អាវុធខូចគុណភាពជាង១ម៉ឺនដើម នឹងត្រូវយកទៅដាក់តាំងក្នុងសារមន្ទីរខេត្តសៀមរាប

ជាតិ

សង្គមជាតិ

អាវុធខូចគុណភាពជាង១ម៉ឺនដើម នឹងត្រូវយកទៅដាក់តាំងក្នុងសារមន្ទីរខេត្តសៀមរាប

01, Mar 2019 , 9:39 pm

រូបភាព

កាំភ្លើងខូចគុណភាព ដាក់បង្ហាញក្នុងពិធីប្រគល់ទៅឲ្យសីម៉ាក់

ដោយ: ឡាយ សុភាវតី

ភ្នំពេញ៖ អគ្គស្នងការនគរបាលជាតិ បានប្រគល់អាវុធខូចគុណភាពជាង១ម៉ឺនដើម នៅព្រឹកថ្ងៃទី១ មីនា ឆ្នាំ២០១៩នេះ ទៅឲ្យមជ្ឈមណ្ឌលសកម្មភាពកម្ចាត់មីនកម្ពុជា (ស៊ីម៉ាក់) ដើម្បីយកទៅដោះបំបែក និងកាត់បន្សាបគុណភាពអាវុធទាំងស្រុង។

ក្នុងពិធីប្រគល់អាវុធខូចគុណភាពទាំងនោះ លោក ហេង រតនា អគ្គនាយកស៊ីម៉ាក់ បានបញ្ជាក់ថា៖«អាវុធទាំងអស់ នឹងត្រូវដំណើរការដោះបំបែក និងកាត់បន្សាបគុណភាពរបស់វាទាំងស្រុងតែម្ដង មុននឹងយកទៅដាក់តាំងបង្ហាញនៅសារមន្ទីរសន្តិភាពសកម្មភាពមីននៅខេត្តសៀមរាប» ។ លោក បានអះអាងថា យុវជនជំនាន់ក្រោយ នឹងបានសិក្សា និងបានឈ្វេងយល់ពីវិបត្តិក្នុងសង្គម និងក្រោយសង្គ្រាមទាក់ទងនឹងគ្រាប់មីន គ្រាប់មិនទាន់ផ្ទុះ ក៏ដូចជាអាវុធយុទ្ធភណ្ឌគ្រប់ប្រភេទ។

មកដល់ពេលនេះ កម្ពុជា បានកិនកម្ទេចអាវុធខូចគុណភាពជាង៥០លើកហើយ ដោយមានអាវុធសរុបជាង២សែនដើម ដែលត្រូវកម្ទេច។ នេះបើតាមសេចក្ដីថ្លែងការណ៍របស់លោក សេង ភូមី អគ្គស្នងការរងនគរបាលជាតិ ក្នុងពិធីប្រគល់-អាវុធខូចគុណភាពទៅឲ្យស៊ីម៉ាក់ ៕