ទ្រព្យ៦០០លានដុល្លារ នាំឲ្យ Rihanna ក្លាយជាអ្នកចម្រៀងស្រីដែលមានជាងគេលើលោក

អន្តរជាតិ

ទ្រព្យ៦០០លានដុល្លារ នាំឲ្យ Rihanna ក្លាយជាអ្នកចម្រៀងស្រីដែលមានជាងគេលើលោក

06, Jun 2019 , 8:29 am

រូបភាព

ដោយ: ធីតា

Rihanna អាយុ៣១ឆ្នាំ ដែលជាតារាចម្រៀងសញ្ជាតិបាបាដុស បានក្លាយជាអ្នកចម្រៀងស្រីដែលមានជាងគេបំផុតលើលោក (The World’s Richest Female Musician) ។ នេះបើតាមបញ្ជីឈ្មោះដែលផ្សាយដោយទស្សនាវដ្តី Forbes។

អត្ថបទទាក់ទង

Kylie Jenner ជំនួស Mark Zuckerberg សម្រាប់តំណែងមហាសេដ្ឋីវ័យក្មេងជាងគេលើលោក

Rihanna ដែលមានឈ្មោះពេញថា Robyn Rihanna Fenty ក្លាយជាតារាចម្រៀងដ៏ជោគជ័យម្នាក់ ចាប់តាំងពីឆ្នាំ២០០៣មក ដោយទទួលពានរង្វាន់សរុបជាង២០០។ ប៉ុន្តែទ្រព្យសម្បត្តិរបស់ Rihanna មិនមែនបានមកពីឧស្សាហកម្មតន្ត្រីសុទ្ធសាធនោះឡើយ ដោយនាងមានជំនួញជាមួយមហាសេដ្ឋិនីបារាំង Bernard Arnault នៅក្រុមហ៊ុនគ្រឿងសម្អាងប្រណីត LVMH ថែមទៀតផង។

ក្រុមហ៊ុន Fenty Beauty ជាបុត្រសម្ព័ន្ធរបស់ LVMH ដែលបង្កើតឡើងដោយតារាចម្រៀងបាបាដុសនេះផ្ទាល់ ហើយកាលពីឆ្នាំ២០១៨ រកចំណូលបាន៥៧០លានដុល្លារអាមេរិក។ ក្រៅពីនេះ Rihanna ក៏ជាម្ចាស់ក្រុមហ៊ុន Savage X Fenty ដែលមានទីស្នាក់នៅ Los Angeles សហរដ្ឋអាមេរិកផងដែរ។

ជាមួយនឹងទ្រព្យសម្បត្តិដែលត្រូវទស្សនាវដ្តី Forbes វាយតម្លៃថា មានជាង៦០០លានដុល្លារអាមេរិក នាំឲ្យ Rihanna ក្លាយជាតារាចម្រៀងស្រីដែលមានជាងគេបំផុតលើពិភពលោក ដោយនាំមុខតារាចម្រៀងអាមេរិក Madonna (៥៧០លានដុល្លារអាមេរិក) តារាចម្រៀងកាណាដា Celine Dion (៤៥០លានដុល្លារអាមេរិក) និងតារាចម្រៀងអាមេរិក Beyoncé (៤០០លានដុល្លារអាមេរិក)៕

Tag:

Forbes

ថ្ងៃ១៧ មេសា កាល៤៩ឆ្នាំមុន កងទ័ពខ្មែរក្រហមដណ្តើមបានទីក្រុងភ្នំពេញ

6 ថ្ងៃ

នាយទាហាន ៨រូប ត្រូវបានព្រះមហាក្សត្រដំឡើងឋានន្តរស័ក្តិផ្កាយ៤

3 ថ្ងៃ

តើពាក្យ«បច្ច័យ»មានន័យច្បាស់លាស់ដូចម្តេច?

1 សប្តាហ៍

សត្វជាង ៧០០ប្រភេទ ត្រូវបានរកឃើញក្នុងតំបន់ព្រៃកោងកាងខេត្តកោះកុង

5 ថ្ងៃ

«មជ្ឈការ»មានន័យខុសពី«វិមជ្ឈការ»ដូចម្តេច?

1 ថ្ងៃ

អត្ថបទពេញនិយមបន្ថែម