ផ្នែកខ្លះនៃក្រុងសៀមរាបដាច់ភ្លើងនៅព្រឹកថ្ងៃទី២២

ជាតិ

ផ្នែកខ្លះនៃក្រុងសៀមរាបដាច់ភ្លើងនៅព្រឹកថ្ងៃទី២២

22, Mar 2019 , 9:16 am

រូបភាព

ដោយ: អុីសា រ៉ហានី (Isa Rohany)

សៀមរាប៖ នៅព្រឹកព្រលឹមថ្ងៃទី២២ មីនា នេះ ផ្នែកខ្លះនៃក្រុងសៀមរាប ត្រូវបានដាច់ចរន្តអគ្គិសនី។ ការផ្ដាច់នេះ គឺបណ្ដាលមកពីអគ្គិសនីធំនៅប្រទេសថៃ ដែលស្នើមកភាគីខ្មែរដើម្បីជួសជុល និងកែលម្អ។

បន្ទាប់ពីមានការជូនដំណឹងរបស់អគ្គិសនីសៀមរាបកាលពីថ្ងៃទី២១ អំពីការដាច់ចរន្តអគ្គិសនីនោះ នៅព្រឹកព្រលឹមថ្ងៃទី២២ មីនានេះ អគ្គិសនីត្រូវបានផ្អាកផ្គត់ផ្គង់នៅតំបន់មួយចំនួនធំនៅក្រុងសៀមរាប។ តំបន់សំខាន់ៗដែលដាច់នោះ រួមមានតំបន់ផ្សារចាស់ តំបន់ផ្សារលើ និងតំបន់ផ្សារក្រោម។ល។ គេសង្កេតឃើញថា តាមផ្សារទំនើប សណ្ឋាគារធំៗ មានការបញ្ឆេះម៉ាស៊ីនភ្លើងព្រោងព្រាត។

តាមសេចក្ដីជូនដំណឹងរបស់អគ្គិសនីសៀមរាប ការផ្ដាច់ចរន្តនេះនឹងចាប់ផ្តើមពីម៉ោង ៥ព្រឹក ដល់ម៉ោង ៥ល្ងាច នៃអនុស្ថានីយ៍ទី១ ស្រុកពួក និងផ្នែកខ្លះនៃអនុស្ថានីយ៍ទី២ ស្រុកប្រាសាទបាគង។ ការផ្អាកនេះ គឺដោយសារភាគីថៃជួសជុល និងកែសម្រួលបរិក្ខាអគ្គិសនីមួយចំនួន នៅអនុស្ថានីយ៍ WATTANANAKORN និង ARANYAPHATHET។ យ៉ាងណា អំឡុងពេលផ្អាកនេះ អគ្គិសនីសៀមរាប នឹងដំណើរការម៉ាស៊ីនកម្លាំង ១០MW ដើម្បីផ្គត់ផ្គង់អគ្គិសនីបន្ថែម៕

ថ្ងៃ១៧ មេសា កាល៤៩ឆ្នាំមុន កងទ័ពខ្មែរក្រហមដណ្តើមបានទីក្រុងភ្នំពេញ

6 ថ្ងៃ

នាយទាហាន ៨រូប ត្រូវបានព្រះមហាក្សត្រដំឡើងឋានន្តរស័ក្តិផ្កាយ៤

3 ថ្ងៃ

តើពាក្យ«បច្ច័យ»មានន័យច្បាស់លាស់ដូចម្តេច?

1 សប្តាហ៍

សត្វជាង ៧០០ប្រភេទ ត្រូវបានរកឃើញក្នុងតំបន់ព្រៃកោងកាងខេត្តកោះកុង

5 ថ្ងៃ

«មជ្ឈការ»មានន័យខុសពី«វិមជ្ឈការ»ដូចម្តេច?

1 ថ្ងៃ

អត្ថបទពេញនិយមបន្ថែម