ខេត្តរតនគិរីរៀបចំពិធីអបអរជ័យលាភីលេខ៣អក្សរសិល្ប៍ទូទាំងប្រទេស និងសិស្សពូកែផ្សេងទៀត

ជាតិ

ខេត្តរតនគិរីរៀបចំពិធីអបអរជ័យលាភីលេខ៣អក្សរសិល្ប៍ទូទាំងប្រទេស និងសិស្សពូកែផ្សេងទៀត

18, May 2019 , 7:59 pm

រូបភាព

ដោយ: ឡាយ សុភាវតី

លោក ថង សាវុន អភិបាលខេត្តរតនគិរី កាលពីថ្ងៃទី១៧ ខែឧសភា បានរៀបចំពិធីអបអរសាទរ និងផ្តល់រង្វាន់លើកទឹកចិត្តសម្រាប់សិស្សពូកែរបស់ខ្លួន ដែលក្នុងនោះមាន យុវសិស្ស ម៉េង គឹមឡៃ ដែលជាប់លេខ៣អក្សរសិល្ប៍ខ្មែរទូទាំងប្រទេស និងយុវជន៥រូបទៀតដែលបានទៅចូលរួមប្រឡងសិស្សពូកែ បើទោះបីជាពួកគេមិនទទួលបានចំណាត់ថ្នាក់ក៏ដោយ។

អត្ថបទទាក់ទង

រំភើប! ស្រុកមេសាង ខេត្តព្រៃវែងមានសិស្សពូកែលេខ១រូបវិទ្យាទាំងថ្នាក់ទី៩ និងទី១២

ស្វាយរៀងស្វាគមន៍យ៉ាងកក់ក្តៅសិស្សពូកែគណិតវិទ្យា ផៃ វុទ្ធី ដែលជាប់លេខ៧ទូទាំងប្រទេស

សិស្សពូកែថ្នាក់ទី១២៖ ស្រីខ្លាំងអក្សរសិល្បិ៍ ប្រុសពូកែគណិត ខណៈព្រៃវែងនៅតែនាំមុខរូបវិទ្យា

ពិធីអបអរសាទរ ផ្តើមដោយក្បួនដង្ហែនៅតាមផ្លូវក្នុងខេត្ត។ បើតាមទំព័រហ្វេសប៊ុករបស់រដ្ឋបាលខេត្ត កញ្ញា ម៉េង គឹមឡៃ សិស្សវិទ្យាល័យហ៊ុន សែន ភូមិថ្មី ដែលបានលើកមុខមាត់ខេត្ត តាមរយៈការដណ្តើមបានចំណាត់ថ្នាក់លេខ៣លើការប្រឡងសិស្សពូកែមុខវិជ្ជាអក្សរសិល្ប៍ខ្មែរ ថ្នាក់ទី១២នោះ ទទួលបានម៉ូតូ១គ្រឿង កំព្យូទ័រមួយ និងថវិកាមួយចំនួន។

រូបភាពពីទំព័រហ្វេសប៊ុករដ្ឋបាលខេត្តរតនគិរី

ក្រៅពីនេះ គ្រូប្រចាំមុខវិជ្ជាអក្សរសាស្ត្រខ្មែរ និងសិស្ស៥រូបទៀតដែលបានទៅចូលរួមប្រឡងសិស្សពូកែនៅខេត្តសៀមរាប នាសម័យប្រឡង២២ មេសា ឆ្នាំ២០១៩ ក៏ទទួលបានថវិកាលើកទឹកចិត្តផងដែរ។

អ្វីដែលគួរចាប់អារម្មណ៍នោះ ម៉េង គឹមឡៃ និងសិស្ស៥រូបទៀត ទទួលបានការលើកទឹកចិត្តពីមជ្ឈមណ្ឌលគ្រូយើង តាមរយៈការផ្តល់ដំណើរទស្សនកិច្ចកម្សាន្តទៅកាន់ប្រទេសសិង្ហបុរី៕