កីឡាអន្តរជាតិ
អន្តរជាតិ
ឪពុក Sala ទទួលមរណភាព ក្រោយការស្លាប់របស់កូនដោយសារធ្លាក់យន្តហោះ ៣ខែ
× លោក Horacio Sala ឪពុករបស់កីឡាករបាល់ទាត់ Emiliano Sala បានទទួលមរណភាព នៅ៣ខែក្រោយបន្ទាប់ពីកូនប្រុសលោកបានស្លាប់ក្នុងហេតុការណ៍ធ្លាក់យន្តហោះកាលពីខែមករាកន្លងទៅ។
បើតាមការបញ្ជាក់របស់លោក Daniel Ribero ដែលជាប្រធានក្លិបកីឡាបាល់ទាត់ San Martin de Progreso និងជាមិត្តរបស់ឪពុកកីឡាករ Sala ថាលោក Horacio Sala អាយុ ៥៨ ឆ្នាំបានទទួលរងការគាំងបេះដូងនៅថ្ងៃសុក្រទី២៦ ខែមេសា។
លោក Daniel Ribero បានប្រាប់ទូរទស្សន៍ C5N ថាលោក Sala បានទទួលមរណភាពមុនពេលគ្រូពេទ្យទៅដល់ផ្ទះជនរងគ្រោះនៅឯទីក្រុង Progreso ប្រទេសអាហ្សង់ទីន។
កីឡាករ Emiliano Sala ដែលជាកូនរបស់លោក Horacio Sala បានបាត់បង់ជីវិត អំឡុងពេលយន្តហោះដែលដឹក Sala ក្នុងដំណើរពីក្រុង Nantes ទៅ Cardiff កាលពីថ្ងៃទី២១ ខែមករា។ Sala អាយុ២៨ឆ្នាំ បានបញ្ចប់ការផ្ទេរពី Nantes នៃក្របខណ្ឌ Ligue 1 ដោយក្លាយជាកីឡាករតម្លៃខ្លួនខ្ពស់ជាងគេនៅ Cardiff នៅក្របខណ្ឌ Premier League ក្នុងតម្លៃប្រមាណ១៩លានដុល្លារអាមេរិក៕
Tag:
បាល់ទាត់
Emiliano Sala
Horacio Sala
© រក្សាសិទ្ធិដោយ thmeythmey.com