ឪពុករបស់កីឡាករ អ៊ិន សូដាវីដ ទទួលមរណភាពក្នុងជន្មាយុ៥៨ឆ្នាំ

កីឡាជាតិ

ជាតិ

ឪពុករបស់កីឡាករ អ៊ិន សូដាវីដ ទទួលមរណភាពក្នុងជន្មាយុ៥៨ឆ្នាំ

25, May 2019 , 3:20 pm

រូបភាព

លោក អ៊ិន ធនវឌ្ឍន៍ (ខាងឆ្វេង)ថតជាមួយកីឡាករ អ៊ិន សូដាវីដ ពេលគាត់នៅរស់

ដោយ:

លោក អ៊ិន ធនវឌ្ឍន៍ ឪពុកបង្កើតរបស់កីឡាករ អ៊ិន សូដាវីដ បានទទួលមរណភាពក្នុងជន្មាយុ៥៨ឆ្នាំ ដោយរោគាពាធ វេលាម៉ោង៩:៣០នាទីព្រឹកថ្ងៃទី២៥ ឧសភា ឆ្នាំ២០១៩។ សពរបស់លោកកំពុងតម្កល់ធ្វើបុណ្យនៅផ្ទះលេខ១៥F ផ្លូវលំ ក្នុងភូមិតាងៅក្រោម សង្កាត់និរោធ ខណ្ឌច្បារអំពៅ រាជធានីភ្នំពេញ។

ក្លិបបាល់ទាត់វិសាខាសរសេរសារដ៏ក្រៀមក្រំនៅលើទំព័រហ្វេសប៊ុកផ្លូវការ ដែលរៀបរាប់ពីមរណភាពឪពុកបង្កើតរបស់កីឡាករ អ៊ិន សូដាវីដ សមាជិករបស់ក្លិបបាល់ទាត់វិសាខា គឺលោក អ៊ិន ធនវឌ្ឍន៍។ ឆ្លៀតក្នុងឱកាសដ៏ក្រៀមក្រំនេះ ក្លិបបាល់ទាត់វិសាខា ក៏បានចូលរួមរំលែកទុក្ខជាមួយគ្រួសាររបស់ សូដាវីដ ផងដែរ។

«តាងនាមថ្នាក់ដឹកនាំ បុគ្គលិក គ្រូបង្វឹក និងកីឡាករទាំងអស់នៃក្លិបកីឡាបាល់ទាត់វិសាខា សូមចូលរួមរំលែកទុក្ខយ៉ាងក្រៀមក្រំបំផុតជាមួយគ្រួសាររបស់កីឡាករ អ៊ិន សូដាវីត ចំពោះការបាត់បង់ឪពុកជាទីស្រលាញ់»។ សាររំលែកទុក្ខនេះត្រូវបានក្លិបបាល់ទាត់វិសាខាសរសេរលើទំព័រហ្វេសប៊ុក នៅថ្ងៃទី២៥ ឧសភា ឆ្នាំ២០១៩៕