ជាតិ
សេដ្ឋកិច្ច
ចំណូលលក់បណ្ណទស្សនាអង្គរ ថយជាង៩ភាគរយ បើធៀបបីខែដំបូងដូចគ្នាកាលពីឆ្នាំមុន ទេសចរអន្តរជាតិនៅរមណីដ្ឋានអង្គរ។ រូបថត AFP
× បីខែដំបូងនៅឆ្នាំ២០១៩នេះ ចំនួនភ្ញៀវទេសចរ និងចំណូលពីការលក់បណ្ណទស្សនារមណីយដ្ឋានអង្គរ មានការធ្លាក់ចុះ បើប្រៀបធៀបទៅនឹងរយៈពេលដូចគ្នាកាលពីឆ្នាំ២០១៨។ នេះបើតាមរបាយការណ៍របស់គ្រឹះស្ថានអង្គរ ដែលចេញផ្សាយកាលពីថ្ងៃទី១ ខែមេសា។
នៅក្នុងខែមីនា ភ្ញៀវទេសចរជាង២៤ម៉ឺននាក់ បានទិញបណ្ណទស្សនារមណីដ្ឋានអង្គរ ដែលចំនួននេះថយចុះ៩,២៤ភាគរយ បើប្រៀបធៀបទៅនឹងខែមីនា ឆ្នាំ២០១៨ រីឯចំណូលក៏ថយ១០,៦៤ភាគរយផងដែរ។ ក្នុងចំណោមចំណូលជិត១១លានដុល្លារក្នុងខែមីនា គ្រឹះស្ថានអង្គរបែកចែកទៅឧបត្ថម្ភមន្ទីរពេទ្យគន្ធបុប្ផាជិត៤៩ម៉ឺនដុល្លារ។
បើគិតរយៈពេល៣ខែដើមឆ្នាំវិញ ចំនួនទេសចរ និងការលក់បណ្ណក៏ថយចុះដូចគ្នាផងដែរ បើប្រៀបធៀបរយៈពេលដូចគ្នាកាលពីឆ្នាំមុន។ ៣ខែដំបូងឆ្នាំនេះ ភ្ញៀវទិញបណ្ណមានជិត៧៩ម៉ឺននាក់ ដោយថយ ៨,២៣ភាគរយ រីឯចំណូលមានជិត៣៦លានដុល្លារអាមេរិក ដោយថយចុះ៩,៣៤ភាគរយ បើប្រៀបធៀបពេលដូចគ្នាកាលពីឆ្នាំ២០១៨។
តាមគោលការណ៍ គ្រឹះស្ថានអង្គរ បានបែងចែកចំណូលរយៈពេល៣ខែដំបូងឆ្នាំនេះ សម្រាប់ការឧបត្ថម្ភមូលនិធិគន្ធបុប្ផា ដែលមានចំនួនជិត១,៦លានដុល្លារអាមេរិក៕
© រក្សាសិទ្ធិដោយ thmeythmey.com