កីឡាអន្តរជាតិ
អន្តរជាតិ
Europa៖ ក្រុមពីអង់គ្លេសពីរ Arsenal និង Chelsea រកជ័យជម្នះនៅជើងទី១រៀងខ្លួន
× មួយគ្រាប់របស់ Aaron Ramsey និងគ្រាប់បាល់ចូលទីខ្លួនឯងរបស់ខ្សែការពារ Kalidou Koulibaly បានជួយ Arsenal ឈ្នះ Napoli ២-០ នាជំនួបជើងទី១ វគ្គ៨ក្រុមចុងក្រោយពាន UEFA Europa League នៅរាត្រីថ្ងៃទី១១ ខែមេសា។ Chelsea ក៏អាចរកជ័យជម្នះនៅក្រៅដីផងដែរក្រោយឈ្នះ Slavia Prague ១-០។
នៅត្រឹម១៥នាទីដំបូងនៅកីឡដ្ឋាន Emirates ខ្សែបម្រើ Aaron Ramsey បានសម្រេចគ្រាប់ទី១ឲ្យក្រុមកាំភ្លើងធំ មុន Kalidou Koulibaly ធ្វើឲ្យបាល់ចូលទីខ្លួន (Own Goal) នៅ១០នាទីបន្ទាប់។ លទ្ធផល ២-០ បានរក្សារហូតចប់ការប្រកួតតែម្តង។
ក្រុមលោក Unai Emery នឹងត្រូវត្រលប់ទៅទឹកដីអ៊ីតាលីនាកីឡដ្ឋាន Stadio San Paolo របស់ Napoli វិញសម្រាប់ជំនួបកាត់សេចក្តីជើងទី២ នៅថ្ងៃទី១៩ ខែឧសភា ឆ្នាំ២០១៩។
ដោយឡែកក្រុមពីអង់គ្លេសមួយទៀត Chelsea បានទទួលជ័យជម្នះនៅជើងទី១លើក្រុមមកពីសាធារណរដ្ឋឆែក Slavia Prague ដែលជាម្ចាស់ផ្ទហដោយលទ្ធផល ១-០។ គ្រាប់បាល់ជ័យជម្នះរបស់តោខៀវធ្វើបានដោយខ្សែការពារ Marcos Alonso នៅនាទី៨៦។
លទ្ធផលគូដទៃទៀតរួមមាន ម្ចាស់ផ្ទះ Benfica យកឈ្នះ Eintracht Frankfurt ៤-២ និង Valencia ដែលជាក្រុមភ្ញៀវទទួលជ័យជម្នះលើម្ចាស់ផ្ទះ Villarreal ៣-១៕
Tag:
បាល់ទាត់
UEFA Europa League
© រក្សាសិទ្ធិដោយ thmeythmey.com