ជាតិ
សង្គមជាតិ
បិទច្រកទ្វារប៉ោយប៉ែតបណ្តោះអាសន្ន ចាប់ពីម៉ោង១០យប់នេះ មុនថ្ងៃសម្ពោធស្ពាន និងស្ថានីយរថភ្លើងកម្ពុជា-ថៃ រូបបានពីទំព័រប៉ុស្តិ៍នគរបាលច្រកទ្វារព្រំដែនអន្តរជាតិប៉ោយប៉ែត
× ភ្នំពេញ៖ ចាប់ពីវេលាម៉ោង ១០យប់ថ្ងៃទី២១មេសានេះ ច្រកទ្វារព្រំដែនអន្តរជាតិប៉ោយប៉ែត នឹងបិទបណ្តោះអាសន្ន ដើម្បីរៀបចំកម្មវិធីសម្ពោធបើកដំណើរការ ស្ពានមិត្តភាពកម្ពុជា-ថៃ ស្ទឹងបត់-បានណងអៀង និងស្ថានីយរថភ្លើងប៉ោយប៉ែត-ខ្លងលឹក នៅថ្ងៃទី២២ មេសា។ ការបិទច្រកទ្វារនេះធ្វើឡើងដើម្បីសុវត្ថិភាព ក្នុងជំនួបរដ្ឋមន្ត្រីថៃ ប្រាយុទ្ធ ចាន់អូចា និង រដ្ឋមន្ត្រីកម្ពុជា សម្តេច ហ៊ុន សែន។
យោងតាមេសចក្តីជូនដំណឹងរបស់ប៉ុស្តិ៍នគរបាលច្រកទ្វារព្រំដែនអន្តរជាតិប៉ោយប៉ែត បានសរសេរលើទំព័រហ្វេសប៊ុករបស់ខ្លួនដូច្នេះ ចាប់ពីម៉ោង២២:០០នាទី ថ្ងៃទី២១មេសា នេះតទៅ ច្រកទ្វារព្រំដែនអន្តរជាតិប៉ោយប៉ែត ត្រូវបានបិទជាបណ្ដោះអាសន្ន។ រហូតដល់ចប់កម្មវិធីថ្ងៃ២២ ខែមេសា ឆ្នាំ២០១៩ ទើបបើកដំណើរការជាធម្មតាវិញ។ ដូចនេះសូមអស់លោកជ្រាប និងអនុវត្តតាមខ្លឹមសារខាងលើ ប្រកបដោយប្រសិទ្ធភាពខ្ពស់ ព្រមទាំងជួយផ្សព្វផ្សាយបន្តផង»។
គ្រប់មធ្យោបាយធ្វើដំណើរមិនអនុញ្ញាតឲ្យឆ្លងកាត់ច្រកព្រំដែនអន្តរជាតិប៉ោយប៉ែត ចាប់តាំងពីម៉ោង១២ថ្ថៃ្ងត្រង់នេះ ដោយអនុញ្ញាតឲ្យតែអ្នកថ្មើរជើងឆ្លងកាត់ប៉ុណ្ណោះ។ នេះបើតាមមន្ត្រីនគរបាលប៉ុស្តិ៍នគរបាលច្រកទ្វារព្រំដែនអន្តរជាតិប៉ោយប៉ែត៕
Tag:
ច្រកទ្វារព្រំដែនអន្តរជាតិប៉ោយប៉ែត
© រក្សាសិទ្ធិដោយ thmeythmey.com