អត្ថបទពាណិជ្ជកម្ម
Metfone បាននាំយកនូវដំណោះស្រាយអំពីការប្រែផ្នែកឌីជីថល ទៅកាន់កម្មវិធីទូរគមនាគមន៍ដ៏ធំមួយ MWC2019
× ឯកឧត្តម ត្រាំ អ៊ីវតឹក រដ្ឋមន្ត្រីក្រសួងប្រៃសណីយ៍ និងទូរគមនាគមន៍ នៃព្រះរាជាណាចក្រកម្ពុជា (MPTC) បានអញ្ជើញទស្សនាការតាំងពិព័រណ៍របស់ Metfone នៅ MWC2019 កាលពីថ្ងៃទី២៧ ខែកុម្ភៈ ។
នៅក្នុងកិច្ចប្រជុំនោះផងដែរ ឯកឧត្តម ត្រាំ អ៊ីវតឹក បានបង្ហាញនូវគោលបំណងធ្វើកិច្ចសហប្រតិបត្តិការជាមួយ Metfone ដើម្បីផ្គត់ផ្គង់នូវសេវាកម្ម ICT ក្នុងតំបន់មួយចំនួន នៅតាមសាលារៀន។ លោក បានសង្កត់ធ្ងន់ថា ៖«ការអប់រំ គឺត្រូវបានចាត់ទុកថាជា មូលដ្ឋានគ្រឹះដ៏សំខាន់នៅកម្ពុជា»។
បច្ចុប្បន្នមានសាលារៀន ចំនួន៥០០កន្លែងនៅទូទាំងប្រទេស ក្នុងនោះមានតែ ៧០សាលារៀនតែប៉ុណ្ណោះដែលមានអ៊ីនធឺណេតប្រើប្រាស់។ លោកត្រាំ អ៊ីវតឹក ក៏សង្ឃឹមយ៉ាងមុតមាំថា Metfone និងចូលរួមក្នុងគម្រោងនេះ ដើម្បីផ្តត់ផ្គង់នូវសេវាអ៊ីនធឺណេត និងកុំព្យូទ័រទៅកាន់សាលារៀន។ ឯកឧត្តម បានបន្ថែមផងដែរថា Metfone គួរតែពិចារណាក្នុងការផ្គត់ផ្គង់នូវបច្ចេកវិទ្យាព័ត៌មាននិងទូរគមនាគមន៍ សម្រាប់គម្រោងសុខភាពសាធារណៈ និងផ្តល់ប្រព័ន្ធ Wi-Fi ដោយឥតគិតថ្លៃ នៅក្នុងក្រុងសំខាន់ៗនៅក្នុងប្រទេសកម្ពុជា។
លោក Pham Dinh Chuong អគ្គនាយកគ្រប់គ្រងទូទៅរបស់វៀតធែលនៅកម្ពុជា បានមានប្រសាសន៍ថា៖ Metfone ជានិច្ចកាលបានត្រៀមខ្លួនរួចរាល់ សម្រាប់ចូលរួមនៅក្នុងគម្រោង ហើយក្នុងពេលឆាប់ៗខាងមុខនេះ នឹងដាក់កិច្ចការទាំងអស់នេះចូលក្នុងគម្រោងស្រាវជ្រាវនិងអភិវឌ្ឍន៍។
អមជាមួយនិងសេវាគ្របដណ្តប់ទូទាំងតំបន់រាជធានី និងខេត្ត ប្រជាជនទាំងអស់ក៏ទទួលបាននូវអត្ថប្រយោជន៍ពីសេវាកម្មរបស់ក្រុមហ៊ុនវៀតធែល ដូចជាប្រព័ន្ធអ៊ីនធឺណិត ខ្សែកាបអុបទិច(Fiber Optic Cable) Electronic Wallets ប្រព័ន្ធទូរគមនាគមន៍ដ៏ទៃទៀត និងសេវាកម្ម ICTដែលមានគុណភាពល្អ ជាមួយតម្លៃសមរម្យ។ នេះបើតាមលោក Pham Dinh Chuong។
ប្រព័ន្ធសន្តិសុខ និងសេវាកម្មទូរគមនាគមន៍ដ៏ទៃទៀតរបស់ Metfone ត្រូវបានបង្កើតឡើងលើមូលដ្ឋានបច្ចេកវិទ្យាទំនើប ដូចទៅប្រទេសកំពុងអភិវឌ្ឍន៍។ Metfone ទើបតែប្រារព្ធខួប១០ឆ្នាំ នៃការចាប់ផ្តើមសេវាកម្មនៅប្រទេសកម្ពុជា។ ទោះប្រឈមជាមួយគូប្រកួតប្រជែងចំនួន៧ ក៏ Metfone នៅតែអាចឈរឈ្មោះជាក្រុមហ៊ុនទូរគមនាគមន៍លេខ១នៅកម្ពុជាផងដែរ។
រហូតមកទល់ពេលនេះ Metfone មានអតិថិជនប្រើប្រាស់ប្រមាណ ៩លាននាក់ អ្នកប្រើប្រាស់ Fixed Broadband ១០ម៉ឺននាក់ ហើយក៏នៅតែអាចរក្សាបានជាក្រុមហ៊ុនទូរគមនាគមន៍លេខ១ នៅក្នុងទីផ្សារប្រទេសកម្ពុជា។ មិនតែប៉ុណ្ណោះ វត្តមានរបស់ Metfone ក៏បានរួមចំណែកធ្វើឲ្យតារាងតម្លៃរបស់ប្រព័ន្ធទូរគមនាគមន៍ធ្លាក់ថ្លៃជាមធ្យមពី ២ទៅ៤ដងផងដែរ។
អត្រានៃការប្រើប្រាស់ប្រព័ន្ធទូរគមនាគមន៍បានកើនឡើងពី ២ទៅ១០ដង (ទូរស័ព្ទចល័តបានកើនពី ២៩ភាគរយ ទៅ៨០ភាគរយ និង Fixed Broadband បានកើនពី ២ភាគរយ ទៅ១៥ភាគរយ)។ ក្នុងឆ្នាំ២០១៦ Metfone ទទួលបាននូវរហ័សនាមជាប្រតិបត្តិករទូរគមនាគមន៍ដ៍ឆ្នើមបំផុតរបស់ពិភពលោកនៅកម្ពុជា ដែលបានជ្រើសរើសដោយ Brand Finance ជាអ្នកប្រឹក្សាឈានមុខគេផ្នែកយុទ្ធសាស្ត្រ និងវាយតម្លៃលើស្លាកសញ្ញា ដែលមានមូលដ្ឋាននៅចក្រភពអង់គ្លេស៕
© រក្សាសិទ្ធិដោយ thmeythmey.com