ជាតិ
សង្គមជាតិ
វគ្គបណ្តុះបណ្ដាលរបស់ WMC បង្កើនសមត្ថភាពជាអ្នកដឹកនាំដល់អ្នកកាសែតវ័យក្មេងនិងយុវជន
×![]()
ដោយ: ឡាយ សុភាវតី
ភ្នំពេញ៖ ការបើវគ្គបណ្ដុះបណ្ដាល២ថ្ងៃចាប់ពីថ្ងៃទី២៣ដល់២៤មីនានេះ គឺដើម្បីបណ្ដុះសមត្ថភាពរបស់អ្នកសារព័ត៌មានវ័យក្មេងអំពីការសរសេរនិងយកព័ត៌មាន ដែលផ្ដោតសំខាន់លើស្រី្តនិងយុវជន។ នេះជាការលើកឡើងរបស់អ្នកស្រី្ត វួន សុវិរីយ៍ នាយិកាប្រតិបត្តិនៃមណ្ឌលព័ត៌មានស្រី្តកម្ពុជា (WMC) នៅក្នុងវគ្គបណ្តុះបណ្តាលនេះ។
អ្នកការសែតវ័យក្មេងប្រមាណ១៥នាក់ ពីស្ថាប័នសារព័ត៌មានផ្សេងៗគ្នា បានចូលរួមវគ្គបណ្តុះបណ្ដាលស្ដីអំពីស្រី្តនិងយុវជនក្នុងភាពជាអ្នកដឹកនាំ ដែលរៀបចំដោយមណ្ឌលព័ត៌មានស្រី្តកម្ពុជា។ វគ្គបណ្ដុះបណ្ដាលនេះ មានការបង្រៀននិងចែករំលែកដោយលោកគ្រូ មឿន ឈានណារិទ្ធ សាស្ត្រាចារ្យសារព័ត៌មាន និង កញ្ញា កាន់ វិច្ឆិកា អ្នកសារព័ត៌មាននៃសំឡេងសហរដ្ឋអាមេរិក (VOA)។
ក្នុងចំណោមអ្នកកាសែតវ័យក្មេងប្រមាណ១៥នាក់ លោក មឿន ឈានណារិទ្ធ បានបង្ហាញពីទម្រង់នៃព័ត៌មាននិងការសរសេរ រួមទាំងការការពារខ្លួនពីការយកព័ត៌មានគ្រប់ស្ថានភាព។ រីឯ កញ្ញា កាន់ វិច្ឆិកា ក៏បានលើកឡើងពីរបៀបការពារខ្លូនពេលចុះយកព័ត៌មានផងដែរ។ កញ្ញា បានបញ្ជាក់ថា ស្រី្តគ្រប់រូបសុទ្ធតែអាចក្លាយជាអ្នកដឹកនាំ គ្រាន់តែមានកម្រិត និងផ្នែកផ្សេងៗគ្នា។
កញ្ញា ទិត្យ សូនីតា អ្នកចូលរួមពីវិទ្យុប្រជាជន លើកឡើងថា វគ្គបណ្ដុះបណ្ដាលនេះបានធ្វើឲ្យកញ្ញាយល់ពីការលើកម្ពស់សមត្ថភាពស្រី្ត តាមរយៈតាមការសរសេរព័ត៌មាន ជាក់ស្ដែងកញ្ញាបានលើឡើងថា កាន់ វិច្ឆិការ ពោរពេញដោយសម្ថភាពជាអ្នកសារព័ត៌មានវ័យក្មេង ដែលជាគំរូដល់អ្នកគ្រប់គ្នា។ បន្ទាប់ពីការរៀនវគ្គនេះចប់កញ្ញា មានគោលបំណងសរសេរបទយកការណ៍អំពីជីវិតជោគជ័យរបស់ស្រី្ត។
ចំណែក កញ្ញ សួន សុម៉ានិត មកពីសារព័ត៌មានកោះសន្តិភាព បានឲ្យដឹងថា កញ្ញា មិនធ្លាប់បានចូលរៀនវគ្គបណ្ដុះបណ្ដាលពីមុនទេ ហើយបន្ទាប់ពីបានរៀន ទើបដឹងថា ក្នុងនាមជាអ្នកសារព័ត៌មានពិតជាមានតួនាទីសំខាន់ក្នុងការបង្ហាញបញ្ហានិងរឿងរ៉ាវជាច្រើន ដែលកើតមានឡើងក្នុងសង្គម។ កញ្ញាលើកឡើងថា៖«ក្នុងនាមជាអ្នកសារព័ត៌មាន គឺយើងជាអ្នកបង្ហាញសំឡេងរបស់ប្រជាពលរដ្ឋដែលគ្មានសំឡេងឲ្យគ្រប់គ្នាបានដឹង ដូចដែលកញ្ញា កាន់ វិច្ឆិកាបានលើកឡើងក្នុងវគ្គបណ្ដុះបណ្ដាល»។
កញ្ញា បន្ថែមថា វគ្គបណ្ដុះបណ្ដាលនេះ ធ្វើឲ្យកញ្ញា យល់ពីការសរសេរព័ត៌មានប្រកបដោយវិជ្ជាជីវៈ ការសរសេរកាន់តែល្អ និងភាពជាអ្នកដឹកនាំ៕
Tag:
WMC
វគ្គបណ្ដុះបណ្ដាល
© រក្សាសិទ្ធិដោយ thmeythmey.com
