ជាតិ
សង្គមជាតិ
អាវុធដល់ទៅជាង១ម៉ឺនដើម ដែលចាប់បានពីជនល្មើសនិងពលរដ្ឋ នឹងត្រូវកម្ទេចចោល
× អគ្គស្នងការនគរបាលជាតិ នឹងប្រគល់អាវុធធន់ស្រាលខូចគុណភាពជាង១,១ម៉ឺនដើម ដែលប្រមូលបានពីជនល្មើស និងពីប្រជាពលរដ្ឋកន្លងមក ទៅឲ្យមជ្ឈមណ្ឌលសកម្មភាពកម្ចាត់មីនកម្ពុជា (ស៊ីម៉ាក់) នៅថ្ងៃទី១ ខែមីនា ឆ្នាំ២០១៩ ដើម្បីយកទៅបន្សាបនិងកាត់កម្ទេច។ នេះបើតាមសាររបស់លោក ហេង រតនា អគ្គនាយកស៊ីម៉ាក់ ដែលបង្ហោះលើទំព័រហ្វេសប៊ុក នៅយប់ថ្ងៃទី២៨ ខែមីនា ឆ្នាំ២០១៩នេះ។
លោក ហេង រតនា បានសរសរយ៉ាងដូច្នេះថា៖«ការខិតខំរបស់រាជរដ្ឋាភិបាលនេះ បានបង្ហាញពីការពង្រឹងសន្តិសុខសុវត្ថិភាព កាត់បន្ថយអំពើហិង្សាដោយសារអាវុធ នៅកម្ពុជា។ សមិទ្ធផលនេះ ក៏បង្ហាញយ៉ាងច្បាស់ថែមទៀតនូវស្មារតីនៃគោលការណ៍គោរពសិទិ្ធមនុស្ស និងលទិ្ធប្រជាធិបតេយ្យនៅកម្ពុជាផងដែរ ដោយសារការបន្តលុបបំបាត់ភាពហិង្សាដោយអាវុធនេះ។ ពីមុន យើង ពឹងបរទេស ដើម្បីបន្សាបអាវុធបែបនេះ ឥឡូវនេះរាជរដ្ឋាភិបាល អាចដោះស្រាយដោយខ្លួនឯង»៕
© រក្សាសិទ្ធិដោយ thmeythmey.com