មានករណីផ្ទុះ និងធ្លាក់បំណែក ពីលើអាកាសនៅជាប់ព្រំដែនកម្ពុជា-ឡាវ

ជាតិ

មានករណីផ្ទុះ និងធ្លាក់បំណែក ពីលើអាកាសនៅជាប់ព្រំដែនកម្ពុជា-ឡាវ

23, May 2019 , 4:23 pm

រូបភាព

រូបពី Bayon TV

ដោយ: ថ្មីៗ

ភ្នំពេញ៖ នៅព្រឹកថ្ងៃទី២៣ ឧសភា មានករណីផ្ទុះ និងធ្លាក់បំណែកដែក ពីលើអាកាស នៅក្នុងឃុំអូរស្វាយ ស្រុកថាឡាបរវ៉ាត់ ខេត្តស្ទឹងត្រែង ដែលជាប់ព្រំដែនកម្ពុជា-ឡាវ។

លោក ម៉ុម សារឿន អភិបាលខេត្តស្ទឹងត្រែង បានប្រាប់សារព័ត៌មានថ្មីៗថា ករណីផ្ទុះនេះ អាជ្ញាធរមិនទាន់ដឹងពីមូលហេតុច្បាស់លាស់នោះទេ ហើយនៅពេលនេះ សមត្ថកិច្ចកំពុងចុះសិក្សាស្រាវជ្រាវ។ សមត្ថកិច្ចបានប្រមូលបំណែកដែក ដែលធ្លាក់ពីលើអាកាសយកទៅរក្សាទុក ។

សារព័ត៌មានថ្មីៗ មិនទាន់អាចសុំការអត្ថាធិប្បាយពីលោក ម៉ៅ តារា ស្នងការខេត្តស្ទឹងត្រែង ជុំវិញករណីនេះនៅឡើយទេ ដោយសារលោករវល់ប្រជុំ៕