ពីនេះ ពីនោះ
ព័ត៍មានសុខភាព
ចូលចិត្ត “ទឹកប្រទាលកន្ទុយក្រពើស្រស់” ឬអត់? ភេសជ្ជៈនេះប្រសើរណាស់សម្រាប់សុខភាព ទប់ស្កាត់ជំងឺជាច្រើន
×![]()
ដោយ: ថ្មីៗ
បើទោះជាភាគច្រើននៃពួកយើងស្គាល់ និងឧស្សាហ៍ទទួលទានទឹកប្រទាលកន្ទុយក្រពើក៏ដោយ ក៏ប្រហែលជាមិនធ្លាប់ចាប់អារម្មណ៍ទេថា ភេសជ្ជៈនេះល្អយ៉ាងណាចំពោះសុខភាពរាងកាយ។ ហើយចំពោះអ្នកមិនចូលចិត្តក៏អាចនឹងពិចារណាទទួលទានភេសជ្ជៈប្រទាលកន្ទុយក្រពើដែរក្រោយអានអត្ថបទនេះរួច។ ខាងក្រោមវេបសាយសុខភាព Health.com.kh នឹងបង្ហាញអោយដឹងពីអត្ថប្រយោជន៍ដ៏ប្រសើរនៃទឹកប្រទាលកន្ទុយក្រពើស្រស់ ៖
១. សុខភាពបេះដូង
ទឹកប្រទាលកន្ទុយក្រពើស្រស់អាចជួយការពារសុខភាពសសៃឈាមបេះដូងតាមរយៈការបង្កើនចរន្តឈាម និងកាត់បន្ថយកម្រិតកូឡេស្តេរ៉ូលមិនល្អក្នុងឈាម។ ដូច្នេះការទទួលទានទឹកប្រទាលកន្ទុយក្រពើ គឺប្រសើរណាស់ក្នុងការទប់ស្កាត់បញ្ហាផ្សេងៗដែលទាក់ទងនឹងបេះដូង។
២. កាត់បន្ថយកម្រិតកូឡេស្តេរ៉ូលក្នុងឈាម
ទឹកប្រទាលកន្ទុយក្រពើស្រស់ ជាប្រភពដ៏ប្រសើរនៃជាតិសសៃ B-sitosterol មានប្រសិទ្ធិភាពកម្ចាត់ជាតិកូឡេស្តេរ៉ូលមិនល្អ រួមទាំងជាតិខ្លាញ់ទ្រីគ្លីសេរីទប់ស្កាត់បញ្ហាសសៃឈាម។
៣. សុខភាពថ្លើម
ប្រទាលកន្ទុយក្រពើមានផ្ទុកសម្បូរទៅដោយសារធាតុ phytonutrients សារធាតុចិញ្ចឹមសំខាន់ៗ រួមទាំងជាតិទឹកដែលចាំបាច់សម្រាប់សុខភាពថ្លើម ក៏ដូចជារាងកាយទាំងមូល។ ថ្លើមដែលមានសុខភាពល្អអាចបន្សាបជាតិពុលពីរាងកាយបានយ៉ាងប្រសើរជួយទប់ស្កាត់បញ្ហាសុខភាពផ្សេងៗគួរអោយកត់សម្គាល់។
៤. សុខភាពមាត់ធ្មេញ
ទឹកប្រទាលកន្ទុយក្រពើស្រស់មានលក្ខណៈប្រឆាំងការរលាក និងកម្ចាត់បាក់តេរីដែលជួយទប់ស្កាត់ដោះស្រាយបញ្ហាជំងឺអញ្ចាញធ្មេញ។ ក្រៅពីរួមបញ្ចូលទឹកប្រទាលកន្ទុយក្រពើស្រស់ក្នុងរបបអាហារប្រចាំថ្ងៃ អ្នកក៏អាចខ្ពុរមាត់ជាមួយទឹកប្រទាលកន្ទុយក្រពើសម្រាប់រយៈពេលពី ១ ទៅ ២ នាទីដើម្បីព្យាបាលដំបៅមាត់ផងដែរ។
៥. ព្យាបាលបញ្ហាច្រាលទឹកអាស៊ីតក្រពះ
ការទទួលទានទឹកប្រទាលកន្ទុយក្រពើ ក៏មានអត្ថប្រយោជន៍ណាស់ដែរខណៈពេលអ្នកកំពុងទទួលរងបញ្ហាច្រាលអាស៊ីតក្រពះ ដោយភេសជ្ជៈនេះជួយគ្របស្រទាប់បំពង់អាហារ និងក្រពះ ទប់ស្កាត់ការរលាក។ ទោះជាយ៉ាងណា ត្រូវប្រាកដថា ទឹកប្រទាលកន្ទុយក្រពើដែលអ្នកយកមកទទួលទាន គឺសុទ្ធ ១០០ ភាគរយ៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com
