ជាតិ
អាជ្ញាធរ នឹងបិទចរាចរណ៍នៅជុំវិញទីតាំងរៀបចំពិធីបើកដំណើរការឡើងវិញស្ពានជ្រោយចង្វារទី១ រូបភាពពីហ្វេសប៊ុកក្រសួងសាធារណការ និងដឹកជញ្ជូន
× ភ្នំពេញ៖ ដើម្បីសម្រួលដល់ចរាចរណ៍នៅទីតាំងប្រារព្ធពិធីបើកឲ្យដំណើរការឡើងវិញស្ពានមិត្តភាពកម្ពុជា-ជប៉ុន (ជ្រោយចង្វារទី១) សាលារាជធានីភ្នំពេញ នឹងមិនអនុញ្ញាតឲ្យយានជំនិះគ្រប់ប្រភេទឆ្លងកាត់ជុំវិញតំបន់រៀបចំកម្មវិធីឡើយ។ តាមសេចក្ដីជូនដំណឹងរបស់រដ្ឋបាលរាជធានីភ្នំពេញ អាជ្ញាធរ នឹងពង្វាងផ្លូវជាបណ្ដោះអាសន្ន ចាប់ពីម៉ោង៦ព្រឹក រហូតចប់កម្មវិធី ទើបឲ្យធ្វើចរាចរណ៍ធម្មតាវិញ។
សូមបញ្ជាក់ថា ពីធីបើកដំណើរការឡើងវិញស្ពានជ្រោយចង្វារទី១ នឹងប្រព្រឹត្តទៅ នារង្វង់មូលត្រើយខាងលិច នៅថ្ងៃទី ៣ មេសា។ ស្ពានមិត្តភាពកម្ពុជា-ជប៉ុន មានប្រវែង ៩៧១ម៉ែត្រ ទទឹង១៣ម៉ែត្រ ដែលត្រូវបានសាងសង់តាំងពីឆ្នាំង១៩៦៣ មកម្លេះ។ ស្ពាននេះត្រូវបានជួសជុលឡើងវិញក្រោមជំនួយថវិការដ្ឋាភិបាលជប៉ុនប្រមាណ ៣០លានដុល្លារ៕
Tag:
ស្ពានជ្រោយចង្វារ
ចរាចរណ៍
© រក្សាសិទ្ធិដោយ thmeythmey.com