កីឡាអន្តរជាតិ
អន្តរជាតិ
FA Cup៖ Man City ចង់លើកពាន៣ក្នុង១រដូវកាល រីឯ Watford ប្រឹងយកកៅអីអឺរ៉ុប
×![]()
ដោយ: ទេព ពិទូរ្យ
Manchester City ម្ចាស់ជើងឯក Premier League នឹងត្រូវតតាំងជាមួយ Watford ក្នុងការប្រកួតវគ្គផ្តាច់ព្រ័ត្រ FA Cup ឆ្នាំ២០១៩ នៅយប់ថ្ងៃទី១៨ ខែឧសភា នាកីឡដ្ឋាន Wembley វេលាម៉ោង ១១:០០នាទី [ម៉ោងនៅកម្ពុជា]។
ក្រុមដែលដឹកនាំដោយអ្នកចាត់ការ Pep Guardiola មានបំណងគ្រប់គ្រងពាននេះជាលើកទី៦ បន្ទាប់ពីឈ្នះ៥លើករួចហើយក្នុងឆ្នាំ ១៩០៤, ១៩៣៤, ១៩៥៦, ១៩៦៩ និង ២០១១។ ប្រសិនបើពួកពិតជាលើកពាន FA Cup នេះមែន Man City នឹងក្លាយជាក្លិបទី១នៅអង់គ្លេស ដែលអាចឈ្នះពាន៣ក្នុងស្រុកនៅរដូវកាលតែមួយផងដែរ។
រដូវកាល ២០១៨-១៩នេះ ក្រុមមេឃខៀវឈ្នះពានពីររួចហើយ ពោលគឺ EFL Cup និង Premier League។ សម្រាប់ Man City នេះការបង្ហាញខ្លួនលើកទី១១ហើយក្នុងវគ្គផ្តាច់ព្រ័ត្រ FA Cup បន្ទាប់ពីចាញ់ Wigan ១-០ នាជំនួបចុងក្រោយក្នុងឆ្នាំ២០១៣។
ដោយឡែក Watford នេះជាការឈានដល់វគ្គព្រ័ត្រលើកទី២ បន្ទាប់ពីបង្ហាញខ្លួនចុងកក្រោយក្នុងឆ្នាំ ១៩៨៤ ដោយចាញ់ Everton ២-០ នៅ Wembley ក្រោមការដឹកនាំរបស់អ្នកចាត់ការលោក Graham Taylor។
៣៥ឆ្នាំក្រោយលោក Javi Gracia បាននាំ Watford ឡើងដល់វគ្គផ្តាច់ FA Cup ជាថ្មីម្តងទៀតដោយរំពឹងថាអាចគ្រងពាននេះជាលើកដំបូងក្នុងប្រវត្តិសាស្ត្រក្លិប។ ប្រសិនបើក្រុមដែលមានមូលដ្ឋានក្នុងក្រុង Watford អាចលើកពាននេះមែននោះ ពួកគេនឹងទទួលបានកៅអីទៅកាន់លេង Europa League ជាលើកទី២ ចាប់តាំងពីរបង្ហាញខ្លួនដំបូងក្នុងក្របខណ្ឌទី២អឺរ៉ុបនេះ (កាលនៅមានឈ្មោះ UEFA Cup) ក្នុងរដូវកាល ១៩៨៣-៨៤។
សម្រាប់ការប្រកួតនេះ អ្នកគាំទ្រ Wolverhampton និង Manchester United នឹងឈរទៅខាង Manchester City។ ប្រសិនបើក្រុមមេឃខៀវឈ្នះពាន ក្រុមចចក Wolves ក្នុងនាមជាក្រុមលេខ៧ Premier League នឹងទទួលបានកៅអីអឺរ៉ុប (Europa League) ជាលើកដំបូង បើគិតចាប់តាំងពីឆ្នាំ១៩៨០មក។
ក្នុងករណី Watford ឈ្នះពានដោយខ្លួនឯង ពួកគេត្រូវលេខនៅវគ្គជម្រុះ Europa League ដែលរុញច្រាន Manchester United ដែលជាក្រុមលេខ៦ Premier League ទៅលេងនៅវគ្គជម្រុះជុំទីពីរវិញ។ ករណីនេះ នឹងផ្តល់ផលវិបាកសម្រាប់បិសាចក្រហម ដោយសារការប្រកួតស្ថិតនៅកៀកកាលវិភាគនៃការចាប់ផ្តើម Premier League នារដូវកាលថ្មី។ ជាទូទៅ Man Utd និងក្រុមធំៗនៅអឺរ៉ុប តែងតែមានកម្មវិធីប្រកួតមិត្តភាពដ៏មមាញឹកនៅក្រៅប្រទេស មុនរដូវកាលថ្មីចាប់ផ្តើម។
Liverpool ក៏ចង់ឲ្យ Man City លើកពានផងដែរ ពីព្រោះពួកគេនឹងមានឱកាសប្រជែងពាន Community Shield មុនពេលបើករដូវកាលក្រោយ។ ជាធម្មតា ក្រុមលេខ១ Premier League និងម្ចាស់ពាន FA Cup ត្រូវប្រជែងគ្នា តែក្នុងករណី Man City ឈ្នះពានទាំងពីរ មានន័យថា ហង្សក្រហម ដែលបានលេខ២ Premier League ត្រូវប្រជែងជាមួយ Man City វិញ។
Man City មានកៅអីរួចទៅហើយក្នុង Champions League ប៉ុន្តែក្រុមជើងឯក Premier League នេះ កំពុងប្រឈមបញ្ហា ដោយគណៈកម្មការគ្រប់គ្រងហិរញ្ញវត្ថុឯករាជ្យរបស់សហព័ន្ធកីឡាបាល់ទាត់ទ្វីបអឺរ៉ុប (UEFA) កំពុងស៊ើបអង្កេតលើករណីបំពានច្បាប់កំណត់ហិរញ្ញវត្ថុលើការចំណាយ Financial Fair Play (FFP)។ សំណុំរឿងនេះក៏ដល់ដំណាក់កាលចុងក្រោយហើយ ស្របពេលក្រុមស៊ើបអង្កេត CFCB IC ចង់ឲ្យមានការដាក់ពិន័យ Man City ដោយមិនឲ្យម្ចាស់ជើងឯក Premier League នេះចូលរួមលេងក្នុងក្របខណ្ឌ Champions League មួយរដូវកាល៕
ក្រុមដែលដឹកនាំដោយអ្នកចាត់ការ Pep Guardiola មានបំណងគ្រប់គ្រងពាននេះជាលើកទី៦ បន្ទាប់ពីឈ្នះ៥លើករួចហើយក្នុងឆ្នាំ ១៩០៤, ១៩៣៤, ១៩៥៦, ១៩៦៩ និង ២០១១។ ប្រសិនបើពួកពិតជាលើកពាន FA Cup នេះមែន Man City នឹងក្លាយជាក្លិបទី១នៅអង់គ្លេស ដែលអាចឈ្នះពាន៣ក្នុងស្រុកនៅរដូវកាលតែមួយផងដែរ។
រដូវកាល ២០១៨-១៩នេះ ក្រុមមេឃខៀវឈ្នះពានពីររួចហើយ ពោលគឺ EFL Cup និង Premier League។ សម្រាប់ Man City នេះការបង្ហាញខ្លួនលើកទី១១ហើយក្នុងវគ្គផ្តាច់ព្រ័ត្រ FA Cup បន្ទាប់ពីចាញ់ Wigan ១-០ នាជំនួបចុងក្រោយក្នុងឆ្នាំ២០១៣។
ដោយឡែក Watford នេះជាការឈានដល់វគ្គព្រ័ត្រលើកទី២ បន្ទាប់ពីបង្ហាញខ្លួនចុងកក្រោយក្នុងឆ្នាំ ១៩៨៤ ដោយចាញ់ Everton ២-០ នៅ Wembley ក្រោមការដឹកនាំរបស់អ្នកចាត់ការលោក Graham Taylor។
៣៥ឆ្នាំក្រោយលោក Javi Gracia បាននាំ Watford ឡើងដល់វគ្គផ្តាច់ FA Cup ជាថ្មីម្តងទៀតដោយរំពឹងថាអាចគ្រងពាននេះជាលើកដំបូងក្នុងប្រវត្តិសាស្ត្រក្លិប។ ប្រសិនបើក្រុមដែលមានមូលដ្ឋានក្នុងក្រុង Watford អាចលើកពាននេះមែននោះ ពួកគេនឹងទទួលបានកៅអីទៅកាន់លេង Europa League ជាលើកទី២ ចាប់តាំងពីរបង្ហាញខ្លួនដំបូងក្នុងក្របខណ្ឌទី២អឺរ៉ុបនេះ (កាលនៅមានឈ្មោះ UEFA Cup) ក្នុងរដូវកាល ១៩៨៣-៨៤។
សម្រាប់ការប្រកួតនេះ អ្នកគាំទ្រ Wolverhampton និង Manchester United នឹងឈរទៅខាង Manchester City។ ប្រសិនបើក្រុមមេឃខៀវឈ្នះពាន ក្រុមចចក Wolves ក្នុងនាមជាក្រុមលេខ៧ Premier League នឹងទទួលបានកៅអីអឺរ៉ុប (Europa League) ជាលើកដំបូង បើគិតចាប់តាំងពីឆ្នាំ១៩៨០មក។
ក្នុងករណី Watford ឈ្នះពានដោយខ្លួនឯង ពួកគេត្រូវលេខនៅវគ្គជម្រុះ Europa League ដែលរុញច្រាន Manchester United ដែលជាក្រុមលេខ៦ Premier League ទៅលេងនៅវគ្គជម្រុះជុំទីពីរវិញ។ ករណីនេះ នឹងផ្តល់ផលវិបាកសម្រាប់បិសាចក្រហម ដោយសារការប្រកួតស្ថិតនៅកៀកកាលវិភាគនៃការចាប់ផ្តើម Premier League នារដូវកាលថ្មី។ ជាទូទៅ Man Utd និងក្រុមធំៗនៅអឺរ៉ុប តែងតែមានកម្មវិធីប្រកួតមិត្តភាពដ៏មមាញឹកនៅក្រៅប្រទេស មុនរដូវកាលថ្មីចាប់ផ្តើម។
Liverpool ក៏ចង់ឲ្យ Man City លើកពានផងដែរ ពីព្រោះពួកគេនឹងមានឱកាសប្រជែងពាន Community Shield មុនពេលបើករដូវកាលក្រោយ។ ជាធម្មតា ក្រុមលេខ១ Premier League និងម្ចាស់ពាន FA Cup ត្រូវប្រជែងគ្នា តែក្នុងករណី Man City ឈ្នះពានទាំងពីរ មានន័យថា ហង្សក្រហម ដែលបានលេខ២ Premier League ត្រូវប្រជែងជាមួយ Man City វិញ។
Man City មានកៅអីរួចទៅហើយក្នុង Champions League ប៉ុន្តែក្រុមជើងឯក Premier League នេះ កំពុងប្រឈមបញ្ហា ដោយគណៈកម្មការគ្រប់គ្រងហិរញ្ញវត្ថុឯករាជ្យរបស់សហព័ន្ធកីឡាបាល់ទាត់ទ្វីបអឺរ៉ុប (UEFA) កំពុងស៊ើបអង្កេតលើករណីបំពានច្បាប់កំណត់ហិរញ្ញវត្ថុលើការចំណាយ Financial Fair Play (FFP)។ សំណុំរឿងនេះក៏ដល់ដំណាក់កាលចុងក្រោយហើយ ស្របពេលក្រុមស៊ើបអង្កេត CFCB IC ចង់ឲ្យមានការដាក់ពិន័យ Man City ដោយមិនឲ្យម្ចាស់ជើងឯក Premier League នេះចូលរួមលេងក្នុងក្របខណ្ឌ Champions League មួយរដូវកាល៕
Tag:
បាល់ទាត់
FA Cup
FA Cup
Manchester City
© រក្សាសិទ្ធិដោយ thmeythmey.com
