ជាតិ
ក្រសួងកសិកម្ម៖ រថយន្តស្លាកលេខរដ្ឋដែលបើកបុកទ្រូងផ្លូវ ជារថយន្តឯកជនដែលក្លែងស្លាកលេខ
× ភ្នំពេញ៖ ក្រសួងកសិកម្ម រុក្ខាប្រមាញ់ និងនេសាទ បានបដិសេធថា រថយន្តស្លាកលេខរដ្ឋដែលបើកបុកទ្រូងផ្លូវនៅចំណុចមុខវត្តទួលទំពូង មិនមែនជារថយន្តកម្មសិទ្ធិរបស់ខ្លួនឡើយ។
តាមរយៈសេចក្ដីប្រកាសព័ត៌មានចេញផ្សាយនៅថ្ងៃទី៦ ខែមេសា ក្រសួងកសិកម្ម បញ្ជាក់ដូច្នេះ៖«រថយន្តនោះ ពុំមែនជារបស់ក្រសួងកសិកម្ម រុក្ខាប្រមាញ់ និងនេសាទនោះទេ គឺជារថយន្តឯកជនក្លែងបន្លំស្លាកលេខរដ្ឋ មកបំពាក់លើរថយន្តផ្ទាល់ខ្លួន»។
ការបដិសេធនេះ ធ្វើឡើងបន្ទាប់ពីមានរថយន្តដែលមានស្លាកលេខក្រោមកម្មសិទ្ធិរបស់ក្រសួងកសិកម្ម បានបើកបុករបាំងទ្រូងផ្លូវកាលពីម៉ោង១២រំលងអាធ្រាតថ្ងៃទី ៦ មេសា។ ក្រសួងកសិកម្ម អះអាងថា រថយន្តរបស់ក្រសួងកសិកម្មដែលមានស្លាកលេខដូចរថយន្តបង្កគ្រោះថ្នាក់នោះ គឺជារថយន្តម៉ាកផ្សេងគ្នា។ ទន្ទឹមនឹងការបដិសេធ ក្រសួងកសិកម្ម ក៏បានអំពាវនាវឲ្យស្ថាប័នពាក់ព័ន្ធ ចាត់វិធានការតាមច្បាប់ ចំពោះជនដែលក្លែងបន្លំស្លាកលេខរថយន្តនេះ៕
Tag:
គ្រោះថ្នាក់ចរាចរណ៍
ស្លាកលេខរដ្ឋ
ក្រសួងកសិកម្ម
© រក្សាសិទ្ធិដោយ thmeythmey.com