សម្តេច ហ៊ុន សែន ចំណាយជាង៤០៩លានរៀល ដើម្បីលើកទឹកចិត្តមហាគ្រួសារកីឡា

កីឡាជាតិ

ជាតិ

សម្តេច ហ៊ុន សែន ចំណាយជាង៤០៩លានរៀល ដើម្បីលើកទឹកចិត្តមហាគ្រួសារកីឡា

05, Apr 2019 , 7:19 pm

រូបភាព

សម្តេច ហ៊ុន សែន ក្នុងឱកាសចូលរួមពិសារអាហារសាមគ្គីជាមួយមហាគ្រួសារកីឡានៅកោះពេជ្រ

ដោយ:

រាជរដ្ឋាភិបាលកម្ពុជា កាលពីថ្ងៃទី៤ ខែមេសា ឆ្នាំ២០១៩ បានរៀបចំពិធីជួបសំណេះសំណាល និងពិសារអាហារសាមគ្គីរវាងថ្នាក់ដឹកនាំប្រទេស និងមហាគ្រួសារកីឡាជាង៤ពាន់នាក់នៅមជ្ឈមណ្ឌលកោះពេជ្រ។ សម្តេចនាយករដ្ឋមន្ត្រី ហ៊ុន សែន បានផ្តល់ថវិកាជាង៤០៩លានរៀល ដើម្បីលើកទឹកចិត្តដល់មន្ត្រី គ្រូបង្វឹក និងអត្តពលិក។

ថវិកាចំនួនជាង៤០៩លានរៀល(ជាង១០ម៉ឺនដុល្លារ) ដើម្បីលើកទឹកចិត្តដល់ថ្នាក់ដឹកនាំ មន្ត្រី គ្រូបង្វឹក និងកីឡាករកីឡាការិនីចំនួន៤,០៩៦នាក់ដោយម្នាក់ៗទទួលបានថវិកាចំនួន១០ម៉ឺនរៀល។

នេះជាលើកទី៤ហើយ ដែលរាជរដ្ឋាភិបាលកម្ពុជារៀបចំឲ្យមានកម្មវិធីជួបជុំ និងពិសារអាហារសាមគ្គីរវាងថ្នាក់ដឹកនាំរដ្ឋាភិបាលកម្ពុជាជាមួយមហាគ្រួសារកីឡា។ ពិធីនេះ រៀបចំឡើងដើម្បីបង្កើនចំណងមិត្តភាពរវាងថ្នាក់ដឹកនាំ និងមន្ត្រីក្រោមឱវាទដែលធ្វើការក្នុងវិស័យកីឡាឲ្យកាន់តែមានភាពស្និទ្ធស្នាល។ ពិធីជួបជុំនេះ គឺដើម្បីអបអរខួបកំណើតគម្រប់៦៩ឆ្នាំរបស់សម្តេច ហ៊ុន សែន និងពិធីបុណ្យចូលឆ្នាំថ្មីប្រពៃណីខ្មែរ៕