡានក្រុង ទូក និងឡានឈ្នួលអនឡាញ BookMeBus បានដាក់ឲ្យប្រើប្រាស់នូវកម្មវិធីទូរសព្ទថ្មីរបស់ខ្លួន ដែលទើបនឹងផ្លាស់ប្តូរការរចនា ហើយផ្តោតលើភាពងាយស្រួលប្រើប្រាស់ សម្រាប់ប្រជាជនកម្ពុជា ពិសេសអ្នកធ្វើដំណើរ។ លើសពីនេះ គឺការបន្ថែមមុខងារសំខាន់ៗជាច្រើនទៀត ដែលអាចជួយដោះស្រាយបញ្ហាពេលធ្វើដំណើរមួយចំនួន។ អ្នកស្វែងរកនៅទីនេះ ៖ http://onelink.to/bookmebus ឬចូលក្នុង Bookmebus.com ។
ក្រុមហ៊ុន BookMeBus ជាក្រុមហ៊ុនដែលឈានមុខគេនៅក្នុងប្រទេសកម្ពុជា ក្នុងការផ្តល់សេវាកម្មកក់សំបុត្រអនឡាញ ទាំងតាមអ៊ីនធឺណិត និងតាមរយៈកម្មវិធីទូរសព្ទ។ ដោយសង្កេតឃើញមានចន្លោះប្រហោង ក្នុងការអភិវឌ្ឍ និងការដោះស្រាយបញ្ហា ជុំវិញការធ្វើដំណើរបស់ប្រជាជន និងទេសចរជាតិ និងអន្តរជាតិ BookMeBus បានទទួលជោគជ័យ ក្នុងការកែប្រែលើកម្មវិធីទូរសព្ទ ដែលផ្តល់ដំណោះស្រាយបញ្ហា ដល់អ្នកធ្វើដំណើរទាំងអស់។
ការធ្វើបច្ចុប្បន្នភាពទៅលើកម្មវិធីទូរសព្ទថ្មីនេះរួមមាន សំបុត្រវិលត្រឡប់ ការទិញសំបុត្រទូក ឡានក្រុង និងឡានឈ្នួលភ្លាមៗ ដោយពុំចាំបាច់ផ្ទៀងផ្ទាត់យូរ មុខងាររំលឹកការធ្វើដំណើរ ជម្រើសខេមរភាសា និងអង់គ្លេស ទំព័របង្ហាញពីការវាយតម្លៃលើសេវាកម្មរបស់ក្រុមហ៊ុនដឹកអ្នកដំណើរ និងមុខងារជាច្រើនទៀត។
លោក ជា ឡង់ដា ស្ថាបនិក និងនាយកប្រតិបត្តិក្រុមហ៊ុន BookMeBus បានបញ្ជាក់ឲ្យដឹងថា៖«កម្មវិធីទូរសព្ទថ្មីនេះ នឹងសង្កត់ធ្ងន់លើការផ្តល់សេវាដែលល្អបំផុត ពីព្រោះក្រុមហ៊ុនខ្លួន បានដាក់បញ្ចូលក្រុមហ៊ុនដៃគូមួយចំនួន ដែលទទួលបានការវាយតម្លៃច្រើន ពីអ្នកធ្វើដំណើរ។ លោក ជា ឡង់ដា បានបន្ថែមទៀតថា៖ «ការផ្លាស់ប្តូរថ្មីនេះ មិនមានការស្មុគស្មាញច្រើនទេ ក្នុងការបង្កើត និងប្រើប្រាស់។ ក្រុមហ៊ុនបាន និងកំពុងបន្តធ្វើការ ជាមួយភ្នាក់ងារបង់ប្រាក់ ដូចជា ABA Pipay និងភ្នាក់ងារមួយចំនួនទៀត ដើម្បីធានាបាននូវការទូទាត់ប្រាក់ ប្រកបដោយសុវត្ថិភាព និងឆាប់រហ័ស សម្រាប់អ្នកប្រើប្រាស់ទាំងអស់»។
ក្នុងកំឡុងពេល៤ឆ្នាំដែលBookMeBusបានបង្កើតឡើងក្រុមហ៊ុននេះបានទទួលជ័យលាភីទាំងក្នុងនិងក្រៅស្រុក ទៅលើការធ្វើបទបង្ហាញគំនិតធុរៈកិច្ចរបស់ខ្លួន។ជាមួយនឹងសមត្ថភាពក្នុងការដោះស្រាយ បញ្ហានិងទទួលបានការជឿជាក់ពីអ្នកប្រើប្រាស់និងដៃគូជំនួញBookMeBusកំពុងមានការរីកចំរើននិង មានភាពជឿជាក់ក្នុងការ បង្កើតអ្វីថ្មីៗ ដើម្បីសម្រួលដល់ការធ្វើដំណើរដែលវាលើសពីការកក់ សំបុត្រទៅទៀត៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com