ជាតិ
រដ្ឋមន្ត្រីវប្បធម៌៖ នៅតំបន់ហាមឃាត់ កុំនិយាយរឿងអ្នកមានអំណាច ឬអត់អំណាច សំណង់ខុសច្បាប់ត្រូវតែរើចោល
× សៀមរាប៖ សំណង់ខុសច្បាប់នៅតែបញ្ហាចម្បងសម្រាប់អាជ្ញាធរជាតិអប្សរា ក្នុងការទប់ស្កាត់ការរីករាលដាលនៅតំបន់ហាមឃាត់ឬតំបន់បេតិកភណ្ឌដែលត្រូវបានការពារ។ មានការរិះគន់នាពេលកន្លងមក ថាការសង់សំណង់ខុសច្បាប់ទាំងនេះមានភាពធូររលុងសម្រាប់អ្នកមានអំណាច តែរិតត្បិតសម្រាប់ប្រជាពលរដ្ឋធម្មតា។ ត្រង់ចំណុចនេះ រដ្ឋមន្ត្រីក្រសួងវប្បធម៌ និងវិចិត្រសិល្បៈ និងជាប្រធានអាជ្ញាធរជាតិអប្សរា លោកស្រី ភឿង សកុណា បញ្ជាក់យ៉ាងដូច្នេះថា៖« នៅតំបន់ហាមឃាត់អត់មាននិយាយរឿងអ្នកមានអំណាចឬអ្នកអត់អំណាចទេ គឺថាអ្វីដែលសាងសង់ខុសច្បាប់ ត្រូវតែធ្វើការរុះរើ»។
សូមស្ដាប់ប្រសាសន៍របស់លោកស្រីរដ្ឋមន្ត្រីក្នុងបទសម្ភាសជាមួយអ្នកសារព័ត៌មាន ក្រោយបញ្ចប់កិច្ចប្រជុំបច្ចេកទេសអាយស៊ីស៊ី-អង្គរលើកទី៣២ នៅរសៀលថ្ងៃទី១២ មិថុនា នៅស្នាក់ការអាជ្ញាធរជាតិអប្សរា៖
កិច្ចប្រជុំបច្ចេកទេសលើកទី៣២នៃគណៈកម្មាធិការអាយស៊ីស៊ី-អង្គរ ត្រូវបានបិទបញ្ចប់ហើយបន្ទាប់ពីដំណើរការរយៈពេល២ថ្ងៃ គឺចាប់ពីថ្ងៃទី១១ ដល់ថ្ងៃទី១២ មិថុនា។ កិច្ចប្រជុំនេះ បានសម្រេចជាផ្លែផ្កាគួរឱ្យកត់សម្គាល់ ដោយក្នុងនោះអ្នកជំនាញអន្ដរជាតិបានឱ្យយោបល់និងកើតសរសើរចំពោះការជួសជុលប្រាសាទ ដែលអនុវត្តន៍តាមអនុសាសន៍តាមអ្នកជំនាញការអាដហុក ក៏ដូចជាផ្តល់អនុសាសន៍បន្ថែមចំពោះគម្រោងថ្មីដែលធ្វើធ្វើ។ លោកស្រី ភឿង សកុណា បានវាយតម្លៃខ្ពស់ចំពោះកិច្ចប្រជុំនេះ ទៅនឹងអ្វីដែលសម្រេចបានរយៈពេល២ថ្ងៃនេះ៕
Tag:
ភឿង សកុណា
អាជ្ញាធរជាតិអប្សរា
© រក្សាសិទ្ធិដោយ thmeythmey.com