កូនប្រុសប្រធានក្លិបបឹងកេត Dome ជាប់ក្នុងការធ្វើតេស្តវគ្គទី១នៅ Barcelona

កីឡាជាតិ

ជាតិ

កូនប្រុសប្រធានក្លិបបឹងកេត Dome ជាប់ក្នុងការធ្វើតេស្តវគ្គទី១នៅ Barcelona

26, Apr 2019 , 8:59 pm

រូបភាព

Dome ពេលធ្វើតេស្តជាមួយសាលាបាល់ទាត់ Barcelona, រូបភាពពីហ្វេសប៊ុក Boeungket Academy

ដោយ:

កុមារា Dome Kasidej កូនប្រុសបង្កើតរបស់អ្នកស្រី ពុធ ធីតា ប្រធានក្លិបបឹងកេតបានជាប់ក្នុងការតេស្តដំណាក់កាលទី១នៅសាលាបាល់ទាត់យុវជនក្លិប Barcelona។ Dome នឹងចូលរួមធ្វើតេស្តដំណាក់កាលទី២នៅថ្ងៃទី៥ ខែឧសភា ឆ្នាំ២០១៩។

ទំព័រហ្វេសប៊ុក Boeungket Academy នៅថ្ងៃទី២៦ ខែមេសា ឆ្នាំ២០១៩នេះ បានបញ្ជាក់ថា កូនប្រុសអ្នកស្រី ពុធ ធីតា ប្រធានក្លិបបឹងកេត គឺកុមារា Dome Kasidej ដែលជាយុវជនថ្នាលរបស់ក្លិបបឹងកេត បានជាប់ក្នុងការធ្វើតេស្តដំណាក់កាលទី១នៅសាលាបាល់ទាត់យុវជនថ្នាល Barcelona របស់អេស្ប៉ាញ។

Dome បានចាកចេញពីកម្ពុជាទៅកាន់ប្រទេសអេស្ប៉ាញតាមការកោះហៅរបស់សាលាបាល់ទាត់ Barcelona កាលពីថ្ងៃទី៥ ខែមេសា ឆ្នាំ២០១៩ ដើម្បីចូលរួមធ្វើតេស្តសមត្ថភាពជាមួយកុមារដទៃនៅថ្ងៃទី៧ ខែមេសា ឆ្នាំ២០១៩។ Dome ជាកុមារកម្ពុជាទី១ ដែលទទួលបានការចាប់អារម្មណ៍ពីសាលាបាល់ទាត់លំដាប់ពិភពលោកមួយនេះ បន្ទាប់ពីរូបគេធ្លាប់ទៅហ្វឹកហាត់នៅទីនោះពីរលើកកន្លងមក។

កូនប្រុសរបស់អ្នកស្រី ពុធ ធីតា រូបនេះអាចនឹងក្លាយជាយុវជនថ្នាលរបស់សាលាបាល់ទាត់អេស្ប៉ាញមួយនេះ បើសិនរូបគេអាចឆ្លងផុតការធ្វើតេស្តដំណាក់កាលទី២នៅថ្ងៃទី៥ ខែឧសភា ឆ្នាំ២០១៩ ខាងមុខ៕