ជាតិ
សង្គមជាតិ
នាយករដ្ឋមន្រ្តី ថ្លែងក្នុងវេទិការវាងរដ្ឋាភិបាលកម្ពុជានិងវិស័យឯកជន
×![]()
ដោយ: សារព័ត៌មានថ្មីៗ
សម្តេចនាយករដ្ឋមន្រ្តី ហ៊ុន សែន ប្រកាសថា រដ្ឋាភិបាលតួកគី សម្រេចជួយផ្គត់ផ្គង់អគ្គិសនីកម្ពុជា ដែលកំពុងខ្វះខាត។ ការប្រកាសនេះ គឺធ្វើឡើងក្នុងវេទិការវាងរដ្ឋាភិបាលកម្ពុជានិងវិស័យឯកជន នៅព្រឹកថ្ងៃទី២៩ ខែមីនា ឆ្នាំ២០១៩ ដោយឯកអគ្គរដ្ឋទូតតួកគី ក៏ចូលរួមផងដែរ។
សម្តេចនាយករដ្ឋមន្ត្រី ហ៊ុន សែន អះអាងថា តួកគី នឹងបញ្ជូនម៉ាស៊ីនភ្លើងតាមនាវាមកកម្ពុជា ដែលម៉ាស៊ីននោះ អាចផ្គត់ផ្គង់អគ្គិសនី២០០មេហ្កាវ៉ាត់។ សម្តេចនាយករដ្ឋមន្រ្តី ហ៊ុន សែន បានអរគុណឯកអគ្គរដ្ឋទូតតួកគី ដែលបានប្រឹងប្រែងពិភាក្សាពីរឿងនេះ ជាមួយមន្រ្តីកម្ពុជា រហូតឈានដល់ឯកភាពគ្នាក្នុងការនាំម៉ាស៊ីនភ្លើងមកកម្ពុជា។
ក្នុងវេទិកានេះ ប្រមុខរដ្ឋាភិបាល បានចុះហត្ថលេខាតែម្តង លើកិច្ចព្រមព្រៀងស្តីពីការនាំម៉ាស៊ីនភ្លើងពីតួកគីមកកម្ពុជា។ ប្រមុខរដ្ឋាភិបាល បានថ្លែងទៅកាន់ឯកអគ្គរដ្ឋទូតតួកគីយ៉ាងដូច្នេះថា៖«សូមអ្នកស្រី ជួយពាំនាំលិខិតរបស់ខ្ញុំ ទៅជូនប្រធានាធិបតីតួកគីផង»។
យ៉ាងណាក៏ដោយ ព័ត៌មាន ដែលថាភាគីតួកគី នឹងបញ្ជូនម៉ាស៊ីនភ្លើង មកកម្ពុជានៅពេលណានោះ មិនទាន់មាននៅឡើយទេ។
ប្រទេសជិតខាងទាំងបី គឺ វៀតណាម ថៃ និង ឡាវ ក៏ជួយផ្គត់ផ្គង់អគ្គិសនីកម្ពុជាផងដែរ ដោយក្នុងនោះ វៀតណាម នៅរក្សាការផ្គត់ផ្គង់១៧០មេហ្កាវ៉ាត់ដដែល (មិនបន្ថែម) ថៃ ជួយផ្គត់ផ្គង់៨០មេហ្កាវ៉ាត់បន្ថែម និង ឡាវ ជួយផ្គត់ផ្គង់១០មេហ្កាវ៉ាត់បន្ថែម។
ប្រមុខរដ្ឋាភិបាល ប្រកាសនាពេលកន្លងមកថា កម្ពុជា ខ្វះខាតអគ្គិសនីប្រមាណ៤០០មេហ្កាវ៉ាត់៕
សម្តេចនាយករដ្ឋមន្ត្រី ហ៊ុន សែន អះអាងថា តួកគី នឹងបញ្ជូនម៉ាស៊ីនភ្លើងតាមនាវាមកកម្ពុជា ដែលម៉ាស៊ីននោះ អាចផ្គត់ផ្គង់អគ្គិសនី២០០មេហ្កាវ៉ាត់។ សម្តេចនាយករដ្ឋមន្រ្តី ហ៊ុន សែន បានអរគុណឯកអគ្គរដ្ឋទូតតួកគី ដែលបានប្រឹងប្រែងពិភាក្សាពីរឿងនេះ ជាមួយមន្រ្តីកម្ពុជា រហូតឈានដល់ឯកភាពគ្នាក្នុងការនាំម៉ាស៊ីនភ្លើងមកកម្ពុជា។
ក្នុងវេទិកានេះ ប្រមុខរដ្ឋាភិបាល បានចុះហត្ថលេខាតែម្តង លើកិច្ចព្រមព្រៀងស្តីពីការនាំម៉ាស៊ីនភ្លើងពីតួកគីមកកម្ពុជា។ ប្រមុខរដ្ឋាភិបាល បានថ្លែងទៅកាន់ឯកអគ្គរដ្ឋទូតតួកគីយ៉ាងដូច្នេះថា៖«សូមអ្នកស្រី ជួយពាំនាំលិខិតរបស់ខ្ញុំ ទៅជូនប្រធានាធិបតីតួកគីផង»។
យ៉ាងណាក៏ដោយ ព័ត៌មាន ដែលថាភាគីតួកគី នឹងបញ្ជូនម៉ាស៊ីនភ្លើង មកកម្ពុជានៅពេលណានោះ មិនទាន់មាននៅឡើយទេ។
ប្រទេសជិតខាងទាំងបី គឺ វៀតណាម ថៃ និង ឡាវ ក៏ជួយផ្គត់ផ្គង់អគ្គិសនីកម្ពុជាផងដែរ ដោយក្នុងនោះ វៀតណាម នៅរក្សាការផ្គត់ផ្គង់១៧០មេហ្កាវ៉ាត់ដដែល (មិនបន្ថែម) ថៃ ជួយផ្គត់ផ្គង់៨០មេហ្កាវ៉ាត់បន្ថែម និង ឡាវ ជួយផ្គត់ផ្គង់១០មេហ្កាវ៉ាត់បន្ថែម។
ប្រមុខរដ្ឋាភិបាល ប្រកាសនាពេលកន្លងមកថា កម្ពុជា ខ្វះខាតអគ្គិសនីប្រមាណ៤០០មេហ្កាវ៉ាត់៕
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
