ពីនេះ ពីនោះ
ព័ត៍មានសុខភាព
×![]()
ដោយ: ថ្មីៗ
ថ្លើមមនុស្សយើងមាននាទីផលិតទឹកប្រមាត់ ដែលវាមានមុខងារជួយដល់ការរំលាយជាតិខ្លាញ់ពីអាហារយើងញ៉ាំរាល់ថ្ងៃ។ ក្រោយពីទឹកប្រមាត់ផលិតរួច វានឹងត្រូវរក្សាទុកក្នុងថង់ទឹកប្រមាត់ ដើម្បីត្រៀមខ្លួនបញ្ចេញទៅក្នុងពោះវៀនតូច ពេលញ៉ាំអាហាររួច។ ជាអកុសល សារធាតុបំពាក់ពណ៌ខ្លះរបស់ទឹកប្រមាត់ និងកូឡេស្តេរ៉ុល អាចនឹងប្រមូលផ្តុំគ្នា ក្លាយទៅជាក្រួសបាន។ បើសិនវាធំគ្រប់គ្រាន់ វានឹងធ្វើឲ្យស្ទះក្នុងផ្លូវទឹកប្រមាត់ និងបង្កជាការឈឺចាប់ ចង្អោរ និងក្អួតបាន។ 
ខាងក្រោមនេះ ជារបៀបការពារមិនឲ្យកើតក្រួសក្នុងថង់ទឹកប្រមាត់នេះ៖
រក្សាទម្ងន់ឲ្យនៅមានសុខភាពល្អ
ការដែលធាត់ជ្រុល ឬធាត់ខ្លាំង គឺជាកត្តាប្រឈមខ្លាំងបំផុត នៃការកើតក្រួសថង់ទឹកប្រមាត់។ ដូច្នេះ វាពិតជាល្អណាស់ដែលអ្នកអាចសម្រកទម្ងន់បាន។ បើសិនជាអ្នកសម្រក យកល្អគួរតែកុំសម្រកលឿនពេក តែត្រូវធ្វើតាមដំណើរបន្តិចម្តងៗ ព្រោះការដែលសម្រកខ្លាំង អាចធ្វើឲ្យកើតក្រួសក្នុងថង់ទឹកប្រមាត់ទៅវិញទេ។
ហាត់ប្រាណជាប្រចាំ
វិធីសាស្ត្រដ៏សំខាន់បំផុតមួយ ដើម្បីសម្រកទម្ងន់ប្រកបដោយសុខភាពល្ អគឺការហាត់ប្រាណទៀងទាត់។ ការហាត់ប្រាណទៀងទាត់ ក៏អាចការពារមិនឲ្យកើតក្រួសក្នុងថង់ទឹកប្រមាត់ដែរ។ ការហាត់ប្រាណ នឹងទៅបន្ថយចំនួនកូឡេស្តេរ៉ុល ហើយវាក៏មិនសូវធ្វើឲ្យទឹកប្រមាត់ខាប់ ដើម្បីក្លាយជាក្រួសបានដែរ។
មានអ្វីដែលអ្នកញ៉ាំផង
វាពិតជារឿងល្អណាស់ ដែលអ្នកគួរជ្រើសរើសរបបអាហារ ដែលមានជាតិសរសៃខ្ពស់ ដើម្បីការពារកុំឲ្យកើតក្រួសក្នុងថង់ទឹកប្រមាត់។ មានន័យថា អ្នកគួរតែញ៉ាំផ្លែឈើ បន្លែពណ៌បៃតង គ្រាប់ធញ្ញជាតិ និងគ្រាប់ផ្លែឈើឲ្យបានច្រើន ព្រោះអាហារទាំងនេះ នឹងផ្តល់ជាខ្លាញ់ល្អដល់សុខភាព ក្នុងការប្រឆាំងការកើតក្រួសក្នុងថង់ទឹកប្រមាត់ផងដែរ៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com
