ភ្ញៀវទេសចរទៅដើរកម្សាន្តនៅខេត្តបាត់ដំបង មានជាង៨៧ម៉ឺននាក់ នាចូលឆ្នាំខ្មែរ

ជាតិ

សង្រ្កាន្តឆ្នាំថ្មី

សេដ្ឋកិច្ច

ភ្ញៀវទេសចរទៅដើរកម្សាន្តនៅខេត្តបាត់ដំបង មានជាង៨៧ម៉ឺននាក់ នាចូលឆ្នាំខ្មែរ

17, Apr 2019 , 11:39 am

រូបភាព

រូបពីរដ្ឋបាលខេត្តបាត់ដំបង៖ ពលរដ្ឋលេងកម្សាន្តនៅក្នុងសង្ក្រាន្តនៃពិធីបុណ្យចូលឆ្នាំខ្មែរ ២០១៩

ដោយ:

ភ្នំពេញ៖ ពិធីបុណ្យចូលឆ្នាំខ្មែររយៈពេល៣ថ្ងៃកន្លងទៅនេះ មានភ្ញៀវទេសចរជាតិ និងអន្តរជាតិ ប្រមាណជាង៨៧ម៉ឺននាក់ ទៅលេងកម្សាន្តខេត្តបាត់ដំបង។ នេះបើយោងតាមស្ថិតិភ្ញៀវទេសចរ របស់ក្រសួងទេសចរណ៍ ដែលបានចេញផ្សាយនៅថ្ងៃទី១៧ ខែមេសា។

នៅក្នុងស្ថិតិភ្ញៀវទេសចរ បានបង្ហាញថា ចំនួនភ្ញៀវទេសចរដែលមកកម្សាន្តខេត្តបាត់ដំបង នារដូវបូណ្យចូលឆ្នាំខ្មែររយៈពេល៣ថ្ងៃនេះ បានទាក់ទាញភ្ញៀវទេសចរជាង៨៧ម៉ឺននាក់ ដោយក្នុងនោះមានភ្ញៀវជាតិជាង៨៦ម៉ឺននាក់ និងភ្ញៀវអន្តរជាតិចំនួន៨៥២នាក់។

សូមបញ្ជាក់ថា ខេត្តបាត់ដំបង ឆ្នាំនេះបានរៀបចំព្រឹត្តិការណ៍ «សង្រា្កន្តបាត់ដំបង» រយៈពេល៥ថ្ងៃចាប់ពីថ្ងៃទី១២ -១៦ខែមេសា ដែលបង្ហាញពីម្នាស់យក្ស ក្រូចយក្ស និងមានកម្មវិធីកម្សាន្តនានា នៅបរិវេណវិទ្យាល័យនេតយ៉ង់ ក្បែររង្វង់មូលរូបសំណាកលោកតាដំបងក្រញូង ខេត្តបាត់ដំបង៕