ស្ត្រី៥រូប ត្រូវបានចារឈ្មោះនៅសារមន្ទីរយានយន្ត Automotive Hall of Fame

រថយន្ត

អន្តរជាតិ

08, Mar 2021 , 7:39 pm

រូបភាព

Automotive Hall of Fame ជាសារមន្ទីរអាមេរិក ដែលបង្កើតឡើងកាលពីឆ្នាំ១៩៣៩ ដើម្បីឧទ្ទិសដល់អ្នកមានស្នាដៃនានាជាប្រវត្តិសាស្ត្រផ្នែកយានយន្ត។ បច្ចុប្បន្នសារមន្ទីរដ៏ធំស្ថិតក្នុងរដ្ឋ Michigan មួយនេះ បានចារឈ្មោះមនុស្សជិត១០០០នាក់លើពិភពលោក ដែលអ្នកទាំងនោះមានដូចជា ក្រុមអ្នកផលិត ក្រុមផ្សព្វផ្សាយ ក្រុមរចនា អ្នកប្រណាំង យន្តការី ថ្នាក់ដឹកនាំ មន្ត្រី និងអ្នកជំនាញផ្សេងៗដែលពាក់ព័ន្ធយានយន្ត។

មកដល់ពេលនេះ Automotive Hall of Fame បានចារឈ្មោះស្ត្រី៥រូបដ៏គួរឲ្យសម្គាល់ ដោយពួកគេសម្រេចបានសមិទ្ធផលផ្សេងៗគ្នាក្នុងប្រវត្តិសាស្ត្រយានយន្ត។

១.អ្នកស្រី Janet Guthrie (អាមេរិក) អាយុ៨១ឆ្នាំ

Janet Guthrie គឺជាស្ត្រីទីមួយដែលបានចូលប្រកួតក្នុងព្រឹត្តិការណ៍ Indy 500 និង Daytona 500។ នៅឆ្នាំ១៩៦៣ Guthrie បានប្តូរអាជីពពីយន្តការីទៅជាអ្នកប្រណាំងយានយន្ត។ គាត់បានចូលរួមប្រកួតប្រជែង៤៧លើកធំៗ ហើយមានឈ្មោះនៅ Motorsports and Sports Car Club of America Hall of Frame។ គាត់ចាប់ផ្តើមអាជីពជាមួយរថយន្ត Jaguar XK120។ មួក និងខោអាវប្រណាំងរបស Guthrie ក៏មាននៅ Smithsonian Institution ផងដែរ។ គាត់ត្រូវចារឈ្មោះនៅសារមន្ទីរក្នុងឆ្នាំ២០១៩នេះ។

២. អ្នកស្រី Bertha Benz (អាល្លឺម៉ង់) មរណភាពក្នុងអាយុ៩៥ឆ្នាំ កាលពីឆ្នាំ១៩៤៤

ស្ថាបនិកយានយន្តលោក Karl Benz ទទួលបានប៉ាតង់រថយន្ត Motorwagen ជាប្រវត្តិសាស្ត្រនៅឆ្នាំ១៨៨៥។ នាថ្ងៃទី៥ ខែសីហា ឆ្នាំ១៨៨៨ អ្នកស្រី Bertha Benz ដែលជាភរិយាបានបើករថយន្តនេះលើចម្ងាយផ្លូវជិត១០០គីឡូម៉ែត្រដើម្បីទៅសួរសុខទុក្ខម្តាយរបស់ខ្លួន។ ទោះបីមិនមានកំណត់ត្រាអ្វីក៏ដោយ ប៉ុន្តែវាអាចជាករណីលើកដំបូងបំផុតដែលស្ត្រីបានរថយន្តលើចម្ងាយផ្លូវដ៏ឆ្ងាយបែបនេះ។ ក្រោយមក លោក Karl Benz លេចចេញគំនិតកែច្នៃជាបន្តបន្ទាប់។ លោកស្រីត្រូវបានចារឈ្មោះចូលក្នុងសារមន្ទីរនៅឆ្នាំ២០១៦។

៣. អ្នកស្រី Shirley Muldowney (អាមេរិក) អាយុ៧៨ឆ្នាំ

នៅឆ្នាំ១៩៧៣ Shirley Muldowney ដែលមានកំណើតនៅរដ្ឋ Michigan បានក្លាយជាស្ត្រីដំបូងដែលទទួលបានអាជ្ញាបណ្ណ Top Fuel Gragster។ Muldowney ប្រឹងប្រែងយ៉ាងខ្លាំងដើម្បីឲ្យគេជឿថាស្ត្រីពិតជាអាចធ្វើបានក្នុងព្រឹត្តិការណ៍ប្រណាំងយានយន្ត។ គាត់បានឈ្នះជើងឯក NHRA World Championships ៣លើក និង IHRA Championship ១លើក និងឈ្នះការប្រកួត១៨លើកក្នុងអាជីពនៅ NHRA។ គាត់មានឈ្មោះក្នុងសារមន្ទីរ Automotive Hall of Fame នៅឆ្នាំ២០០៥។

៤. អ្នកស្រី Denise McCluggage (អាមេរិក) ទទួលមរណភាពក្នុងអាយុ៨៨ឆ្នាំ កាលពីឆ្នាំ២០០១

Denise McCluggage ដែលអ្នកសារព័ត៌មានកីឡា ត្រូវបានចារឈ្មោះក្នុង Automotive Hall of Fame កាលពីឆ្នាំ២០០១។ McCluggage ស្រឡាញ់ការប្រកួតប្រណាំងយានយន្តយ៉ាងខ្លះ ប៉ុន្តែអ្នកយកព័ត៌មានស្ត្រីមិនត្រូវបានអនុញ្ញាតឲ្យចូលរួមប្រកួតប្រជែងឡើយ។ ទោះបីជាយ៉ាងណាក៏ដោយ អ្នកកាសែតរូបនេះ នៅតែអាចបង្ហាញសមត្ថភាពក្នុងការបើកបរ ដើម្បីរាយការណ៍ព័ត៌មានផ្នែកកីឡា។ ក្រោយមកទៀត McCluggage ចូលរួមធ្វើជាអ្នកប្រណាំងអាជីពនៅពាក់កណ្តាលទសវត្សរ៍៥០ និងឈ្នះជាច្រើនលើកផងដែរ។

៥. Alice Ramsey (អាមេរិក) ទទួលមរណភាពនៅឆ្នាំ១៩៨៣ក្នុងអាយុ៩៦ឆ្នាំ

នៅឆ្នាំ១៩០៩ Ramsey បានបើករថយន្ត Maxwell Touring ដោយមានអ្នករួមដំណើរ៣នាក់ទៀត។ នេះជាប្រវត្តិសាស្ត្រសម្រាប់ស្ត្រីដែលបើកបរលើចម្ងាយប្រមាណ៦ពាន់គីឡូម៉ែត្រពីក្រុងញូវយ៉ក ទៅសាន់ហ្វ្រាន់ស៊ីស្កូ។ ដំណើរផ្សងព្រេងតាមរថយន្តរបស់គាត់ក៏ត្រូវបានកត់ត្រាក្នុងសៀវភៅផ្ទាល់ខ្លួនដែលមានចំណងជើងថា «Veil, Duster and Tire Iron» ផងដែរ។ គាត់ជាស្ត្រីដំបូងដែលត្រូវបានចារឈ្មោះក្នុងសារមន្ទីរកាលពីឆ្នាំ២០០០៕

នាយទាហាន ៨រូប ត្រូវបានព្រះមហាក្សត្រដំឡើងឋានន្តរស័ក្តិផ្កាយ៤

5 ថ្ងៃ

សត្វជាង ៧០០ប្រភេទ ត្រូវបានរកឃើញក្នុងតំបន់ព្រៃកោងកាងខេត្តកោះកុង

1 សប្តាហ៍

«មជ្ឈការ»មានន័យខុសពី«វិមជ្ឈការ»ដូចម្តេច?

3 ថ្ងៃ

អាចសរសេរបានថា «រួញរា» ឬ «រញ់រា» ប៉ុន្តែមិនមែន «រុញរា» ឡើយ

5 ថ្ងៃ

«ប្រេសិត»មានន័យដូចម្តេច?

4 ថ្ងៃ

អត្ថបទពេញនិយមបន្ថែម