កីឡាអន្តរជាតិ
អន្តរជាតិ
Van Dijk និង Sterling ឈ្នះពានកីឡាករឆ្នើមបំផុត PFA ប្រចាំឆ្នាំ ២០១៩
× ខ្សែការពារ Virgil van Dijk របស់ Liverpool និងខ្សែប្រយុទ្ធ Raheem Sterling របស់ Mancheser City បានក្លាយជាម្ចាស់ពានរង្វាន់កីឡាករឆ្នើម និងកីឡាករយុវជនឆ្នើមប្រចាំឆ្នាំ២០១៩ របស់សមាគម Professional Footballers’ Association (PFA) ក្នុងពិធីចែករង្វាន់នៅសណ្ឋាគារ Grosvenor ក្រុងឡុងដ៍ នៅថ្ងៃទី២៨ ខែមេសា ឆ្នាំ២០១៩។
ក្នុងចំណោមបេក្ខភាពទាំង៦រូប Van Dijk ទទួលបានសំឡេងឆ្នោតគាំទ្រលើសគូប្រជែង Raheem Sterling, Bernardo Silva និង Sergio Aguero របស់ Manchester City ខ្សែបម្រើ Eden Hazard របស់ Chelsea រួមទាំងមិត្តរួមក្រុម Sadio Mane ដើម្បីក្លាយជាម្ចាស់ពាន PFA Player of the Year ឆ្នាំ២០១៩ នេះ។
ខ្សែការពារសញ្ជាតិហូឡង់ វ័យ២៧ឆ្នាំរូបនេះ បានចាប់ផ្តើមរដូវកាលទី២របស់ខ្លួនជាមួយ Liverpool ដ៏អស្ចារ្យដោយជួយក្រុមប្រជែងពាន Premier League និង Champions League សម្រាប់រដូវកាល២០១៨-១៩នេះ។
Van Dijk ដែលអតីតសមាជិក Southampton បានបង្ហាញទម្រង់ការពារឲ្យក្រុមលោក Jurgen Klopp ដោយរារាំងការស៊ុតបញ្ចូលទី១៩លើក (clean sheets) និងឈ្នះ២៨លើក ក្នុង៣៦ប្រកួតនៃក្របខណ្ឌលីគកំពូលទៀតផង។ Van Dijk គ្រងពាននេះជំនួសមិត្តរួមក្រុម Mohamed Salah ដែលឈ្នះនៅរដូវកាលមុន។
នាង Georgia Stanway នៃក្លិប Man City ឈ្នះពាន Women’s Young Player of the Year
ជាមួយគ្នានេះ ខ្សែប្រយុទ្ធអន្តរជាតិអង់គ្លេស Raheem Sterling បើទោះចាញ់ Van Dijk ក្តី ប៉ុន្តែសមាជិកក្រុម Man City នេះ បានឈ្នះពានកីឡាករយុវជនឆ្នើម PFA Young Player រដូវកាល២០១៨-២០១៩ផងដែរ។ អតីតសមាជិក្រុម Liverpool វ័យ២៤ឆ្នាំរូបនេះ យកឈ្នះពិន្ទុកីឡាករវ័យក្មេងដ៏ទៃទៀតដូចជាមិត្តរួមក្រុម Bernardo Silva, Marcus Rashford (Man Utd) ខ្សែការពារ Trent Alexander-Arnold (Liverpool) ខ្សែបម្រើ David Brooks (Bournemouth) និងខ្សែបម្រើ Declan Rice (West Ham)។
ម្ចាស់ពាន Team of the Year
ដោយឡែកផ្នែកកីឡាការិនីវិញ ខ្សែប្រយុទ្ធ Vivianne Miedema ដែលលេងឲ្យក្លិប Arsenal បានឈ្នះពាន Women’s Player of the Year ខណៈកីឡាការិនី Georgia Stanway នៃក្លិប Man City ឈ្នះពាន Women’s Young Player of the Year។
នាង Vivianne Miedema និង Van Dijk ដែលជាម្ចាស់ពានកីឡាករកីឡាការិនីឆ្នើម
ខ្សែការពារ Steph Houghton ប្រធានក្រុម Man City និងជម្រើសជាតិអង់គ្លេសទទួលបានពាន PFA Special Achievement Award។ អតីតសមាជិកក្រុម Arsenal វ័យ៣១ឆ្នាំរូបនេះក៏ឈ្នះពាន PFA's Women's Super League Team of the Year ជាមួយមិត្តរួមក្រុម Parris និង Demi Stokes ផងដែរ៕
Tag:
បាល់ទាត់
PFA Player of the Year
Virgil van Dijk
Raheem Sterling
© រក្សាសិទ្ធិដោយ thmeythmey.com