កីឡាអន្តរជាតិ
អន្តរជាតិ
Man Utd ឈ្នះ Premier League ១៣លើក ស្មើ Chelsea, Arsenal, Man City, Leicester និង Blackburn បូកចូលគ្នា
× ចាប់តាំងពីពានលំដាប់កំពូលអង់គ្លេសប្តូរឈ្មោះពី English top flight division 1 ទៅជា English Premier league ក្នុងឆ្នាំ១៩៩២ មក ក្រុម Manchester United បានរ៉ាប់រងលើកពាននេះច្រើនជាងគេរហូតដល់ទៅ ១៣សម័យ ក្នុងចំណោម២៦រដូវកាល។ ជោគជ័យរបស់ក្រុមរហស្សនាមបិសាចក្រហមគឺដោយសារការដឹកនាំរបស់លោក Sir Alex Ferguson ដែលលោកក្លាយជាអ្នកចាត់ការទូទៅក្នុងឆ្នាំ១៩៨៦។
យ៉ាងណាក៏ដោយចាប់តាំងពីការចាកចេញរបស់ Sir Alex ក្នុងឆ្នាំ២០១៣ ក្លិបបាល់ទាត់ដែលមានមូលដ្ឋានក្នុងក្រុង Manchester នេះមិនធ្លាប់ស្គាល់រសជាតិពាននេះនៅឡើយទេ និងព្រមទាំងធ្លាក់ទម្រង់លេងថែមទៀត។
ក្រៅពី Man Utd ក្លិបដែលធ្លាប់ឈ្នះពាន Premier league នេះមានតែ Arsenal, Chelsea, Manchester City, Leicester City និង Blackburn Rovers ដែលលេងក្នុងក្របខណ្ឌ Championship បច្ចុប្បន្នប៉ុណ្ណោះ។
Chelsea ឈរនៅលេខរៀងទី២បន្ទាប់ពី Man Utd ក្នុងនាមក្រុមដែលលើកពានកំពូលអង់គ្លេសនេះច្រើនជាងគេក្រោយឈ្នះ ៥លើក តាមពីក្រោយដោយ Arsenal និង Man City ឈ្នះ៣លើកដូចគ្នា ហើយ Leicester City និង Blackburn Rovers បានម្នាក់១លើក។
ក្នុងរយៈពេលប៉ុន្មានរដូវកាលចុងក្រោយយើងសង្កេតឃើញថាក្រុមរហស្សនាមមេឃខៀវដែលមានលោក Pep Guardiola ជាអ្នកចាត់ការបានដឹកនាំក្រុមនេះឲ្យមានទម្រង់លេងដ៏ល្អមួយ និងជួយក្រុមលើកពាននេះកាលពីរដូវកាលមុន។ Man City ដែលជាក្រុមការពារជើងឯកកំពុងមានពិន្ទុប្រដេញគ្នាជាមួយក្រុមកំពូលតារាង Liverpool ក្នុងការប្រជែងពានសម្រាប់រដូវកាល ២០១៨-២០១៩ នេះ៕
កាងក្រោមនេះជាបញ្ជីឈ្មោះក្រុមដែលឈ្នះពានក្របខណ្ឌ Premier League និង Top 4 ចាប់តាំងពីឆ្នាំ១៩៩២មក៖
Tag:
បាល់ទាត់
Premier league
Manchester United
© រក្សាសិទ្ធិដោយ thmeythmey.com