មានសាលាតម្រង់ទិសនៅបន្ទាយមានជ័យ គ្រូបង្វឹកជឿថាវិស័យបាល់ទាត់នឹងកាន់តែរីកចម្រើន

កីឡាជាតិ

ជាតិ

បទសម្ភាសន៍

មានសាលាតម្រង់ទិសនៅបន្ទាយមានជ័យ គ្រូបង្វឹកជឿថាវិស័យបាល់ទាត់នឹងកាន់តែរីកចម្រើន

14, Apr 2019 , 11:59 am

រូបភាព

ដោយ: អុីសា រ៉ហានី (Isa Rohany)

បន្ទាយមានជ័យ៖ នៅចុងខែមីនា អ្នកខេត្តបន្ទាយមានជ័យទើបនឹងទទួលបានទីលានបាល់ទាត់ថ្មី និងសាលាតម្រង់ទិសបាល់ទាត់ ដែលស្ថិតនៅបរិវេណវិទ្យាល័យ ហ៊ុន សែន ខ្លាកូន។ សាលាតម្រង់ទិស នឹងប្រមូលផ្តុំដោយកីឡាករឆ្នើមៗជុំវិញខេត្ត ដើម្បីចូលហ្វឹកហាត់នៅសាលាបាល់ទាត់ថ្នាក់ជាតិបាទី ក៏ដូចជាត្រៀមខ្លួនដើម្បីក្លាយជាជម្រើសជាតិកម្ពុជានៅឆ្នាំ ២០២៣។ គ្រូបង្វឹកយុវជនអាយុ១៧ ឆ្នាំ លោក សុះ រ៉ូសាលី បានឱ្យដឹងថា គម្រោងរៀបចំតារាង និងសាលាតម្រង់ទិសបាល់ទាត់របស់សហព័ន្ធកីឡាបាល់ទាត់កម្ពុជាពិតជាមានសារសំខាន់ណាស់ ហើយលើជឿជាក់ថាតាមផែនការនេះ នឹងជួយឱ្យវិស័យកីឡាបាល់ទាត់កម្ពុជាបន្ដរីកចម្រើននាពេលខាងមុខ។