ត្បូងឃ្មុំ កោះកុង ឈ្នះកៅអីឡើងទៅវគ្គពាក់កណ្តាលផ្តាច់ព្រ័ត្រពានសម្តេច ហ៊ុន សែន

កីឡាជាតិ

ជាតិ

ត្បូងឃ្មុំ កោះកុង ឈ្នះកៅអីឡើងទៅវគ្គពាក់កណ្តាលផ្តាច់ព្រ័ត្រពានសម្តេច ហ៊ុន សែន

07, May 2019 , 5:32 pm

រូបភាព

សកម្មភាពប្រកួតរវាងក្រុមកោះកុង(អាវខៀវ)ជាមួយកំពត

ដោយ:

ក្រុមម្ចាស់ផ្ទះត្បូងឃ្មុំ និងកោះកុងបានឈ្នះកៅអីឡើងទៅប្រកួតនៅវគ្គពាក់កណ្តាលផ្តាច់ព្រ័ត្រពានរង្វាន់សម្តេច ហ៊ុន សែន ថ្នាក់ខេត្តក្រោយពួកគេយកឈ្នះគូប្រកួតរៀងៗខ្លួននៅថ្ងៃទី៧ ខែឧសភា ឆ្នាំ២០១៩នេះ។

ជ័យជម្នះ ២-០ នៅលើទឹកដីខ្លួនឯងលើក្រុមព្រៃវែងនៅថ្ងៃនេះ គឺគ្រប់គ្រាន់ក្នុងការជួយឲ្យក្រុមម្ចាស់ផ្ទះត្បូងឃ្មុំ ឈានទៅវគ្គពាក់កណ្តាលផ្តាច់ព្រ័ត្រពានរង្វាន់សម្តេច ហ៊ុន សែន ថ្នាក់ខេត្ត។ ជាមួយគ្នានេះ ក្រុមម្ចាស់ផ្ទះកោះកុង ក៏បានអមដំណើរជាមួយក្រុមត្បូងឃ្មុំផងដែរ បន្ទាប់ពីពួកគេយកឈ្នះភ្ញៀវកំពតក្នុងលទ្ធផល ១-០ នាការប្រកួតនៅកីឡដ្ឋានខេត្តកោះកុង។

ក្រុមទាំងពីរត្រូវរង់ចាំក្រុមពីរផ្សេងទៀតក្នុងចំណោមក្រុមសៀមរាប កែប កំពង់ធំ និងរតនគិរី ដែលត្រូវប្រជែងគ្នាដណ្តើមកៅអីវគ្គ១/២ នៅរសៀលថ្ងៃទី៨ ខែឧសភា ឆ្នាំ២០១៩៕