ជាតិ
សង្គមជាតិ
អធិការ៖ ភ្លើងឆេះព្រៃជាប់ព្រលានយន្តហោះកោះកុង តែមិនខូចខាតទ្រព្យសម្បតិ្តទេ រូបពីអធិការក្រុងខេមរភូមិន្ទ
× លោក ហេង លាង អធិការក្រុងខេមរភូមិន្ទ ខេត្តកោះកុង បានអះអាងថា ភ្លើងបានឆេះស្មៅនិងព្រៃឈើ នៅជាប់របងនៃព្រលានយន្តហោះកោះកុង កាលពីយប់ថ្ងៃទី២២ ខែកុម្ភៈ តែពុំបានឆាបឆេះចូលទៅដល់ខាងក្នុងនៃបរិវេណព្រលានឡើយ។ លោក ប្រាប់ថា ព្រលានយន្តហោះនោះ មិនទាន់ត្រូវបានប្រើប្រាស់ទេ ហើយក៏មិនមានយន្តហោះចុះចតដែរ។
លោកអធិការ លើកឡើងថា កម្លាំងសមត្ថកិច្ច បានបាញ់ទឹកពន្លត់ភ្លើងបានទាំងស្រុង តាំងពីយប់មកម្ល៉េះ។ យ៉ាងណា លោក ពុំទាន់ដឹងមូលហេតុច្បាស់ទេ ពីការឆាបឆេះនេះ ដោយលោក គ្រាន់តែសង្ស័យ ទំនងជាមានអ្នកណា បោះកន្ទុយបារី ឬរងើកភ្លើងនៅម្តុំនោះ ទើបបណ្តាលឲ្យឆេះ ពីព្រោះថា រដូវនេះ ជារដូវក្តៅ ដែលធ្វើស្មៅនិងព្រៃឈើស្ងួន ហើយងាយឆាបចេះ។
លោកអធិការ បញ្ជាក់ប្រាប់សារព័ត៌មានថ្មីៗ តាមទូរសព្ទបែបនេះថា៖«អត់មានខូចខាតទ្រព្យសម្បត្តិអីទេ ហើយក៏មិនឆាបឆេះទៅដល់ផ្ទះប្រជាពលរដ្ឋដែរ។ អត់មានអីធំដុំទេ»៕
Tag:
អគ្គិភ័យ
ព្រលានយន្តហោះកោះកុង
© រក្សាសិទ្ធិដោយ thmeythmey.com