CDC អនុញ្ញាតឱ្យក្រុមហ៊ុនថ្មី២បង្កើតរោងចក្រផលិតស្បែកជើង-សម្លៀកបំពាក់ នៅខេត្តកណ្តាល-កំពង់ស្ពឺ

ជាតិ

សេដ្ឋកិច្ច

CDC អនុញ្ញាតឱ្យក្រុមហ៊ុនថ្មី២បង្កើតរោងចក្រផលិតស្បែកជើង-សម្លៀកបំពាក់ នៅខេត្តកណ្តាល-កំពង់ស្ពឺ

25, Apr 2019 , 7:59 am

រូបភាព

ប្រភពរូបភាព៖ ហ្វេសប៊ុក

ដោយ: ថ្មីៗ

ភ្នំពេញ៖ ក្រុមហ៊ុន HENG SIM FOOTWEAR និងក្រុមហ៊ុន XINRUI (CAMBODIA) GARMENT ត្រូវបានក្រុមប្រឹក្សាអភិវឌ្ឍន៍កម្ពុជា(CDC) អនុញ្ញាតឲ្យបង្កើតរោងចក្រផលិតស្បែកជើង និងរោងចក្រកាត់ដេរសម្លៀកបំពាក់នៅខេត្តកណ្តាល-កំពង់ស្ពឺជាស្ថាពរ។ ក្រុមហ៊ុនទាំងពីរនេះ មានទុនវិនិយោគជាង៨លានដុល្លារ ដែលអាចផ្តល់ឱកាសការងារដល់ប្រជាពលរដ្ឋបានជាង៤ពាន់កន្លែង។

បើតាមទំព័រហ្វេសប៊ុកCDC កាលពីថ្ងៃទី២៣មេសា ឆ្នាំ២០១៩ ក្រុមហ៊ុន HENG SIM FOOTWEAR CO., LTD. មានទុនវិនិយោគ៥,៤លានដុល្លារ។ ក្រុមហ៊ុននេះ នឹងបង្កើតរោងចក្រផលិតស្បែកជើង នៅភូមិរំលេច ឃុំរលាំងគ្រើល ស្រុកសំរោងទង ខេត្តកំពង់ស្ពឺ។

រីឯ ក្រុមហ៊ុនXINRUI (CAMBODIA) GARMENT CO., LTD នឹងបង្កើតរោងចក្រកាត់ដេរសម្លៀកបំពាក់ ភូមិទន្លាប់ខ្ពស់ត្បូង ឃុំដំណាក់អំពិល ស្រុកអង្គស្នួល ខេត្តកណ្តាល ជាមួយនឹងទុនវិនិយោគ៣លានដុល្លារ៕