ជាតិ
សង្គមជាតិ
រដ្ឋមន្ត្រីសុខាភិបាល ប្រាប់គ្រប់មន្ទីរ ឲ្យប្តឹងអ្នកបើកសេវាព្យាបាលខុសច្បាប់
លោក ម៉ម ប៊ុនហេង រដ្ឋមន្រ្តីក្រសួងសុខាភិបាល
×![]()
ភ្នំពេញ៖ លោក ម៉ម ប៊ុនហេង រដ្ឋមន្ត្រីក្រសួងសុខាភិបាល បានបង្គាប់ទៅគ្រប់មន្ទីរសុខាភិបាលរាជធានី-ខេត្ត ឲ្យរៀបចំឯកសារច្បាប់ និងដាក់ពាក្យប្តឹងតុលាការ ចំពោះអ្នកធ្វើអាជីវកម្មព្យាបាលជំងឺ-ដើរចាក់ថ្នាំខុសច្បាប់។ វិធានការនេះ គឺដើម្បីលុបបំបាត់ទាំងស្រុងនូវការផ្តល់សេវាសុខាភិបាលខុសច្បាប់។
លិខិតដែលចុះហត្ថលេខាដោយលោក ម៉ម ប៊ុនហេង កាលពីថ្ងៃទី២៧ឧសភា ឆ្នាំ២០១៩ បានសរសេរដូច្នេះថា៖«ក្រសួងសុខាភិបាល បានសង្កេតឃើញថា នៅមានអ្នកប្រកបអាជីវកម្មព្យាបាលជំងឺ និងដើរចាក់ថ្នាំខុសច្បាប់ ដែលបណ្តាលធ្វើឲ្យអ្នកជំងឺខាតបង់ប្រាក់ ពេលវេលា ប៉ះពាល់សុខភាព និងឈានដល់ការបាត់បង់ជីវិតថែមទៀត»។
បច្ចុប្បន្ន នៅខេត្តស្វាយរៀង មានអ្នកព្យាបាលជំងឺ និងដើរចាក់ថ្នាំជិត៤០០នាក់ ដែលគ្មានសញ្ញាបត្រ និងគ្មានច្បាប់អនុញ្ញាតពីមន្ទីរសុខាភិបាល ឬពីក្រសួងសុខាភិបាល ដែលកំពុងរកស៊ីដើរចាក់ថ្នាំយ៉ាងអនាធិបតេយ្យ។ នេះបើយោងតាមតារាងរបាយការណ៍របស់មន្ទីរសុខាភិបាលខេត្តស្វាយវៀង៕
Tag:
សុខាភិបាល
© រក្សាសិទ្ធិដោយ thmeythmey.com
