កីឡាជាតិ
ជាតិ
សៀង ចន្ធា នៅតែជាកម្លាំងសំខាន់ដែលព្យាយាមស្វែងរកជ័យជម្នះលើកដំបូងសម្រាប់យុវជនបាទី។ រូបថត CNCC
×![]()
ដោយ: រួបរួម
ជំនួបក្របខណ្ឌមិត្តហ្វូនខេមបូឌានលីគឈានដល់សប្តាហ៍ទី៤នៅថ្ងៃសៅរ៍ ទី២០ ខែមេសា នេះ ក្រោយពិធីបុណ្យចូលឆ្នាំថ្មី។ កីឡដ្ឋាន អេអ៊ីយូ ស្ពតផាករបស់ អាស៊ីអឺរ៉ុបយូណាយធីត ត្រូវស្វាគមន៍ភ្ញៀវគិរីវង់សុខសែនជ័យ នាវេលាម៉ោង៣ និង៣០នាទី ស្របពេលដែលអង្គរថាយហ្គឺរ ទៅលេងនៅទឹកដីរបស់យុវជនបាទី ក្នុងកីឡដ្ឋានសាលាបាល់ទាត់ជាតិបាទី ខេត្តតាកែវ។ នៅម៉ោង៦ល្ងាច វិសាខា បើកកីឡដ្ឋានរបស់ខ្លួន ទទួលអគ្គិសនីកម្ពុជា។
អាស៊ីអឺរ៉ុបយូណាយធីត vs គិរីវង់សុខសែនជ័យ ម៉ោង៣និង៣០នាទី
អាស៊ីអឺរ៉ុប រំពឹងការមានប្រៀបក្នុងដី ដើម្បីដណ្តើមយក៣ពិន្ទុបន្ថែមទៀតលើក្រុមភ្ញៀវគិរីវង់សុខសែនជ័យ។ ក្រោយចាញ់ជាប់ៗគ្នានៅពីរសប្តាហ៍ដំបូង អាស៊ីអឺរ៉ុប បានយកឈ្នះសូលទីឡូអង្គរ ២-១ កាលពីសប្តាហ៍ទី៣។
ចំណែកគិរីវង់សុខសែនជ័យ ពួកគេបានរងបរាជ័យពីលើកចុងក្រោយក្នុងជំនួបជាមួយវិសាខា និងព្រះខ័នរាជស្វាយរៀង បន្ទាប់ពីបើកឆាកជាមួយនឹងជ័យលើក្រុមយុវជនបាទី។ ខណៈដែលអាស៊ីអឺរ៉ុប មានខ្សែបម្រើជើងចាស់ ឈឹម សំបូរ ដែលជាកម្លាំងសំខាន់ គិរីវង់សុខសែនជ័យ មានជំនឿថា ខ្សែប្រយុទ្ធម៉ាលី Souleymane Coulibaly អាចមានលទ្ធភាពរកគ្រាប់បន្ថែមទៀត ក្រោយសម្រេចបាន Hat-trick មុនគេនៅសប្តាហ៍ទី១។
យុវជនបាទី vs អង្គរថាយហ្គឺរ ម៉ោង៣ និង៣០នាទី
ក្រុមយុវជនសាលាបាល់ទាត់ជាតិបាទី ដែលប្រមូលផ្តុំដោយយុវជនថ្នាលជម្រើសជាតិអាយុក្រោម១៨ឆ្នាំ មិនទាន់ឈ្នះមួយប្រកួតណាឡើយ ដោយបានចាញ់ គិរីវង់សុខសែនជ័យ ភ្នំពេញក្រោន និងអគ្គិសនីកម្ពុជា ជាបន្តបន្ទាប់។ សៀង ចន្ធា ជាកីឡាករតែម្នាក់គត់ដែលស៊ុតបាល់បញ្ចូលទី១គ្រាប់ក្នុងចំណោម៣ប្រកួត។
វានឹងក្លាយជាជំនួបដ៏តឹងតែងមួយបន្ថែមទៀតរបស់ក្រុមយុវជនដែលមានតែកីឡាករខ្មែរសុទ្ធសាធ ដោយក្រុមភ្ញៀវអង្គរថាយហ្គឺរ កំពុងក្លាយជាក្រុមដែលទទួលនូវចាប់អារម្មណ៍ខ្លាំង។ អង្គរថាយហ្គឺរ មិនទាន់ស្គាល់បរាជ័យឡើយ ដោយស្មើក្រុមខ្លាំងក្រសួងការពារជាតិ និងបឹងកេតក្នុងលទ្ធផល ១-១ ដូចគ្នា ហើយឈ្នះក្រុមចំណូលថ្មីខេត្តកំពង់ចាម ដល់ទៅ១១-០។ ក្រៅពីកីឡាករបរទេសនៅតំបន់ប្រយុទ្ធ ខ្សែបម្រើ ពៅ ភារិទ្ធ អាចមានឱកាសសម្រេចទីគ្រប់ពេល តាមរយៈការស៊ុតពីចម្ងាយ។
វិសាខា ជួប អគ្គិសនីកម្ពុជា នៅម៉ោង៦ល្ងាច
វិសាខា នឹងឡើងទៅឈរលើកំពូលតារាងជាបណ្តោះអាសន្ន ប្រសិនបើពួកគេដណ្តើមបាន៣ពិន្ទុពីក្រុមភ្ញៀវអគ្គិសនីកម្ពុជា ខណៈដែលព្រះខ័នរាជស្វាយរៀង និងក្រសួងការពារជាតិ មិនទាន់មានការប្រកួត។ វិសាខា ស្ថិតក្នុងចំណោម៤ក្រុមដែលមិនទាន់ស្គាល់ចាញ់។ ក្រោយស្មើសូលទីឡូអង្គរ ០-០ វិសាខាបានយកឈ្នះ គិរីវង់សុខសែនជ័យ ២-០ និងភ្នំពេញក្រោន ៣-១។ ខ្សែប្រយុទ្ធប្រេស៊ីល Eliel da Cruz Guardiano ជាចំណែកយ៉ាងសំខាន់ដែលរកបានជ័យជម្នះ២ប្រកួតចុងក្រោយ។
ចំណែកឯអគ្គិសនីកម្ពុជា ពួកគេបានលុបលាងការខកចិត្ត ក្រោយចាញ់ខេត្តកំពង់ចាម ១-០ នៅសប្តាហ៍ដំបូង ហើយបានយកឈ្នះ បឹងកេត ១-០ និងយុវជនបាទី ២-០ ។ ទោះមិនមានកីឡាករបរទេស ប៉ុន្តែ កែ វណ្ណៈ និងសៀន សុភក្ត្រា បង្ហាញឲ្យឃើញថា ខ្មែរអាចធ្វើបានក្នុងការដណ្តើមយកជ័យជម្នះ៕
អាស៊ីអឺរ៉ុបយូណាយធីត vs គិរីវង់សុខសែនជ័យ ម៉ោង៣និង៣០នាទី
អាស៊ីអឺរ៉ុប រំពឹងការមានប្រៀបក្នុងដី ដើម្បីដណ្តើមយក៣ពិន្ទុបន្ថែមទៀតលើក្រុមភ្ញៀវគិរីវង់សុខសែនជ័យ។ ក្រោយចាញ់ជាប់ៗគ្នានៅពីរសប្តាហ៍ដំបូង អាស៊ីអឺរ៉ុប បានយកឈ្នះសូលទីឡូអង្គរ ២-១ កាលពីសប្តាហ៍ទី៣។
ចំណែកគិរីវង់សុខសែនជ័យ ពួកគេបានរងបរាជ័យពីលើកចុងក្រោយក្នុងជំនួបជាមួយវិសាខា និងព្រះខ័នរាជស្វាយរៀង បន្ទាប់ពីបើកឆាកជាមួយនឹងជ័យលើក្រុមយុវជនបាទី។ ខណៈដែលអាស៊ីអឺរ៉ុប មានខ្សែបម្រើជើងចាស់ ឈឹម សំបូរ ដែលជាកម្លាំងសំខាន់ គិរីវង់សុខសែនជ័យ មានជំនឿថា ខ្សែប្រយុទ្ធម៉ាលី Souleymane Coulibaly អាចមានលទ្ធភាពរកគ្រាប់បន្ថែមទៀត ក្រោយសម្រេចបាន Hat-trick មុនគេនៅសប្តាហ៍ទី១។
យុវជនបាទី vs អង្គរថាយហ្គឺរ ម៉ោង៣ និង៣០នាទី
ក្រុមយុវជនសាលាបាល់ទាត់ជាតិបាទី ដែលប្រមូលផ្តុំដោយយុវជនថ្នាលជម្រើសជាតិអាយុក្រោម១៨ឆ្នាំ មិនទាន់ឈ្នះមួយប្រកួតណាឡើយ ដោយបានចាញ់ គិរីវង់សុខសែនជ័យ ភ្នំពេញក្រោន និងអគ្គិសនីកម្ពុជា ជាបន្តបន្ទាប់។ សៀង ចន្ធា ជាកីឡាករតែម្នាក់គត់ដែលស៊ុតបាល់បញ្ចូលទី១គ្រាប់ក្នុងចំណោម៣ប្រកួត។
វានឹងក្លាយជាជំនួបដ៏តឹងតែងមួយបន្ថែមទៀតរបស់ក្រុមយុវជនដែលមានតែកីឡាករខ្មែរសុទ្ធសាធ ដោយក្រុមភ្ញៀវអង្គរថាយហ្គឺរ កំពុងក្លាយជាក្រុមដែលទទួលនូវចាប់អារម្មណ៍ខ្លាំង។ អង្គរថាយហ្គឺរ មិនទាន់ស្គាល់បរាជ័យឡើយ ដោយស្មើក្រុមខ្លាំងក្រសួងការពារជាតិ និងបឹងកេតក្នុងលទ្ធផល ១-១ ដូចគ្នា ហើយឈ្នះក្រុមចំណូលថ្មីខេត្តកំពង់ចាម ដល់ទៅ១១-០។ ក្រៅពីកីឡាករបរទេសនៅតំបន់ប្រយុទ្ធ ខ្សែបម្រើ ពៅ ភារិទ្ធ អាចមានឱកាសសម្រេចទីគ្រប់ពេល តាមរយៈការស៊ុតពីចម្ងាយ។
វិសាខា ជួប អគ្គិសនីកម្ពុជា នៅម៉ោង៦ល្ងាច
វិសាខា នឹងឡើងទៅឈរលើកំពូលតារាងជាបណ្តោះអាសន្ន ប្រសិនបើពួកគេដណ្តើមបាន៣ពិន្ទុពីក្រុមភ្ញៀវអគ្គិសនីកម្ពុជា ខណៈដែលព្រះខ័នរាជស្វាយរៀង និងក្រសួងការពារជាតិ មិនទាន់មានការប្រកួត។ វិសាខា ស្ថិតក្នុងចំណោម៤ក្រុមដែលមិនទាន់ស្គាល់ចាញ់។ ក្រោយស្មើសូលទីឡូអង្គរ ០-០ វិសាខាបានយកឈ្នះ គិរីវង់សុខសែនជ័យ ២-០ និងភ្នំពេញក្រោន ៣-១។ ខ្សែប្រយុទ្ធប្រេស៊ីល Eliel da Cruz Guardiano ជាចំណែកយ៉ាងសំខាន់ដែលរកបានជ័យជម្នះ២ប្រកួតចុងក្រោយ។
ចំណែកឯអគ្គិសនីកម្ពុជា ពួកគេបានលុបលាងការខកចិត្ត ក្រោយចាញ់ខេត្តកំពង់ចាម ១-០ នៅសប្តាហ៍ដំបូង ហើយបានយកឈ្នះ បឹងកេត ១-០ និងយុវជនបាទី ២-០ ។ ទោះមិនមានកីឡាករបរទេស ប៉ុន្តែ កែ វណ្ណៈ និងសៀន សុភក្ត្រា បង្ហាញឲ្យឃើញថា ខ្មែរអាចធ្វើបានក្នុងការដណ្តើមយកជ័យជម្នះ៕
Tag:
Cambodian League
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
