អត្ថបទពាណិជ្ជកម្ម
ក្រុមគ្រួសារសពនាយឧត្តមសេនីយ៍ ដុម ហាក់ ថ្លែងអំណរគុណសម្តេច ទៀ បាញ់ និងប្រតិភូ ដែលបានចូលរួមគោរពវិញ្ញាណក្ខ័ន្ធ
×![]()
ដោយ: ថ្មីៗ
ក្រោយបញ្ចប់ពិធីបុណ្យសពរួចរាល់តាមប្រពៃណីព្រះពុទ្ធសាសនា ក្រុមគ្រួសារនាយឧត្តមសេនីយ៍ ដុម ហាក់ ដែលមាន កូនៗ កូនប្រសារ ព្រមទាំងចៅៗ បានសម្តែងនូវក្តីគោរព ថ្លែងអំណរគុណ ចំពោះសម្តេចពិជ័យសេនា ទៀ បាញ់ និងគណៈប្រតិភូ ដែលបានអញ្ជើញចូលរួម គោរពវិញ្ញាណក្ខ័ន្ធ លោក ដុម ហាក់ ដែលបានចែកឋានទៅ ។
«តាំងនាម ឲ្យក្រុមគ្រួសារសព ដែលមាន លោក ដុម សុជាតា លោក ដុម រិទ្ធី លោក ដុម សុខា លោកស្រី ដុម ចាន់មុនី និងក្នុងនាមជាកូន កូនប្រសារ ព្រមទាំងចៅៗ សូមគោរពថ្លែងអំណរគុណ យ៉ាងជ្រាលជ្រៅ ជូនចំពោះសម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ ដែលបានដឹកនាំយោធាជាន់ខ្ពស់មួយចំនួន អញ្ជើញមកចូលរួមពិធីបុណ្យសព នាយឧត្តមសេនីយ៍ ដុម ហាក់ អនុរដ្ឋលេខាធិការ ក្រសួងការពារជាតិ ដែលបានទទួលមរណភាព ដោយរោគាពាធ កាលពីថ្ងៃទី៨ ខែមិថុនា ឆ្នាំ២០១៩ ក្នុងជន្មាយុ ៧៤ឆ្នាំ»។ នេះបើយោងតាមសេចក្តីថ្លែងអំណរគុណ របស់ក្រុមគ្រួសារសាច់ញាតិ នៃសពនាយឧត្តមសេនីយ៍ ដុម ហាក់។
ជាមួយគ្នានេះ ពួកគាត់ក៏បានថ្លែងអំណរគុណ សម្តេចពិជ័យសេនាទៀ បាញ់ ចំពោះការចាត់ចែង ឲ្យក្រុមការងារជួយរៀបចំពិធីបុណ្យសពដែលបានដំណើរការទៅដោយរលូន និងអធិកអធម លើសពីការស្មាន។ សម្រាប់ក្រុមគ្រួសារនាយឧត្តមសេនីយ៍ ដុម ហាក់ វត្តមានគណៈប្រតិភូជាន់ខ្ពស់ នៃក្រសួងការពារជាតិទាំងអស់ ពិតជាបានផ្តល់កិត្តិយស និងក្តីអាណិតអាសូរ និងរំលែកទុក្ខដ៏ក្រៀមក្រំនៃគ្រួសារសព៕
© រក្សាសិទ្ធិដោយ thmeythmey.com
