អត្ថបទពាណិជ្ជកម្ម
រកឃើញអ្នកឈ្នះរង្វាន់ធំ៤លានរៀលជាបន្តបន្ទាប់ ពីក្រវិលកំប៉ុងទឹកក្រូចអាយស៍
×![]()
ដោយ: ថ្មីៗ
ទឹកក្រូចអាយស៍ IZE បានប្រគល់ប្រាក់រង្វាន់៤លានរៀល ដល់អតិថិជនដែលមានសំណាងរប់សខ្លួនជាបន្តបន្ទាប់ កាលពីសប្តាហ៍កន្លងទៅនេះ។ អ្នកស្រី ខុម ចាន់ធឿន អ្នករស់នៅក្រុងតាខ្មៅ ដែលមានសំណាងត្រូវរង្វាន់ ៤លានរៀលពីទឹកក្រូចអាយស៍ បានរៀបរាប់ទាំងទឹកមុខញញឹមថា គាត់ពិតជារំភើបខ្លាំងណាស់ ដែលបានត្រូវរង្វាន់ធំនេះ ពីក្រវិលកំប៉ុងទឹកក្រូចអាយស៍កូឡា។
អ្នកស្រី ខុម ចាន់ធឿន សើចផង និងរៀបរាប់ផងដូច្នេះថា៖«អ្នកណាមិនសប្បាយចិត្តនោះ បើកំពុងតែដាច់លុយខ្លាំងផង លក់បន្លែ១ថ្ងៃបានត្រឹម ៣ ទៅ៤ម៉ឺនរៀល ចិញ្ចឹមគ្រួសារកូនពីរខ្វះមុខខ្វះក្រោយ ហើយត្រូវសងលុយធនាគាររាល់ខែទៀត។ សុខៗស្រាប់តែឈ្នះបានរង្វាន់ដល់ទៅ ៤លានរៀលចឹងអី ជើងខ្ញុំឈរសឹងមិនជាប់ដីទៅហើយ ព្រោះអរខ្លាំងពេក។ ខ្ញុំរំភើបមែនទែន»។
រីឯអ្នកឈ្នះរង្វាន់៤លានរៀល គឺលោក អ៊ុន សុខា ក៏បង្ហាញអារម្មណ៍សប្បាយរីករាយដែលខ្លួនបានត្រូវរង្វាន់នេះដែរ។ លោកបញ្ជាក់ថា មូលហេតុដែលលោក ចូលចិត្តទឹកក្រូចអាយស៍ ដោយសាររសជាតិផ្អែមឆ្ងាញ់របស់វា។
លោក Michael Sovann (ម៉ៃឃើល សុវណ្ណ) ប្រធានផ្នែករៀបចំកម្មវិធី និងទំនាក់ទំនងសាធារណៈ នៃក្រុមហ៊ុនខ្មែរ ប៊ែវើរីជីស បានបញ្ជាក់ផងដែរថា៖ «ខ្ញុំក៏សើចជាមួយបងស្រី ចាន់ធឿនដែរ ដោយសារតែទឹកមុខរបស់គាត់ ពោរពេញដោយភាពសប្បាយរីករាយខ្លាំងតែម្តង។ ខ្ញុំចាំគាត់បានជាងគេក្នុងចំណោមអតិថិជនឈ្នះរង្វាន់៤លានរៀល ទាំង ៣នាក់ ក្នុងរាត្រីតែមួយនៅក្រុងតាខ្មៅ ពេលដែលគាត់មកទស្សនាកម្មវិធីប្រគំតន្ត្រីស្រាបៀកម្ពុជា Rock the Nation» ។
លោកក៏បានបញ្ជាក់ផងដែរថា រង្វាន់ទឹកប្រាក់៤លានរៀល គឺជារង្វាន់ធំជាងគេបំផុត ពីទឹកក្រូចអាយស៍ ហើយរង្វាន់តូចមានដូចជាទឹកប្រាក់ ១ម៉ឺនរៀល និង៥ពាន់រៀល រួមជាមួយរង្វាន់១កំប៉ុងជាច្រើន។ ហើយរង្វាន់ទាំងនេះ ត្រូវបានបញ្ចូលទៅលើក្រវិលកំប៉ុងទឹកក្រូចអាយស៍ គ្រប់រសជាតិតែម្តង ដែលរួមមានរសជាតិ អាយស៍កូឡា អាយស៍ក្រូចឆ្មារ និងអាយស៍រសជាតិផ្លែឈើចម្រុះ។
លោកក៏ធានាអះអាងផងដែរថា ទឹកក្រូចអាយស៍ ជាភេសជ្ជៈដែលសាកសមបំផុត សម្រាប់អាហារគ្រប់ពេល និងកម្មវិធីជប់លៀងផ្សេងៗ រួមជាមួយការដាក់សែនទេវតា នារដូវកាលចូលឆ្នាំខ្មែរខាងមុខនេះ។
ផលិតផលក្រុមហ៊ុន ខ្មែរ ប៊ែវើរីជីស គឺជាផលិតផលដែលមានគុណភាពខ្ពស់ តាមបទដ្ឋានអន្តរជាតិ ដែលតែងតែទទួលបានមេដាយគុណភាពពីអន្តរជាតិ។ ផលិតផលទាំងអស់ ត្រូវបានផលិតដោយប្រើប្រាស់គ្រឿងផ្សំដែលមានគុណភាពល្អឥតខ្ចោះ និងប្រើប្រាស់បច្ចេកវិទ្យា និងគ្រឿងម៉ាស៊ីនទំនើបចុងក្រោយគេ។ ក្រុមហ៊ុនតែងតែយកចិត្តទុកដាក់ ក្នុងការផ្តល់ផលិតផលក៏ដូចជាសេវាកម្មដ៏ល្អសម្រាប់អតិថិជន ជាពិសេសការផ្តល់រង្វាន់ធំៗជាច្រើន ដើម្បីធ្វើឲ្យបទពិសោធន៍ នៃការទទួលទានផលិតផលរបស់របស់ក្រុមហ៊ុន ប្រកបដោយភាពរីករាយ និងរំភើបគ្រប់ពេលវេលា៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com
