ជាតិ
សង្គមជាតិ
យុវជន ទេព សុវិចិត្រ បង្កើតយុទ្ធនាការ៤៥ថ្ងៃ នៃការយកអក្សរខ្មែរធ្វើជាសិល្បៈបែបអភិរក្ស
× ភ្នំពេញ៖ លោក ទេព សុវិចិត្រ ដែលជាអ្នកជំនាញផ្នែកពុម្ពអក្សរខ្មែរ បានបង្កើតយុទ្ធនាការ ៤៥ថ្ងៃនៃអក្សរខ្មែរ ដោយយកអក្សរខ្មែរធ្វើជាសិល្បៈបែបអភិរក្ស ក្នុងគោលបំណងជំរុញឲ្យសាធារណជនចាប់អារម្មណ៍ទៅលើពុម្ពអក្សរខ្មែរ។
ចង់ជ្រាបឲ្យច្បាស់សូមស្តាប់កិច្ចសម្ភាស រវាងអ្នកសារព័ត៌មានថ្មីៗ ជាមួយលោក ទេព សុវិចិត្រ អ្នកបង្កើតយុទ្ធនាការ៤៥ថ្ងៃនៃអក្សរខ្មែរ ដូចតទៅ៖
នៅក្នុងកិច្ចសម្ភាសជាមួយអ្នកសារព័ត៌មានថ្មីៗ លោក ទេព សុវិចិត្រ កត់សម្គាល់ថា មហាជនទូទៅគឺសុទ្ធតែយល់ដឹងពីរបៀបប្រើប្រាស់អក្សរខ្មែរ ប៉ុន្តែមានភាគតិចណាស់ដែលយកអក្សរខ្មែរមកបង្កើតជាសិល្បៈ។ ដោយសារមើលឃើញចំណុចនេះ ទើបលោក សុវិចិត្រ បង្កើតយុទ្ធនាការ ៤៥ថ្ងៃនៃអក្សរខ្មែរ ដើម្បីជំរុញឲ្យអ្នកដែលមានជំនាញក្រាហ្វិក អ្នករចនាពុម្ពអក្សរខ្មែរ បង្កើនការច្នៃអក្សរខ្មែរឲ្យកាន់តែច្រើនឡើង ដើម្បីឲ្យក្លាយជាផ្ទាំងសិល្បៈបែបអភិរក្សអក្សរខ្មែរ។
នៅក្នុងព្រឹត្តិការណ៍៤៥ថ្ងៃនៃអក្សរខ្មែររបស់លោក មានសមាជិកចូលរួមបង្កើតអក្សរខ្មែរប្រមាណ១៥នាក់ ក្នុងការបង្កើតអក្សរបែបវីដេអូ និងអក្សរបែបច្នៃជាម៉ូដរចនាផ្សេងៗគ្នា សម្រាប់បង្ហោះនៅក្នុងបណ្តាញសង្គមហ្វេសប៊ុក។ អក្សរនីមួយៗ ត្រូវបានលោក សុវិចិត្រ បង្ហោះនៅក្នុងមួយថ្ងៃ មួយតួអក្សរ សម្រាប់បង្គ្រប់៤៥ថ្ងៃនៃអក្សរខ្មែរ៕
Tag:
អក្សរ
បច្ចេកវិទ្យា
© រក្សាសិទ្ធិដោយ thmeythmey.com