អាជ្ញាធរបង្ក្រាបករណីនាំបង្គារ និងគ្រឿងសមុទ្រខុសច្បាប់ពីវៀតណាម ជាង៧តោន

ជាតិ

អាជ្ញាធរបង្ក្រាបករណីនាំបង្គារ និងគ្រឿងសមុទ្រខុសច្បាប់ពីវៀតណាម ជាង៧តោន

14, Mar 2019 , 10:59 am

រូបភាព

រូបភាពពីអក្គស្នងការនរគលបាលជាតិ៦

ដោយ: ឡាយ សុភាវតី

កម្លាំងនាយដ្ឋាននគរបាលប្រឆាំងបទល្មើសសេដ្ឋកិច្ច បានបង្ក្រាបករណីនាំចូលបង្គារ និងគ្រឿងសមុទ្រផ្សេងទៀតពីប្រទេសវៀតណាម ដែលពុំមានច្បាប់អនុញ្ញាតជាង៧៥០០គីឡូក្រាម កាលពីថ្ងៃទី១៣ មីនា។នេះបើតាមអគ្គស្នងការដ្ឋាននគរបាលជាតិ។

អគ្គស្នងការនគរបាលជាតិ បានបញ្ជាក់ថា ក្រោយពីការត្រួតពិនិត្យសមត្ថកិច្ចចម្រុះបានឆែកឆេរជាក់ស្ដែងរកឃើញ បង្គាមានចាក់សារធាតុម្យ៉ាង ដែលខាប់ដូចចាហួយចូលក្បាលបង្គា និងគ្រឿងសមុទ្រមួយចំនួនទៀត និងគ្មានច្បាប់អនុញ្ញាតចំនួន៣៧៦កេស ដែលមានទម្ងន់ប្រមាណ៧៥២០គីឡូក្រាម។ បង្គានិងគ្រឿងសមុទ្រ ដែលសមត្ថកិច្ចបង្ក្រាបបាននេះ គឺដឹកតាមរថយន្ត៣គ្រឿង ។

ក្រោយបង្ក្រាបបាន អាជ្ញាធរបានដុតបំផ្លាញចោលនៅទីលានចាក់សំរាមបឹងជើងឯក និងបានដកហូតវត្ថុតាងមួយចំនួន ទៅធ្វើការពិសោធន៍រកសារធាតុហាមឃាត់។ ចំណែកឯ អ្នកបើបររថយន្តទាំង៣ បាននាំមកសាកសួបំភ្លឺនៅនាយដ្ឋាន ដើម្បីបន្តនីតិវិធីតាមច្បាប់៕