ខេត្តកែប ទទួលបានភ្ញៀវទេសចរជាង១៤ម៉ឺននាក់ នៃចូលឆ្នាំខ្មែរ

ជាតិ

សង្រ្កាន្តឆ្នាំថ្មី

សេដ្ឋកិច្ច

ខេត្តកែប ទទួលបានភ្ញៀវទេសចរជាង១៤ម៉ឺននាក់ នៃចូលឆ្នាំខ្មែរ

17, Apr 2019 , 2:39 pm

រូបភាព

ដោយ:

ភ្នំពេញ៖ ចូលឆ្នាំខ្មែររយៈពេល៣ថ្ងៃនេះ ខេត្តកែបមានភ្ញៀវទេសចរជាតិ និងអន្តរជាតិទៅកម្សាន្តជាង១៤ម៉ឺននាក់។ តួលេខនេះបានបង្ហាញថា មានការកើនឡើងជាងឆ្នាំមុន ជាង៣ម៉ឺននាក់។ នេះបើយោងតាមរបាយការណ៍របស់មន្ទីរព័ត៌មានខេត្តកែប ដែលបានផ្ញើជូនដល់លោក ខៀវ កាញារិទ្ធ រដ្ឋមន្ត្រីក្រសួងព័ត៌មាន។

នៅក្នុងរបាយការណ៍របស់មន្ទីរព័ត៌មានខេត្តកែប បានបង្ហាញថា ចំនួនភ្ញៀវទេសចរដែលកម្សាន្តខេត្តកែប បានទាក់ទាញភ្ញៀវទេសចរជាង១៤ម៉ឺននាក់ ដោយក្នុងនោះមានភ្ញៀវជាតិមាន១៤៤,២៨៩នាក់ និងភ្ញៀវអន្តរជាតិចំនួន១,៥៩១នាក់។

របាយការណ៍ដដែល បានបញ្ជាក់ថា រដ្ឋបាលខេត្តកែបបានចាត់ចែងឲ្យក្រុមការងារចុះដឹកនាំ ឃុំ សង្កាត់ រៀបចំកម្មវិធីនៅគ្រប់ទីវត្តអារាមទូទាំងខេត្ត បំផុសឲ្យមានការលេងល្បែងប្រជាប្រិយខ្មែរឲ្យបានផុសផុលគ្រប់ទីកន្លែង។ ជាពិសេសរដ្ឋបាលខេត្តកែបក៏បានត្រៀមការពារសុខសុវត្ថិភាពសណ្តាប់ធ្នាប់ ការសម្រួលការធ្វើដំណើរ ការស្នាក់នៅ ការហូបចុក និងសម្រួលការប្រមូលទុកដាក់សំរាម កាកសំណល់រឹងរាវផ្សេងៗបានទៀងទាត់ និងទាន់ពេលវេលាផងដែរ៕