ជាតិ
ត្រីកាហែលឿង។ រូបភាព៖ Phanara Thach / ffish.asia
×![]()
គម្រោងអច្ឆរិយភាពនៃទន្លេមេគង្គ (Wonders of the Mekong) សូមណែនាំត្រីមានស្រកាមួយប្រភេទ ដែលជាប្រភេទត្រីទឹកសាប វារស់នៅក្នុងទន្លេធំៗ មធ្យម ស្ទឹង អូរ ប្រឡាយ តំបន់វាលទំនាបលិចទឹក និងទន្លេមេគង្គ។
ត្រីកាហែលឿង មានឈ្មោះវិទ្យាសាស្ត្រ (Barbonymus schwanenfeldii) និងឈ្មោះជាភាសាអង់គ្លេស Tinfoil barb មានប្រវែងដងខ្លួនអតិបរមា ៣៥ ស.ម។ វាធ្វើចរាចរផ្លាស់ទីចុះមកតំបន់វាលទំនាបលិចទឹក ព្រៃលិចទឹកដែលជាទីកន្លែងគ្មានចរន្តទឹកហូរ ដើម្បីពង-កូន ចាប់ពីខែសីហា ដល់ខែ កក្កដា ដោយបណ្តែតក្នុងទឹក។ ត្រីកាហែក្រហម ជាប្រភេទ «តិណាសី» ពោលគឺប្រភេទត្រីស៊ីរុក្ខជាតិ វារិជាតិភាគច្រើន។ ប៉ុន្តែ ម្តងម្កាល វាស៊ីសត្វល្អិត ជន្លេន កូនត្រី កូនក្តាម កំពឹស ជាអាហារផងដែរ។
ត្រីកាហែលឿង ត្រូវបានគេកត់ត្រាចូលក្នុងបញ្ជីរក្រហម IUCN Red List (Least Concern) ក្នុងឆ្នាំ ២០១១ ជាប្រភេទត្រីមានការព្រួយបារម្ភតិចតួច ដែលនឹងឈានទៅផុតពូជ។ ការនេសាទហួសកម្រិតពីអតីតកាល និងទៅអនាគត ការបាត់បង់ និងការប្រែប្រួលទីជម្រក ការបាត់បង់ព្រៃលិចទឹក ការសាងសង់ទំបន់វារិអគ្គិសនី ទំនងជាបញ្ហាអវិជ្ជមាន ដែលបន្តប៉ះពាល់ដល់ជីវិតមច្ឆាប្រភេទនេះ និងប្រភេទផ្សេងទៀតនាពេលបច្ចុប្បន្ន។
© រក្សាសិទ្ធិដោយ thmeythmey.com
