ជាតិ
ស្ថានទូតអាមេរិក ជំរុញឲ្យនិស្សិតខ្មែរ យល់កាន់តែច្បាស់ពីការសិក្សានៅបរទេស
×![]()
ដោយ: ឡាយ សុភាវតី
តំណាងសាលាបរទេសជិត៣០ បានចូលរួមបង្ហាញពីឱកាសដែលទទួលបានការសិក្សាបន្តនៅអាមេរិក ដែលប្រារព្ធឡើងនៅក្នុងពិព័រណ៍ស្ដីអំពីការអប់រំនៅក្នុងសហរដ្ឋអាមេរិកឆ្នាំ២០១៩ ក្រោមការរៀបចំរបស់ស្ថានទូតអាមេរិកប្រចាំកម្ពុជា និងមជ្ឈមណ្ឌល Education USA កាលពីថ្ងៃទី៤ ខែមីនា។ លោក Michael Newbill អនុប្រធានទូតអាមេរិក អះអាងថា មជ្ឈមណ្ឌលប្រឹក្សាយោបល់នេះ គឺមានតួនាទីផ្ដល់ការប្រឹក្សាដល់សិស្ស-និស្សិតកម្ពុជា ដែលចង់បន្តការសិក្សា ការជ្រើសរើសសាលា ការស្វែងរកអាហារូបករណ៍ និងការស្វែងរកហិរញ្ញវត្ថុជំនួយដល់ការសិក្សា។ 
សិស្សនិងអាណាព្យាបាលជាច្រើនពាន់នាក់ បានចូលរួមពិព័រណ៍ស្ដីអំពីការអប់រំនៅក្នុងសហរដ្ឋអាមេរិក ដើម្បីឈ្វេងយល់អំពីការទទួលបានឱកាសបន្តការសិក្សានៅក្រៅប្រទេស។ រាល់ចម្ងល់និងបញ្ហានៃការដាក់ពាក់សំណើសុំទិដ្ឋាការបន្តការសិក្សានៅសហរដ្ឋអាមេរិក ខាងស្ថានទូតអាមេរិក និងមជ្ឈមណ្ឌល Education USA នឹងបង្ហាញតាំងពីការជ្រើសរើសសាលា ដល់ទទួលបានការបន្តការសិក្សា។
យុវនារី ចាន់ សុលីដា ជាសិស្ស មកពីសាលា ICS បានទៅចូលរួមកម្មវិធីនេះ ក្នុងគោលបំណងចង់ដឹងអំពីរបៀបរៀននៅក្រៅប្រទេស និងអាហារូបករណ៍ទៅក្រៅប្រទេស។ សុលីដា ដែលទើបតែមានវ័យ១៧ និងរៀនថ្នាក់ទី១១ និងមានចិត្តចង់បន្តការសិក្សាថ្នាក់បរិញាបត្រនៅឯក្រៅប្រទេស បានលើកឡើងថា កម្មវិធីនេះពិតជាល្អ បានផ្ដល់ឱកាសដល់កូនខ្មែរបានយល់ដឹងពី ការដក់ពាក្យស្វែងរកអាហាររូបករណ៍ពីសាលាជាច្រើន និងបានរៀបចំខ្លួនក្នុងការបន្តការសិក្សានៅក្រៅប្រទេសផងដែរ។ នាង បញ្ជាក់ថា៖«ជាក់ស្ដែងក្នុងពេលនេះ គឺយើងអាចសួរនិងទទួលបានព័ត៌មានពីសាលា ដែលមកពីក្រៅប្រទេសដោយផ្ទាល់»។
ដោយឡែក អ្នកស្រី លី ដា ជាម្តាយរបស់សិស្សថ្នាក់ទី១០ម្នាក់ ក៏បានចូលរួមកម្មវិធីនេះដែរ។ អ្នកស្រី បានឲ្យដឹងថា បន្ទាប់ពីចូលរូមកម្មវិធីនេះ អ្នកស្រីមានការយល់ដឹងជាច្រើនដែលអាចឲ្យកូនមានការប្រុងប្រៀបខ្លួនក្នុងការទទួលបានអាហាររូបករណ៍។ អ្នកស្រី បន្តថា អ្នកស្រី ចង់ឲ្យកូន បានអាហាររូបករណ៍ខ្លះ ដើម្បីបន្ធូរការចំណាយ ពេលទៅរៀននៅក្រៅប្រទេស។
រីឯ យុវជន ជឿន កុម្ភៈ ជានិស្សិតឆ្នាំទី២ បានបញ្ជាក់ថា កម្មវីធីនេះគួរតែមាន២ដងក្នុង១ឆ្នាំ ព្រោះថា កម្មវីធីនេះ ពិតជាល្អដែលបង្ហាញពីឱកាសក្នុងការបន្តការសិក្សានៅបរទេស ដូច្នេះសិស្ស-និស្សតកម្ពុជា អាចឈ្វេងយល់ទទួលបានព័ត៌មានបានច្រើន ហើយឲ្យកាន់តែស៊ីជម្រៅទៀត។ យុវជនរូបនេះ ប្រាប់ថា ខ្លួន ពិតជាចង់បានអាហារូបណ៍ តែមិនដឹងថាត្រូវធ្វើយ៉ាងណា ទើបចូលរួមកម្មវិធីនេះ។
លោក Michael Newbill បានថ្លែងថា ដោយសារក្រសួងអប់រំយុវជនកម្ពុជា បានកែទម្រង់ជាច្រើន ធ្វើឲ្យសិស្ស-និស្សិតនៅសាលាមួយចំនួន ទទួលបានការបណ្ដុះបណ្ដាល និងធ្វើឲ្យពួកគេ មានលក្ខណៈសមស្របនឹងការសិក្សាជាលក្ខណៈអន្តរជាតិ។ លោក បញ្ជាក់បែបនេះថា៖«យើង សង្ឈឹមថា គ្រឹះស្ថានឧត្ថមសិក្សា នឹងកែសម្រួលដើម្បីធ្វើយ៉ាងណា ឲ្យសិស្សអាចសម្របខ្លួន ក្នុងការទទួលបាននូវការបណ្ដុះបណ្ដាលបន្តនៅក្រៅប្រទេសកាន់តែច្រើន។ យើង សង្ឈឹមថា សិស្សរាប់ពាន់ ដែលមកចូលរួមក្នុងកម្មវិធីនេះ នឹងមានការប្រាស្រ័យទាក់ទងជាមួយសាលាជិត៣០នេះ»។
បើតាមរបាយការណ៍របស់ស្ថានទូតអាមេរិច ជារៀងរាល់ឆ្នាំ ចំនួនសិស្សកម្ពុជាដែលបន្តការសិក្សានៅសហរដ្ឋអាមេរិចមានកើនឡើងជាបន្តបន្ទាប់ ក្នុងឆ្នាំ២០១២មានត្រឹមតែជាង៣៣០នាក់ប៉ុណ្ណោះ។ សព្វថ្ងៃនេះមាននិស្សិតជាង៦៥០នាក់ កំពុងសិក្សានៅសហរដ្ឋអាមេរិក នៅថ្នាក់ឧត្តមសិក្សានានាចំនួន ២៣៩កន្លែង។ វាមានចំនួន ៥៣% កើនឡើងបើប្រៀបធៀបតាំងពីឆ្នាំ ២០១៤ បន្ថែមពីលើកម្មវិធីសិក្សាដែលមានសញ្ញាប័ត្រពេញលេញ ស្ថានទូតអាមេរិកនៅកម្ពុជា ក៏មានការផ្តល់ជូននូវកម្មវិធីផ្លាស់ប្តូរការសិក្សាចំនួនជាង ២០កម្មវិធី សម្រាប់សិស្ស ឲ្យសិក្សារយៈពេលខ្លីនៅសហរដ្ឋអាមេរិក។ ជារៀងរាល់ឆ្នាំ ស្ថានទូតអាមេរិចបានបញ្ជូនពលរដ្ឋកម្ពុជាជាង ៧០នាក់ ទៅកាន់សហរដ្ឋអាមេរិក ដើម្បីចូលរួមក្នុងកម្មវិធីទាំងនេះតាមរយៈស្ថានទូតអាមេរិក៕
សិស្សនិងអាណាព្យាបាលជាច្រើនពាន់នាក់ បានចូលរួមពិព័រណ៍ស្ដីអំពីការអប់រំនៅក្នុងសហរដ្ឋអាមេរិក ដើម្បីឈ្វេងយល់អំពីការទទួលបានឱកាសបន្តការសិក្សានៅក្រៅប្រទេស។ រាល់ចម្ងល់និងបញ្ហានៃការដាក់ពាក់សំណើសុំទិដ្ឋាការបន្តការសិក្សានៅសហរដ្ឋអាមេរិក ខាងស្ថានទូតអាមេរិក និងមជ្ឈមណ្ឌល Education USA នឹងបង្ហាញតាំងពីការជ្រើសរើសសាលា ដល់ទទួលបានការបន្តការសិក្សា។
យុវនារី ចាន់ សុលីដា ជាសិស្ស មកពីសាលា ICS បានទៅចូលរួមកម្មវិធីនេះ ក្នុងគោលបំណងចង់ដឹងអំពីរបៀបរៀននៅក្រៅប្រទេស និងអាហារូបករណ៍ទៅក្រៅប្រទេស។ សុលីដា ដែលទើបតែមានវ័យ១៧ និងរៀនថ្នាក់ទី១១ និងមានចិត្តចង់បន្តការសិក្សាថ្នាក់បរិញាបត្រនៅឯក្រៅប្រទេស បានលើកឡើងថា កម្មវិធីនេះពិតជាល្អ បានផ្ដល់ឱកាសដល់កូនខ្មែរបានយល់ដឹងពី ការដក់ពាក្យស្វែងរកអាហាររូបករណ៍ពីសាលាជាច្រើន និងបានរៀបចំខ្លួនក្នុងការបន្តការសិក្សានៅក្រៅប្រទេសផងដែរ។ នាង បញ្ជាក់ថា៖«ជាក់ស្ដែងក្នុងពេលនេះ គឺយើងអាចសួរនិងទទួលបានព័ត៌មានពីសាលា ដែលមកពីក្រៅប្រទេសដោយផ្ទាល់»។
ដោយឡែក អ្នកស្រី លី ដា ជាម្តាយរបស់សិស្សថ្នាក់ទី១០ម្នាក់ ក៏បានចូលរួមកម្មវិធីនេះដែរ។ អ្នកស្រី បានឲ្យដឹងថា បន្ទាប់ពីចូលរូមកម្មវិធីនេះ អ្នកស្រីមានការយល់ដឹងជាច្រើនដែលអាចឲ្យកូនមានការប្រុងប្រៀបខ្លួនក្នុងការទទួលបានអាហាររូបករណ៍។ អ្នកស្រី បន្តថា អ្នកស្រី ចង់ឲ្យកូន បានអាហាររូបករណ៍ខ្លះ ដើម្បីបន្ធូរការចំណាយ ពេលទៅរៀននៅក្រៅប្រទេស។
រីឯ យុវជន ជឿន កុម្ភៈ ជានិស្សិតឆ្នាំទី២ បានបញ្ជាក់ថា កម្មវីធីនេះគួរតែមាន២ដងក្នុង១ឆ្នាំ ព្រោះថា កម្មវីធីនេះ ពិតជាល្អដែលបង្ហាញពីឱកាសក្នុងការបន្តការសិក្សានៅបរទេស ដូច្នេះសិស្ស-និស្សតកម្ពុជា អាចឈ្វេងយល់ទទួលបានព័ត៌មានបានច្រើន ហើយឲ្យកាន់តែស៊ីជម្រៅទៀត។ យុវជនរូបនេះ ប្រាប់ថា ខ្លួន ពិតជាចង់បានអាហារូបណ៍ តែមិនដឹងថាត្រូវធ្វើយ៉ាងណា ទើបចូលរួមកម្មវិធីនេះ។
លោក Michael Newbill បានថ្លែងថា ដោយសារក្រសួងអប់រំយុវជនកម្ពុជា បានកែទម្រង់ជាច្រើន ធ្វើឲ្យសិស្ស-និស្សិតនៅសាលាមួយចំនួន ទទួលបានការបណ្ដុះបណ្ដាល និងធ្វើឲ្យពួកគេ មានលក្ខណៈសមស្របនឹងការសិក្សាជាលក្ខណៈអន្តរជាតិ។ លោក បញ្ជាក់បែបនេះថា៖«យើង សង្ឈឹមថា គ្រឹះស្ថានឧត្ថមសិក្សា នឹងកែសម្រួលដើម្បីធ្វើយ៉ាងណា ឲ្យសិស្សអាចសម្របខ្លួន ក្នុងការទទួលបាននូវការបណ្ដុះបណ្ដាលបន្តនៅក្រៅប្រទេសកាន់តែច្រើន។ យើង សង្ឈឹមថា សិស្សរាប់ពាន់ ដែលមកចូលរួមក្នុងកម្មវិធីនេះ នឹងមានការប្រាស្រ័យទាក់ទងជាមួយសាលាជិត៣០នេះ»។
បើតាមរបាយការណ៍របស់ស្ថានទូតអាមេរិច ជារៀងរាល់ឆ្នាំ ចំនួនសិស្សកម្ពុជាដែលបន្តការសិក្សានៅសហរដ្ឋអាមេរិចមានកើនឡើងជាបន្តបន្ទាប់ ក្នុងឆ្នាំ២០១២មានត្រឹមតែជាង៣៣០នាក់ប៉ុណ្ណោះ។ សព្វថ្ងៃនេះមាននិស្សិតជាង៦៥០នាក់ កំពុងសិក្សានៅសហរដ្ឋអាមេរិក នៅថ្នាក់ឧត្តមសិក្សានានាចំនួន ២៣៩កន្លែង។ វាមានចំនួន ៥៣% កើនឡើងបើប្រៀបធៀបតាំងពីឆ្នាំ ២០១៤ បន្ថែមពីលើកម្មវិធីសិក្សាដែលមានសញ្ញាប័ត្រពេញលេញ ស្ថានទូតអាមេរិកនៅកម្ពុជា ក៏មានការផ្តល់ជូននូវកម្មវិធីផ្លាស់ប្តូរការសិក្សាចំនួនជាង ២០កម្មវិធី សម្រាប់សិស្ស ឲ្យសិក្សារយៈពេលខ្លីនៅសហរដ្ឋអាមេរិក។ ជារៀងរាល់ឆ្នាំ ស្ថានទូតអាមេរិចបានបញ្ជូនពលរដ្ឋកម្ពុជាជាង ៧០នាក់ ទៅកាន់សហរដ្ឋអាមេរិក ដើម្បីចូលរួមក្នុងកម្មវិធីទាំងនេះតាមរយៈស្ថានទូតអាមេរិក៕
Tag:
ពិព័រណ៌
អាហារូបករណ៍
© រក្សាសិទ្ធិដោយ thmeythmey.com
