អត្ថបទពាណិជ្ជកម្ម
vivo ប្រកាសភាពជាដៃគូផ្លូវការជាមួយ PUBG Mobile ដើម្បីបង្ហាញការប្តេជ្ញាចិត្តរបស់ខ្លួន ក្នុងការភ្ជាប់អ្នកលេងហ្គេមនៅជុំវិញពិភពលោក
× នៅថ្ងៃនេះ ក្រុមហ៊ុន vivo ប្រកាសអំពីភាពជាដៃគូ ជាមួយហ្គេមទូរសព្ទចល័តនាំមុខគេរបស់ពិភពលោកគឺ PlayerUnknown's Battlegrounds Mobile (PUBG MOBILE) របស់ក្រុមហ៊ុន Tencent Games និងក្រុមហ៊ុន PUBG Corporation ក្នុងនាមជាអ្នកឧបត្ថម្ភសម្រាប់ព្រឹត្តិការណ៍ PUBG MOBILE Club Open 2019 ដែលជាការប្រកួតហ្គេមទូរសព្ទចល័តធំជាងគេនៅលើពិភពលោក។
ក្រុមហ៊ុន vivo នឹងផ្តល់នូវស្មាតហ្វូនផ្លូវការ សម្រាប់ព្រឹត្តិការណ៍ PUBG MOBILE Club Open 2019 ដែលអ្នកលេងហ្គេមជាច្រើន មកពីតំបន់ចំនួន ១០ នៅទូទាំងពិភពលោក នឹងប្រើកម្លាំងដើម្បីប្រយុទ្ធគ្នាតាមរយៈ Spring & Fall Split ដែលមានទឹកប្រាក់សរុបចំនួន 2.5 លានដុល្លារអាមេរិក។ ភាពជាដៃគូជាលក្ខណៈសាកលនេះ ពង្រឹងការប្តេជ្ញាចិត្តរបស់ក្រុមហ៊ុនបច្ចេកវិទ្យា vivo ក្នុងការនាំមកនូវបទពិសោធន៍ក្នុងការលេងហ្គេមយ៉ាងរលូន ដើម្បីភ្ជាប់ទំនាក់ទំនងជាមួយអតិថិជន តាមរយៈភាពជាដៃគូដ៏មានអត្ថន័យនេះ។
ក្រុមហ៊ុន vivo រីកចម្រើនឈានមុខគេនៅក្នុងឧស្សាហកម្ម eSports ដើម្បីបម្រើអតិថិជនរបស់ខ្លួនឲ្យបានល្អបំផុត។ ភាពជាដៃគូជាមួយក្រុមហ៊ុន PUBG MOBILE គឺជាព្រឹត្តិការណ៍សំខាន់មួយ ដែលត្រូវបានផ្តល់ឱ្យជាពិសេសថា វាគឺជាហ្គេមទូរសព្ទចល័តឈានមុខគេ ដែលបង្កើតឡើងដោយក្រុមហ៊ុន Tencent Games និង PUBG Corporation ដែលមានអ្នកគាំទ្រជាង២០០ លាននាក់ ដែលទាញយកដោយមិនរាប់បញ្ចូលប្រទេសចិន ប្រទេសកូរ៉េ និងប្រទេសជប៉ុន។
នៅក្នុងនាមជាការប្រកួតហ្គេមកម្សាន្តចល័តដ៏ធំបំផុតមួយនៅក្នុងពិភពលោក PUBG MOBILE Club Open 2019 គឺជាឱកាសដ៏រឹងមាំមួយ ដើម្បីបង្ហាញពីចក្ខុវិស័យរបស់ក្រុមហ៊ុន vivo ក្នុងការផ្តល់ឲ្យនូវភាពរីករាយដ៏អស្ចារ្យ ដោយនាំយកអ្នកលេងហ្គេមទូទាំងពិភពលោក ឲ្យទទួលបានបទពិសោធន៍ នៃការលេងហ្គេមពិតៗតែម្តង។ ភាពជាដៃគូពិភពលោកនេះ នឹងពង្រីក ក៏ដូចជាពង្រឹងជំហរ របស់ក្រុមហ៊ុន vivo ក្នុងការក្លាយជាម៉ាកយីហោ ប្រកបដោយភាពច្នៃប្រឌិត និងទាន់សម័យ ដែលតែងតែផ្តោតទៅលើបទពិសោធន៍របស់អ្នកប្រើប្រាស់ជាអាទិភាព។
កម្មវិធីប្រកួត PUBG MOBILE STAR CHALLENGE ២០១៨ មានអ្នកទស្សនាជាង ២៣០លាននាក់ពីទូទាំងពិភពលោក និងទាក់ទាញអ្នកទស្សនាផ្ទាល់ជាង៥ពាន់នាក់ នៅក្នុងវគ្គផ្ដាច់ព្រ័ត្រពិភពលោកនៅទីក្រុងឌូបៃ។ ការប្រកួតជុំផ្តាច់ព្រ័ត្រ នៃព្រឹត្តិការណ៍ PUBG MOBILE Club Open 2019 ចាប់ផ្តើមនៅថ្ងៃទី២២ ខែមីនា ឆ្នាំ ២០១៩នេះ។ ការប្រកួត Spring Split Global Finals នឹងរៀបចំនៅខែកក្កដាឆ្នាំនេះ ខណៈពេលដែលការប្រកួត Fall Split Global Finals គឺនៅក្នុងខែធ្នូ។
លោក Vincent Wang នាយកគ្រប់គ្រងទូទៅនៃនាយកដ្ឋានបោះពុម្ពផ្សាយពិភពលោក (Global Publishing Department) របស់ក្រុមហ៊ុន Tencent Games បានបញ្ជាក់ពីសេចក្តីរំភើបជាពន់ពេក ក្នុងការធ្វើជាដៃគូជាមួយក្រុមហ៊ុន Vivo ដែលមានកេរ្តិ៍ឈ្មោះខ្លាំងក្លាក្នុងការច្នៃប្រឌិត និងដាក់តមរ្ូវការរបស់អតិថិជនជាអាទិភាព។ លោក Vincent Wang បន្ថែម៖«ក្នុងនាមជាម៉ាកយីហោប្រកបដោយភាពច្នៃប្រឌិតនោះ ភាពជាដៃគូនេះបង្ហាញពីការយកចិត្តទុកដាក់របស់យើង ដើម្បីនាំមកនូវបទពិសោធន៍ដ៏ល្អបំផុត ដែលអាចធ្វើទៅបានសម្រាប់អ្នកលេងហ្គេម និងអ្នកគាំទ្ររបស់យើងនៅជុំវិញពិភពលោក។ ភាពជាដៃគូនេះ គ្រាន់តែជាការចាប់ផ្តើមប៉ុណ្ណោះ យើងចង់បន្តការបង្កើតនូវភាពជាដៃគូដ៏ខ្លាំងក្លា ជាមួយក្រុមហ៊ុនឈានមុខគេដូចvivo ជាច្រើនទៀត ដើម្បីផ្តល់ជូននូវបទពិសោធន៍លេងហ្គេម តាមទូរសព្ទដៃដ៏ល្អបំផុត»។
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com