អត្ថបទពាណិជ្ជកម្ម
មានសំណាងមែន! ទិញភេសជ្ជៈវើក ១កេសជូនម្តាយ ក៏បានត្រូវរង្វាន់៤០លានរៀល ពីក្រវិលកំប៉ុងវើក
× ភ្នំពេញ៖ ធ្វើអំពើល្អ នោះអ្នកនឹងទទួលបានមកវិញនូវផលល្អដូចគ្នា ដែលដំបូន្មាននេះ តែងត្រូវបានប្រតិបត្តិដោយប្រជាជនខ្មែរ នៅក្នុងការរស់នៅប្រចាំថ្ងៃផងដែរ។ តួយ៉ាងយុវជន ជាវ ប៊ុនធឿន វ័យ២០ប្លាយ ដែលឈ្នះរង្វាន់ ៤០លានរៀល ពីភេសជ្ជៈ ប៉ូវកម្លាំងវើក នាពេលថ្មីៗកាលពីមុនចូលឆ្នាំខ្មែរ តើគាត់បានធ្វើនូវអំពើល្អចំពោះអ្នកមានគុណរបស់ខ្លួនដែរ។ សូមអានបន្តិច មើលថាសាច់រឿងរបស់គាត់យ៉ាងម៉េចដែរ?
យុវជន ជាវ ប៊ុនធឿន មានស្រុកកំណើតនៅខេត្តតាកែវ ដែលមានទឹកមុខញញឹមជាប់ និងហាក់អៀនផង បានរៀបរាប់ឲ្យដឹងថា កាលពីមុនចូលឆ្នាំខ្មែរ រូបគេបានទៅទិញទិញភេសជ្ជៈមួយចំនួន ទុកជូនម្តាយដែលរស់នៅខេត្តតាកែវ ពិសា និងដាក់សែនទេវតាឆ្នាំថ្មី ពីម្តុំផ្លូវវេងស្រេង។ «ពេលខ្ញុំឃើញម្តាយខ្ញុំមកពីដឹកគោវិញ គាត់ហាក់ដូចជាអស់កម្លាំង ខ្ញុំក៏យក ភេសជ្ជៈប៉ូវកម្លាំង វើក មួយកំប៉ុង ទៅឲ្យគាត់។ គាត់ក៏មិនដឹងដែរថាមានរង្វាន់ ៤០លានរៀលនៅក្រវិលកំប៉ុងដែរ ព្រោះគាត់អត់ចេះអានទេ។ គាត់យកមកអោយខ្ញុំមើល ខ្ញុំគ្រាន់តែឃើញរង្វាន់ ៤០លានរៀលនេះ ខ្ញុំភ័យអរៗ សប្បាយចិត្តខ្លាំង លោតជើងពីរ ជើងបី ហើយប្រាប់គាត់ ក៏គាត់ស្ទើរតែមិនជឿដែរ»។ នេះជាការរៀបរាប់របស់ ប៊ុនធឿន។
យុវជនរូបនេះ ឲ្យដឹងថាប្រាក់រង្វាន់ ៤០លានរៀលនេះ នឹងជួយជីវភាពខ្លួនបានច្រើន ព្រោះអាចចាប់ផ្តើមនូវរបរដែលខ្លួនចង់ធ្វើកន្លងមក។
នៅក្នុងឱកាសប្រគល់រង្វាន់ជូនដល់យុវជន ប៊ុនធឿន លោកស្រី គង់ កុសល នាយកផ្នែកទីផ្សារក្រុមហ៊ុន ខ្មែប៊ែវើរីជីស បានថ្លែងអំណរគុណដល់រូបគេ ដែលតែងតែគាំទ្រភេសជ្ជៈប៉ូវកម្លាំង វើក ដែលមានមុខងារជំនួយការចងចាំ បង្កើនថាមពល និងបន្សាបជាតិស្រវឹង។ បើតាមលោកស្រី កុសល ភេសជ្ជៈ ត្រូវបានផលិតឡើយដោយវិស្វករជំនាញ បណ្តុះបណ្តាលពីប្រទេសអាល្លឺម៉ង់ មានរោងចក្រធំទូលាយ បរិស្ថានស្អាត អនុលោមតាមបរិស្ថានស្តង់អន្តរជាតិ ISO 14001 និងបំពាក់ដោយម៉ាស៊ិនបរិក្ខារទំនើបស្វ័យប្រវត្តិ ដើម្បីធានាបាននូវគុណភាព សុវត្តិភាព និង រសជាតិឆ្ងាញ់បំផុត ដែលផ្សំឡើងដោយគ្រឿងផ្សំ នាំចូលពីសហរដ្ឋអាមេរិកក្រុមហ៊ុន អេ ឌី អឹម៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com