ជាតិ
ធនាគារវិនិយោគសហភាពអឺរ៉ុប គ្រោងអភិវឌ្ឍវិស័យកសិកម្មកម្ពុជាឲ្យស្របការប្រែប្រួលអាកាសធាតុ រូបភាពពីក្រសួងព័ត៌មាន
× ភ្នំពេញ៖ ធនាគារវិនិយោគសហភាពអឺរ៉ុបប្រចាំតំបន់អាស៊ី មានបំណងជួយ លើកកម្ពស់វិស័យកសិកម្ម ការអភិវឌ្ឍលើការដាំដុះដំណាំកសិកម្ម និងការកសាងហេដ្ឋារចនាសម្ព័ន្ធគាំទ្រនៅកម្ពុជា។ គម្រោងនេះត្រូវបានបញ្ជាក់ក្នុងជំនួបរវាង ទទួលបន្ទុកប្រចាំតំបន់អាស៊ីនៃធនាគារវិនិយោគសហភាពអឺរ៉ុប (European Investment Bank) ជាមួយលោក រដ្ឋមន្ត្រីក្រសួងកសិកម្ម រុក្ខាប្រមាណ និងនេសាទ កាលពីថ្ងៃទី៣ ខែមេសាកន្លងទៅ។
កញ្ញា Olga Pascenco រដ្ឋមន្រី្តទទួលបន្ទុកប្រចាំតំបន់អាស៊ី នៃធនាគារវិនិយោគសហភាពអឺរ៉ុប បញ្ជាក់នៅក្នុងជំនួបនោះ គោលបំណងសំខាន់នៃគម្រោងនេះ គឺលើកកម្ពស់ការយល់ដឹងពីការប្រែប្រួលអាកាសធាតុ ដែលបង្កឲ្យមានប៉ះពាល់ដល់វិស័យកសិកម្ម និងការកសាងគម្រោងហេដ្ឋារចនាសម្ព័ន្ធគាំទ្រនិងអភិវឌ្ឍលើការដាំដុះដំណាំកសិកម្ម។
រូបភាពពីក្រសួងព័ត៌មាន
លោករដ្ឋមន្រី្តក្រសួងកសិកម្មវេង សាខុន បានលើកឡើងថា ប្រទេសសមាជិកសហភាពអឺរ៉ុបដើរតួនាទីយ៉ាងសំខាន់ក្នុងការរួមចំណែកអភិវឌ្ឍវិស័យកសិកម្មកម្ពុជា ហើយការរួមចំណែកនៃការនាំចូលបច្ចេកទេស និងធនធានថវិកានេះ ជាការជំរុញកំណើនសេដ្ឋកិច្ចជាតិ និងផលិតកម្មកសិកម្មស្របតាមការប្រែប្រួលអាកាសធាតុនៅកម្ពុជាផងដែរ៕
Tag:
គម្រោងរបស់EIB
កសិកម្ម
© រក្សាសិទ្ធិដោយ thmeythmey.com