កីឡាអន្តរជាតិ
អន្តរជាតិ
×![]()
ដោយ: ទេព ពិទូរ្យ
Iker Casillas អ្នកចាំទីក្រុម FC Porto មានអាការធូរស្បើយបន្តិចហើយ និងកំពុងទទួលការព្យាបាលពីក្រុមគ្រូពេទ្យជំនាញនៅឯមន្ទីរពេទ្យនៅអេស្ប៉ាញ បន្ទាប់ពីគាំងបេះដូងអំឡុងពេលហ្វឹកហាត។ 
អតីតអ្នកចាំទីដៃស្អិតរបស់ក្រុមជម្រើសជាតិអេស្ប៉ាញ និង Real Madrid រូបនេះ មានបញ្ហាសាច់ដុំបេះដូងធ្ងន់ធ្ងរនៅព្រឹកថ្ងៃទី២ ខែឧសភា (ម៉ោងនៅកម្ពុជា)។ Casillas នឹងត្រូវទទួលការវះកាត់ដើម្បីព្យាបាល់ជំងឺនេះផងដែរ។
ក្រោយធូរស្បើយ Casillas វ័យ៣៧ឆ្នាំសារភាពថាខ្លួនពិតជាមានការភិតភ័យយ៉ាងខ្លាំងមុនបញ្ជូនដល់មន្ទីរពេទ្យ។ លោកក៏បានអរគុណដល់អ្នកទាំងអស់គ្នាដែលព្រួយបារម្ភដោយបង្ហោះរូបកំពុងសម្រាកលើគ្រែជាមួយស្មាមញញឹមតាមរយៈ Twitter ផ្ទាល់របស់ខ្លួន។
Todo controlado por aquí, un susto grande pero con las fuerzas intactas. Muchísimas gracias a todos por los mensajes y el cariño pic.twitter.com/i3TXsELUGD
— Iker Casillas (@IkerCasillas) May 1, 2019
«គ្រប់គ្នាកំពុងស្ថិតក្រោមការតាមដាននៅទីនេះ។ នេះជារឿងដ៏គួរឲ្យភ័យខ្លាចសម្រាប់ខ្ញុំ ប៉ុន្តែខ្ញុំនៅតែអាចជម្នះវាបាន។ សូមអរគុណច្រើនចំពោះសារ និងសេចក្តីស្រឡាញ់»។ អតីតប្រធានក្រុម Real Madrid រូបនេះនិយាយដូច្នេះ។
បើតាមសេចក្តីប្រកាសរបស់ក្លិប Porto នៃលីគបាល់ទាត់កំពូលព័រទុយហ្គាល់ Casillas ប្រហែលជាត្រូវសម្រាករហូតបញ្ចប់រដូវកាលនេះតែម្តង។ Porto ស្ថិតនៅចំណាត់ថ្នាក់ទី២ បណ្តោះអាសន្ន មាន៧៨ពិន្ទុ មានភារកិច្ចសំខាន់ក្នុងការប្រជែងពាន Primeira Liga ជាមួយ Befica ដែលលើសខ្លួន២ពិន្ទុ ខណៈការប្រកួតសល់៣លើកទៀតដើម្បីបញ្ចប់រដូវកាលនេះ៕
Tag:
បាល់ទាត់
Iker Casillas
FC Porto
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
