អត្ថបទពាណិជ្ជកម្ម
អ្នកជំនាញផលិតស្រាបៀ និងភេសជ្ជៈជុំវិញពិភពលោក នឹងមកទស្សនកិច្ចសិក្សាស្វែងយល់ ពីបច្ចេកវិទ្យាទំនើបនៅរោងចក្រ ខ្មែរ ប៊ែវើរីជីស
×![]()
ដោយ: ថ្មីៗ
រោងចក្រ ខ្មែរ ប៊ែវើរីជីស នឹងធ្វើជាម្ចាស់ផ្ទះ ទទួលស្វាគមន៍ដំណើរទស្សនកិច្ច របស់សិក្ខាកាមដែលមកពីជាង១០ប្រទេស ជុំវិញពិភពលោក ដែលមកចូលរួមសិក្ខាសាលា ស្តីពីការផលិតស្រាបៀ ទីក្រុងបាងកក ឆ្នាំ២០១៩ នាពេលឆាប់ៗខាងមុខនេះ។
សិក្ខាសាលា ស្តីពីការផលិតស្រាបៀទីក្រុងបាងកក ២០១៩ គឺជាសិក្ខាសាលា ដែលរៀបចំរួមគ្នាដោយសមាគមន៍ នៃឧស្សហកម្មផលិតស្រាបៀ ក្នុងប្រទេសថៃ (Thailand Beer Industry Guild) និងសាកលវិទ្យាល័យប៊ឺលីន (University of Berlin) ក្នុងប្រទេសអាល្លឺម៉ង់ ដើម្បីចែករំលែកបទពិសោធន៍ ចំណេះដឹង និងការសិក្សាស្រាវជ្រាវថ្មីៗទាក់ទងនឹងបច្ចេកវិទ្យាចុងក្រោយបង្អស់ ក្នុងការផលិតស្រាបៀ និងភេសជ្ជៈ។
សិក្ខាកាមទាំងនោះ សុទ្ធសឹងតែជាអ្នកជំនាញ អ្នកស្រាវជ្រាវ អ្នកផ្គង់ផ្គង់ ក៏ដូចជាថ្នាក់ដឹកនាំជាន់ខ្ពស់ ក្នុងឧស្សាហកម្មផលិតស្រាបៀ និងភេសជ្ជៈមកពីជុំវិញពិភពលោក។
ដំណើរទស្សនកិច្ចរោងចក្រ ខ្មែរ ប៊ែវើរីជីស នេះ នឹងផ្តោតទៅលើគ្រឿងចក្រ និងបច្ចេកវិទ្យាទំនើបចុងក្រោយបង្អស់ ដែលប្រើប្រាស់ក្នុងការផលិតស្រាបៀកម្ពុជា និងភេសជ្ជៈផ្សេងៗទៀតរបស់ក្រុមហ៊ុន ខ្មែរ ប៊ែវើរីជីស។
ដំណើរទស្សនកិច្ចរោងចក្រផលិតស្រាបៀ និងភេសជ្ជៈ គឺជាសកម្មភាពមួយ របស់សិក្ខាសាលារយៈពេល៣ថ្ងៃ ដែលគណៈប្រតិភូ អាចមានឱកាសដើរទស្សនកិច្ច និងទស្សនាដោយផ្ទាល់ពីចង្វាក់ ផលិតកម្មស្រាបៀ និងភេសជ្ជៈ ក្នុងរោងចក្រនៅតំបន់អាស៊ីអាគ្នេយ៍។
រោងចក្រក្រុមហ៊ុន ខ្មែរ ប៊ែវើរីជីស គឺជារោងចក្រក្នុងស្រុករបស់ខ្មែរដំបូងបង្អស់ ដែលរៀបចំទទួលការជួបជុំ អ្នកជំនាញជាន់ខ្ពស់ ក្នុងវិស័យឧស្សាហកម្មផលិតស្រាបៀ និងភេសជ្ជៈក្នុងប្រទេសកម្ពុជា៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com
