ពីនេះ ពីនោះ
ព័ត៍មានសុខភាព
ចង់ឆាប់ជាធូរស្បើយ អ្នកមានបញ្ហាខ្លាញ់រុំថ្លើម គួរទទួលទានអាហារទាំងនេះ
×![]()
ដោយ: ថ្មីៗ
ជំងឺខ្លាញ់រុំថ្លើម អាចត្រូវបានចែកចេញជា ២ ប្រភេទ គឺប្រភេទបង្កឡើងដោយជាតិអាកុល ឬគ្រឿងស្រវឹងដែលកើតឡើងចំពោះអ្នកដែលទទួលទានគ្រឿងស្រវឹងច្រើនពេក និងប្រភេទមិនបង្កឡើងដោយជាតិអាកុល ឬគ្រឿងស្រវឹងច្រើនកើតចំពោះអ្នកដែលអង្គុយយូរៗពេកក្នុងមួយថ្ងៃៗ ឬអ្នកធាត់ជ្រុល។ បញ្ហាខ្លាញ់រុំថ្លើម គឺជាមូលហេតុចម្បងបំផុតមួយនៃជំងឺខ្សោយថ្លើម ហើយអាចវិវត្តន៍ទៅជា ជំងឺក្រិនថ្លើម ឬជំងឺរលាកថ្លើម។ ប៉ុន្តែមិនថាអ្នកកំពុងជួបប្រទះបញ្ហាខ្លាញ់រុំថ្លើមប្រភេទណានោះទេ អ្នកអាចកែប្រែ ឬទប់ស្កាត់ស្ថានភាពមុននឹងឈានដល់ដំណាក់កាលធ្ងន់ធ្ងរបាន ដោយគ្រាន់តែជ្រើសរើស និងរក្សាឲ្យបាននូវរបបអាហារត្រឹមត្រូវមួយ។ ថាតើអាហារដែលអ្នកជំងឺខ្លាញ់រុំថ្លើមគួរទទួលទានឲ្យបានច្រើនមានអ្វីខ្លះទៅ? 
ខាងក្រោមនេះយើង នឹងបង្ហាញឲ្យដឹងពីអាហារទាំងនោះ ៖
១. បន្លែ និងផ្លែឈើ
ក្រៅពីមានផ្ទុកសម្បូរទៅដោយសារធាតុចិញ្ចឹម, វីតាមីន និងជាតិរ៉ែសំខាន់ៗហើយនោះ បន្លែផ្លែឈើក៏ជាប្រភពដ៏ប្រសើរនៃសារធាតុប្រឆាំងអុកស៊ីតកម្មដែលជួយជម្រុញពង្រឹងប្រព័ន្ធភាពស៊ាំនៃរាងកាយប្រយុទ្ធប្រឆាំងនឹងមេរោគបាក់តេរីដែលបង្កឱ្យថ្លើមទទួលរងការរលាក។ បន្លែបៃតងនិងផ្លែឈើមិនត្រឹមតែប្រសើរជួយដោះស្រាយបញ្ហាខ្លាញ់រុំថ្លើមប៉ុណ្ណោះទេ ប៉ុន្តែល្អសម្រាប់សុខភាពរាងកាយទាំងមូលតែម្ដង។ ដូច្នេះចូរព្យាយាមទទួលទានបន្លែផ្លែឈើឱ្យបានច្រើន។
២. សាច់គ្មានខ្លាញ់
ប្រភេទនៃអាហារដទៃទៀតដែលអ្នកជំងឺខ្លាញ់រុំថ្លើមគួរដាក់បញ្ចូលក្នុងរបបអាហារប្រចាំថ្ងៃ គឺប្រូតេអ៊ីន។ ហើយសាច់ជាប្រភពដ៏ប្រសើរនៃប្រូតេអ៊ីន ប៉ុន្តែទោះជាយ៉ាងណាប្រសិនបើអ្នកកំពុងជួបប្រទះបញ្ហាខ្លាញ់រុំថ្លើម ចូរជៀសវាងការទទួលទានសាច់ខ្លាញ់ និងស្បែក។ ដើម្បីទទួលទានជាតិប្រូតេអ៊ីនគ្រប់គ្រាន់ ការជ្រើសរើសទទួលទានសាច់គ្មានខ្លាញ់ គឺប្រសើរបំផុតសម្រាប់អ្នកជំងឺខ្លាញ់ក្នុងថ្លើម។
៣. គ្រាប់ធញ្ញជាតិ
អាហារផ្សេងទៀតដែលអ្នកជំងឺខ្លាញ់រុំថ្លើមគួររួមបញ្ចូលក្នុងរបបអាហារប្រចាំថ្ងៃ គឺគ្រាប់ធញ្ញជាតិ។ មិនត្រឹមតែជួយការពារប្រឆាំងទៅនឹងជំងឺខ្លាញ់រុំថ្លើមប៉ុណ្ណោះទេ ប៉ុន្តែគ្រាប់ធញ្ញជាតិមានផ្ទុកសម្បូរទៅដោយអាស៊ីតខ្លាញ់អូមេហ្គា ៣, ជាតិសរសៃ, សារធាតុប្រឆាំងអុកស៊ីតកម្ម, ជាតិរ៉ែ និងវីតាមីនដែលចាំបាច់សម្រាប់សុខភាពរាងកាយទាំងមូល។ ការទទួលទានគ្រាប់ធញ្ញជាតិអាចជួយកាត់បន្ថយហានិភ័យនៃជំងឺសសៃឈាមបេះដូង ក៏ដូចជាកម្ចាត់ចោលនូវរាល់ជាតិពុល និងជាតិខ្លាញ់មិនល្អចេញពីថ្លើមផងដែរ។
៤. អាហារផ្សំឡើងពីទឹកដោះគោគ្មានជាតិខ្លាញ់
ជំនួសឱ្យការជ្រើសរើសទទួលទានទឹកដោះគោ ឬអាហារផ្សំឡើងពីទឹកដោះគោមានជាតិខ្លាញ់ អ្នកជំងឺខ្លាញ់រុំថ្លើមគួរទទួលទានផលិតផលណាមួយដែលគ្មានជាតិខ្លាញ់ ឬជាតិខ្លាញ់តិចជំនួសវិញ។
៥. ខ្លាញ់មិនឆ្អែត
មិនមែនខ្លាញ់ទាំងអស់សុទ្ធតែអាក្រក់ចំពោះសុខភាពឡើយ ដូចជាប្រភេទខ្លាញ់មិនឆ្អែតដែលចាំបាច់សម្រាប់រក្សាសុខភាពរាងកាយទាំងមូល។ អាហារដែលមានផ្ទុកជាតិខ្លាញ់មិនឆ្អែតមានដូចជា គ្រាប់ពូជ, គ្រាប់ធញ្ញជាតិ និងសូម្បីតែប្រេងអូលីវដែលពង្រឹងសុខភាពបេះដូង, សុខភាពរាងកាយ រួមបញ្ចូលទាំងមុខងារខួរក្បាល។ នេះហើយជាមូលហេតុ ប្រសិនបើកំពុងជួបប្រទះបញ្ហាខ្លាញ់រុំថ្លើម អ្នកគួររួមបញ្ចូលអាហារមានជាតិខ្លាញ់មិនឆ្អែតក្នុងរបបអាហារប្រចាំថ្ងៃ។
៦. ផ្លែបឺរ
ជាជម្រើសនៃផ្លែឈើដ៏ល្អបំផុតមានប្រសិទ្ធិភាពជួយកាត់បន្ថយជាតិខ្លាញ់មិនល្អដែលកកើតប្រមូលផ្ដុំក្នុងថ្លើម ក៏ព្រោះផ្លែបឺរផ្ទុកសម្បូរទៅដោយជាតិខ្លាញ់ល្អៗ និងជាតិសរសៃដែលប្រសើរក្នុងការជួយឲ្យស្រកទម្ងន់ផងដែរ៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
